السالفه للي طلبوها مني يوم سالت وقلت موية الجنين نزل بالبدايه اراجع بمستوصف قريب من بيتي يوم الاربعاء كان موعدي وسالت الدكتوره قلت ابي مستشفى خاص يولدون ورشحت لي ثنتين وقلت تمام بروح لهم على الموعد الجاي بعد اسبوع وسالت عن الرحم قالت مقفل مره ماراح تولدين قبل اسبوعين البكر تاخذ شهرها كامل بالعاده قلت على خير وطلبت منها تعطيني ملين للبطن كان فيني امساك وانتو بكرامه قالت خذي زيت خروع ملعقتين كبيره بكاس عصير فرش وطلعت من عندها 7 المغرب ورحت للبيت وتعشيت وخذت الزيت و2 ونص بالليل بدا مفعول الزيت وجالي سهاال وجلست لصلاة الفجر بعد ماصليت نمت وصحيت 11 ونص على صوت كأنه طقة اصبع وحسيت برطوبه صارت موية الجنين انفكت وادخل اخذ شاور دافي واطلع المستشفى طوارئ وقاسو الرحم قالو 2 سانتي فاتح وطلعت امشي بالشارع ووخذت لي عصير سيزر اناناس وشربته وانا امشي ورجعت والمويه تصب والم الطلق مستمر والتعب لين 4 العصر ودخلوني قسم الولاده وقاسو الرحم قالو 7 ماتدخلين غرفة الولاده الا 9 فاتح 💔 و7 نص دخلوني غرفة الولاده وولدت 8 الحمدلله مجرد ماطلع راس البيبي راح الالم والتعب كللله 😭😭 والحمدلله من قبل ومن بعد على نعمة التي لاتعد ولا تحصى والله يهون على كل حامل ويسهلها ويرزق كل محروم يارب العالمين .