انا بكريه ولدت امس بالاسبوع 38 الحمدالله طبيعي ، نزلت عليا السدادة فاليوم اللي قبل الولادة اللي هيا افرازات فيها دم وكشفت عليا الدكتوة لقيت الرحم مفتوح واحد سانتي واعطتني موعد قي اليوم اللي بعدها سبعه الصباح ، وخرجت امشي ساعه وشربت قرفه ماكان في الم مرا وماتوقعت انو اولد سالتني امي الصباح في اوجاع قولتلها لها وكنسلت موعد الدكتورة قولت لين يحيني الطلق ، ولين الساعه ثمنيه جاني مغص في بطني يشبه مغص البرد والدورة واسهال كنت كل شويه اروح الحمام ع بالي ماخذه برده ويزيد الالم لين صار كل 5 دقايق يجي بس الحمدالله يابنات الم محتمل وبس تروح الطلقه بترجع لك عافيتك ، كشفت عليا الدكتورة طلع مفتوح 5 سانتي مشيت عشر دقايق وصل 7 سانتي وبس عملت تخطيط قلب للبيبي وخلصت لقيتو فاتح 10 سانتي كان في طلق بس من رحمة ربي فينا انو مو متواصل يعني الحمدالله وقت الطلقه مرا قصير دقيقه واقل وتروح وترتاحي 5 او 4 دقايق وترجعلك والمها كان في البطن فعلا زي الم الدورة بس مضاعف ونصيحه لاتصرخو بس تنفسو كويس وادعي لنفسك ولاهلك والحمدالله ربي بيسر انا دخلت الكشك 9 ولدت 10 بالضبط ، وبس دفيت البيبي 3 دفات والدف يكون زي لمن تعملي الكبيره بس انتبهو لازم يكون متواصل يعني خذي نفس تمام وبعدها دفي دفه متواصله وطويله وجات بنتي حبيبتي الله لايحرم احد من هذه اللحضه وفي الاخير بما انو بكريه اكتشفت ان الولادة صعبه ومتعبه بس وربي اهون واخف من الكلام اللي ينقال عنها يعني الم محتمل ولله الحمد الله يسرلكم وعقبالكم كلكم .