صباح الخير بنات شلونكم 😍😍😍 اني صارلي والدة من يوم الثلاثاء ٥-٢ ... اول شي بلشت عندي تقلصات قبل يومين من الولادة اول يوم كانت تجيني بالليل ما اقدر انام او جلس بس تروح بالمشي كان وجع جدا قوي وكنت طول الليل بس امي بالبيت وبالنهار ثاني يوم راح الوجع رحت لدكتورة حتى اعرف سبب التقلصات فحصتني لقت توسع ٢ سانتيم و قالت سبب التقلصات هو ان الجنين نزل للحوض وتهيأ للولادة وقالتلي ما تكملي شهرك راح تولدي عن قريب.. رجعت للبيت لقيت دم شوي بسبب الفحص عادي ما اهتميتله .. لما اجا ليل رجع وجع رهييييب اشد من يوم القبله وكان ما يروح لما امي كان طلقات متقاربة جدا كل ٥ دقايق وايضا ليلتها ما نمت ... الفجر نزل عليه دم .. دخلت للحمام تحت مي حار و شربت هيل مفور وطلع الصبح كان الوجع خف .. راح زوجي للدوام و ساعه ٩ رجعت عندي الاوجاع لكن اخف من الليل ولكن الدم كان مستمر ... اتصلت بزوجي و رجع من دوام وتوجهنا للمشفى ساعه ١٠ صباحا .. فحصتني طبيبه وقالت بداية ولادة والظاهر انها عملت تحريض لان بعد الفحص الوجع زاد جداا .. ساعه ١٢ حجزنا غرفه وجلسنا ننتضر يزيد الطلق.. بهالوقت كان طلق منتضم كل ٥ دقايق تقريبا .. رجعت دكتورة عملت فحص ساعه١٢ و بعد الفحص زاد الوجع اضعاف.. استمر الوجع للعصر طلق منتضم فحصتني مرة اخرى ساعه ٣ كان التوسع ٤ .. بعد اخر فحص صار الوجع لا يحتمل ومتقارب جدا .. ساعه ٤ دخلوني عالصاله وحدي وكل شوي تجي قابله تفحصني عالساعه ٨ ما تحملت الوجع صرت اصرخ عليهم ليش تاركيني وحدي بالغرفه و اريد زوجي اريد عمليه ما اتحمل الوجع ... كانو يتجاهلوني لكن استمريت اصرخ عليهم الى ان خرجوني باب الصاله اتحدث مع زوجي اقنعه عالعملية وهو مو راضي يقتنع صرت ابكي واتوسل فيه وهو ما يرضى .. بعدها دخلوني لصالة مرة ثاني والممرضة عطتني مهدأ بالمغذي راح الوجع كله و نمت من ساعه ٨ ل ١٠ ونص كنت مثل مخدرة .. بهالساعتين ارتاحييييت وشبعت نوم و استجمعت قوتي بهالاثناء كان زوجي يقرا قران ويبكي وكل اهلي يبكون لما شافو حالتي ما يدرون اني نايمه بهالوقت 😂 .. كانت القابله ذكية جدا بهذي الخطوة قالت كانت اعصابك تعبانه ما تقدري تولدي على هالحاله ف قلت ترتاحي شوي .. خرجت شوي شفت زوجي واهلي فرحو كثير لما شافوني مرتاحه و رجعت دخلت لصاله خلولي مغذي طلق صناعي عالساعه ١١ ونص كانت الطلق حامي جدا والقابله قالت اذا تعاونتي معانا قبل ساعه ١٢ انتي والدة .. وصحيح والله تحملت الوجع و عطوني ابرتين توسعه و طقو مي الراس و صارت الولادة كان راس البيبي نازل جدا واقف على باب الرحم يعني لما دفعت احتاجيت عشر دقايق حتى طلعو حبيبتي ياسمين وحطوها على بطني 😍😍😍 كنت كل الوقت اقول اللهم لا سهل الا ما جعلته سهلا وانت تجعل الحزن اذا شئت سهلا..كنت ادعي ربي يسهللي كل الوقت ونهاااائي ما صرخت ولا طلع صوتي كنت اتنفس اشم وردة واطفي شمعه😍 حتى من طلع البيبي ما صرخت كنت ادفع كل قوتي تحت كنت اعرف ان الصريخ ما يفيد ويضيع طاقتي كنت هادئة وواثقه من ربي .. بنفس الثانية سبحان الله كل الوجع رااااااح ونسيت كلشي وصرت خفيفة جدا كانت القابله تنضف الرحم وتستخرج المشيمه وحطلي مخدر موضعي وخيطت المنطقه ولا حسيت بشي نهاااائي بالعكس كنت اضحك وامزح مع دكتورة والنيرسات وسألتهم اول مة طلع البيبي .. ( المكياج راح ؟؟ ) 😂😂 كلهم ضلو مصدومين وقامو يضحكو عليه 😂 بعدها اخذو البيبي و اخذوني عالحمام نضفوني وغيرت ملابسي ودخل زوجي شفتو وبعدها دخلت امي بعدها خرجوني من الصاله على غرفتي ..كانو كلهم فرحانين وانا فرحانه واضحك كان اخي واختي وام زوجي كلهم بالغرفه ... عالساعه ٣ الكل نااام وارتاح بالغرفه وكانت ياسمين الحلوة معانا ❤😍 ولدت ساعه ١٢ وربع بالليل لكن سجلنا تاريخ الولادة ٤-٢ على يوم الاثنين ... ثاني يوم الصبح صحينا ب ٧ جلست فطرت و رحت للحمام غسلت وخليت مكياج جديد و غيرت ملابسي 😍 بعدها جوي ضيوف زاروني و بعدها حاولت ارضع الطفله ما رضيت ترضع كانت بس نايمه اخذوها عدهم فحصها طبيب ورضعوها وجابوها النا .. عالساعه ١٢ ضهر غادرنا المشفى وحبيبة قلبي معانا😍😍😍😍😍😍 الان انا بخير الحمد لله والبيبي بخير ما عدا موضوع الرضاعه مو راضية ترضع مني راح اشتري مصاصة حليب ارضعها من القنينه .. الخياطات الحمد لله ما تأذي مو مثل ما وصفوها الناس بالعكس وجع طبيعي جدا تقدرين تتحمليه كأنو عندك طفح من تحت او حرق بسيط وخلص .. شديت بطني من اول يوم وهذا احلى شي😍😍 وزني كان ٨١ قبل الولادة بيوم والان هو ٧٣ يعني احتاج ينزل ٥ كيلوات بس ويصير تمااام😍 يا بنات ما في احلى من ولادة طبيعيه يعني فعلا معجزة ألهية لاازم تشوفيها بعينك وتعيشي اجوائها لا تحرمو حالكم من هالشعور من تشوفي بيبي يطلع من جواتك وتحسي بكلشي و جسمك وبطنك تبقى حلوة 😍 الف حمد الله والشكر ياربي مع كل الوجع كانت ولادتي طويلة جدا لكن كانت تجربا حلوة ومميزة واحلى يوم بعمري والله ومستحيل انساه ومستعده اعيده ألف مرة❤❤