مرحبا بنات ،، ان شاء الله تكونون بخير رح اكتب قصة ولادتي ببكري لاني اشوف كثير يسألون عن زيت الخروع وهل هو مفيد ولا لا،،، انا الحين حامل بطفلي الثاني الله يجيبه بالسلامة ،، في رمضان ٢٠١٨ كنت من حوامل سبتمبر ،، شهر ذو الحجة .. ٣٠/٨/١٤٣٩ ١٤/٥/٢٠١٨ دخلت الشهر التاسع .. ومن دخلت كنت متحممممسة جدا للولادة وهو شعور اي بكرية لان اول طفل فرحته غيير ،، كنت كل يوم افتح اغراض البيبي واشوفها ،، وجهزت شنطة المستشفى من الثامن ،، وبدأت امششي وكان رمضان وصيام تعب بس مع ذلك من بعد العشاء وانا امشششي في حوش البيت ،، وادور ع البيت وامشي تقريبا بالبداية كان امشي ١٥ دقيقة بس م كنت اقدر اتعب ،، وبعدها مضى اول اسبوع من رمضان وانا م معي اي ألمم ،، بدأت بالاسبوع الثاني من التاسع ،، كنت مجهزه قائمة الاشياء اللي اسويها ،، من بعد الفطور ابدأ اسوي قرفصاء ورياضة وامشي ،، بدأت اشرب حليب دافي مع ملعقة صغييره زنجبيل وفلفل اسود وكمون ،، واكل اناناس ،، استمريت الاسبوع الثاني كله كذا اشرب حليب وامشي ورياضة وقرفصاء ،، دخلت الاسبوع الثالث .. قررت اشرب مغلي كمون كوب باليوم ،، ىفعلا صرت اشرب كمون وزنجبيل ،، وبابونج ،، كل يوم كوب شكل مره بابونج مره كمون وهكذاا ،، وصلت اخر اسبوع برمضان وانا للان م معي اي ألم كنت انقع زعفران بموة وشوي موية ورد واشرب تقريبا ٣ ايام وانا اشربه ،، وكنت اقول لاهلي والله حاسه بس اشتري ملابس العيد رح اولد 😂😂😂 والله من اوووول رمضان وانا اقول كذا ☹️ مارح اولد الين اشتري ملابس العيد ،، وصلنا ٢٥ رمضان وللان م ولدت كنت بالاسبوع ٣٩ .. والمستشفى لاني بكريه قالو اخر موعد سابع العيد اذا م ولدت يقررون اش يسوون ،، وانا م ابي اوصل لهذاك التاريخ ابي اولد قبل .. المهم في صباح ٢٦ الفجر قلت لزوجي خلينا نروح بشتري ملابس العيد اتوقع مارح اولد قبل العيد😢 وقام يضحك قالي خلاص امشي السوق ،، ورحت مشيييت بالسوق ادور لبس مناسب لان بطني كبير ولازم لبس حوامل ويكون مناسب للعيد ومالقيت ،، جلست امشي وفجأة لقيت فستان وسيع ومع ربطة ع الخصر يناسب حوامل واخذته ،، والله العظيم بس وصلت عند المحاسب جلست جاتني مغصة قووووية 😭😭 كلمتي تحققت بس اشتريت ع طول جاني ألم ،، وانا كنت ع السحور ماخذه منقوع زعفران وموية وشوي موية ورد ،، واخذته يومين قبل كذا ،، المهم زاد الالم معي 😭😭 وطلعنا من السوق ع المستشفى ،، قالو الرحم ١ونص سانتي وفيه طلق بس مو قوي ،، قالو تبين تنويم قلت لا ،، وطلعت وانا معي ألم بس م زاد كأنه ألم دورة ،،