قصة ولادتي حوامل ابريل اخر دورة الي كانت ١٠ ابريل وبكرية قصتي طويلة شوي وولادتي كانت متعبة جدا يا ريت تقرأو للاخر بلشت قصتي يوم الاثنين ... كان عندي موعد في المشفى على فحص سونار لوزن الجنين وعملت فحص داخلي وطلع عندي توسع ١ ونص .. رحت الحمام لقيت في دم مع مخاط نزل عليي وبلش معي شوية وجع في بطني وظهري.. بعدها قررو يعملولي تخطيط لحتى يطمنو عالبيبي😷 وبقيت عالتخطيط اكثر من ساعتين وصارو ينادو شوية دكاترة انا متت من الخوف حكولي نبض الجنين ضعيف ولازم تبقي اليوم عنا بالمشفى لحد بكرا حتى نطمن على وضع الجنين ومبين عندك عالتخطيط في طلق خفيف وفحصوني داخلي مرة تانية حكو التوسع ٢ واذا زاد من هون لبكرا رح نساعدك لحتى تولدي المهم بقيو يحطوني عالتخطيط كل ساعتين وانا الوجع في ضهري وبطني عم بيزيد كنت بمشي وباكل تمر لحتى يزيد التوسع وارتاح وانا عم موت من الام وكل ما تيجي الطلقة اوقف واتنفس لحتر تروح وبقيت هيك موجوعة لحتى صارت الساعة ١٢ بالليل اخدوني تخطيط مرة تانية وحكولي الطلق منتظم وقوي لكن ما في توسع بعدو ٢ سم وبقيت عالتخطيط ساعة ورجعوني غرفتي .. قررت ما اانام ابدا وبقيت امشي وادعي انو ربنا يسهل عليي وييسر ولادتي اجو اخدوني تخطيط مرة تانية الساعة ٢ بالليل وانا عم اتعزب حتى بالتخطيط لانو ابني مش عم بتحرك كتير ف بطني وكل شوي يجو يهزو بطني ويحركوه ويخلوني انام مرة ع ضهري ومرة ع جنبي والطلق صار كل عشر دقايق ومرات بيزيد بصير كل سبع دقايق مرة والوجع في ضهري وبطني موووووووت طلبت يعطوني ابرة الظهر لحتى ارتاح شوي حكولي رح نعطيكي ياها بس يزيد التوسع شوي يصير ٣ او ٤ صارت الساعة ٣ وانا عالتخطيط اجت تفحصني داخلي وحكتلي التوسع صار ٣ انا موجوعة بس فرحت كتير انو بلش التوسع يزيد وطلبت الابرة ورفضو يعطوني ياها وانا بصرخ فيهم وبحكي بدي الابرة تعبت ... طبعا شوي حكولي تحملي عم نستنا تجي الدكتورة الاساسية تفحصك .. طبعا اجت الدكتورة بعد عشر دقايق تفحصني داخلي وانا متت بكي من الوجع لانو فحصها ما كان طبيعي ابدا طبعا السبب حكتلي ياه عطول انو هي دخلت ايدها جوا ارحم كامل لقدرت تحس راس الطفل وايدو كانت المشكلة انو ايدو سابقة راسو وجاي لتحت والراس بعد مش داخل الحوض فما رح تقدر تعطيني ابرة الظهر ولازم ضل اتحرك وامشي واعمل تمارين لحتى يمشي الحال :( صابني اكتئاب وتركوني للصبح عالتخطيط والطلق على نفس حالتو اتصلت في امي وكنت عم ببكي وترجيتها ما تخليهم يفحوصوني داخلي لانو هم عم يدخلو للرحم جوا مو بس قياس توسع عادي وعم مووووت من الوجع واجت الدكتورة ٧ الصبح نفس الشي تفحص داخلي وامي عندي صارت تبكي معي وكان الوضع لسا على حالو . جابولي كرة الرياضة لحتى اتمرن عليها كان بدهم ينزل الراس للحوض لحتة يسبق ايد البيبي وبقيت عالحالة هاي للساعة ١١ ونص عم اتحرك عليها وجوزي عم يساعدني .. وطبعا مع وجع الطلق كنت متدربة على تمارين النفس وفادوني .. ماما جابتلي كاسة ميرمية وخلتني اشربها غصب عني عالساعة ١٢ واجت طلبت مني الدكتورة العب قرفصاء ولعبتها ٢٠ مرة وصار الطلق عندي كل دقيقتين ومش عم بقدر اخد نفس😭😭 حطوني عالتخطيط مرة تانية ليتابعو نبض الجنين وانا عم موت من وجع ضهري وبطني فحصوني التراسااوند ووضع الايد لسا سابق الراس وبرضو مش نازل الحوض والي والراس جاي بطريقة انو الوجه تحت مو قاع الراس انا جنيت انو كل هالساعات تعب رياضة وتمارين ووجع وطلق عالفاضي اجت فحصتني داخلي الساعة ١٢ ونص لقيت التوسع ٧ ونص وصارت تنادي الممرضات والدكاترة اني دخلت حالة الولادة وانا في وضع ممنوع اولد طبيعي 😭😭😭 وبلشو يجهزوني لعملية قيصرية بعد كل هالتعب صرت ابكي متل الصغار وامي حدي عم تبكي ع وجعي وزوجي عم يهديني .. لاني ما كنت حاطة اي احتمال اني اولد عملية وما عم سدق اني وصلت مرحلة انو تعزبت يومين بالطلق ووجع التوسع لحتى روح بالنهاية على عملية المهم دخلت العملية وبعد ساعة ونص صحيت من البنج وبقيت اسأل على ابني .. كانو تاركينو بالحاضنة زوجي صورلي ياه لحتى شوفو كان وجهو ازرق وعيونو وخدودو منفخين بشكل بيخوف صرت ابكي انو ليش ابني هيك .طبعا السبب انووو كل الطلق كان جاي في وجهوو عشان الوضعية الي كان فيها بعد ساعتين طلبت يصورلي ياه مرة تانية٠ كانت النفخة بعيونو ووجهو خفت الحمد لله وصرت اضحك على الرغم من كل شي والحمد لله مبارح نزلت من المشفى ومعي ابني متل القمر ما فيو الا كل خير بالرغم من كلام الدكاترة انو حجم راسو اكبر من عمرو وكل هالحكي الفاضي بعتذر اذا طولت عليكم بس حبيت فضفض عن يلي صار فيي و هلا ابني بحضني الحمد لله وضحكتو الصغيرة هاي بتسوى عندي الدنيا كلها ❤❤❤