بلاول الحمدو لله. ع كل حال وعلى النعمة والسلامة اليه ولطفلي وتم حملي بخير الشكر لله... طبعا اني اخر دوره 1/7لكن السونار مأخرني حيل ومخليها 23/7المهم ولدت يوم 16/4قبل ولادتي بثلاث ايام تكلمت وي دكتورتي وكلتلها ماكدر اكمل تعبت وشرحت معاناتي وتفهمت ونطتني موعد يوم الاحد15/4 حسب السونار كان اول يوم بلاسبوع 39 شدولي جهاز قياس نبض الجنين وراقبو وبعدها ضغطي وحرارتي وكالت ح تنطيني تحميلة مهبلية الساعه10بليل والساعه6الصبح اذا مانفتح الرحم تنطيني تحميلة ثانية المهم انطتني الاولى ونمت كعدت الصبح حطتلي جهاز مراقبه شافت نبضات الطفل سريع طلبت مني اشرب مي هواي وفعلا ضليت اشرب وقريت قران استقر النبض طبيعي اجت رادت اتخليلي التحميلة الثانيه بس كالتلي الرحم مفتوح عندج2سم طبعا هاي ثاني ولادة اليه اتصلت بزوجي وصل الساعه9كانت الالام خفيفه مثل الدورة بس قريبه من بعضها الساعه 10ونص نزلوني لغرفه لولادة طبعا سرير مررريح شكد متتصورون وجهاز بشاشه جبيرة يقيس لطلق ونبض والحمام بداخل الغرفه وسرير وفوط للطفل ومكان مثل الخدج اذا لطفل لاسامح الله احتاج شي المهم دخلت للحمام واني ماسيطر وماحس بلادرار صارت الساعه 10ونص بده الالم يقوى شوي طبعا القابله وياي بلغرفه ماتركتني فانطتني كمام الغاز كالت ح يساعدج سحبت من الغاز تقريبا 3مرات وكع الكمام من ايدي وعيوني صارن سواد واحس جسمي خدر وانتهيت بذيج اللحظة نطقت الشهادة لان توقعت متت😂زوجي وياي جان خطية من شافني فقد وضل يهز بيه ويكعدني شوية كمت اضحك بشكل هستيري عبالك مخبلة القابلة بدت تضحك كالت هذا اسمه غاز الضحك ولانو جسمكم ممتعود علكحول فهيج يصير😂😂 يتبع.....