السلام عليكم ورحمة الله وبركاته حابه اشكر كل وحده دعت لي في قصتي السابقه واسأل الله ان يعطيكم حتى يرضيكم وان يرزق كل محرومه بالضنا في القريب العاجل يارب ♥️♥️ طبعا انا لما عرفت بخبر وفاة ولدي عشت اياااام صعبه مريره كنت انتظر متى يجيني ألم الطلق وخاصه لما رحت على المستشفى مرتين وكان معاي طلق خفيف ورفضوا الولاده لانهم قالوا لسى الرحم مقفل انتظري 💔كان كل يوم يمر علي كأنه سنه زاد علي الثقل والتعب وبطني ثقييييل مره سبحان الله كنت احس بشعووور فضيع وخصوصا لما امسك بطني كنت ادفه بيدي لعلى يستجيب لحركة يدي 😭😭 والنتيجه ولا شي قبل ولادتي بثلاث ايام زاد التعب علي بزياده وبدأت تنزل علامات الولاده كان احساسي وقتها غريب خوووف فضيع ورعب كيف راح اشوف ولدي ميت بين يديني ماكنت افكر بتعب الولاده ولا غيره كنت بس افكر بهالحظه ياربي رحمتك الله لايجعلكم تجربون هذا الاحساس يارب بدأ الطلق يزيد معاي ورحت للمستشفى ووقتها كان الرحم مفتوح ٣سم واتذكر وقتها دخلت حاله مشتبه فيها بالكورونا وكانت معاي وحده تعبانه حامل وخافت من الحاله اللي دخلت المستشفى وخرجت سألتني الدكتوره تكملي وقتها كنت منهاره ماأفكر لا بكرونا ولاغيرها قلت ايوه وطلعوني على طول للتنويم جلست من الساعه ٢ الى الساعه ٧ الصباح وألم الطلق كل شوي يزيد علي الالم ناديت على الدكتوره وقاست كان ٤سم بس لما شافت حالتي جدا تعبانه دخلوني للولاده كانت معاي الممرضه الله يسعدها تخفف عني وتدعيلي وبدأ الالم يزيد معاي بزياده وجات لحظه خروج حبيب قلبي كانت تقولي الدكتوره ادفعي كنت احاول ادفع وادفع بس مو قادره مافيه حيل مررره جات دكتوره ثانيه ومعاه ممرضات الكل يساعدني وحاولت للمره الاخيره والحمدلله بدأ يطلع بس وقتها كنت اشعر بألام قويه مره واقولهم خلاص اتركوه لاتطلعونه 😭😭 مو قادره اتحمل وساعدتني الدكتوره والحمدلله طلع ولدي ...أه ياربي كنت ابكي بحرقه والدكتوره تبكي معاي وحتى الممرضه طلع حبيب قلبي والحبل السري ملتف حول رقبته مرتين وكان هذا سبب وفاته حطوه على السرير بجنبي كنت اقول للمرضه جيبه لي تقولي الدكتوره لاتشوفينه الافضل عشان ماتتعلقين فيه كيف ماأتعلق فيه وانا كنت دايما احس بحركاته في بطني وكنت كل ماأحس فيها افرح كيف ماأتعلق فيه وانا أثثت غرفه بالبيت لاستقباله وخليت كل الالوان سماوي له 😭💔 كيف ماتعلق فيه وانا اخر مره سويت تصوير سونار له طلع لي وجهه وكانت تقولي الدكتوره شوفيه كيف يتفرج فيك ماكنت ادري وقتها انه بيودعني للابد وهذي اخر نظره له… طلبت الممرضه ثاني مره وقالت لي اوعديني لاتبكين خلاص وقلتلها طيب وجابته لي وشفته كان ملاك طاهر حبيبي راح واخذ قلبي معاه الله يصبرني على فراقه ويجبر كسري ويجمعني فيه بالجنه يارب.. واللهم لك الحمد كماينبغي لجلال وجهك وعظيم سلطانك.