اللي شاف المناشير السابقة اللي نشرتها بيعرف كيف تأخرت ولادتي وضليت للأسبوع ٤٢ أنا من حوامل واحد فبراير كان جايني طلق قوي وحامي قبل أربع أيام من الولادة لدرجة ماكنت عم نام غير ساعتين بالنهار 😢 ووقت روح عالمشفى يقلولي استني الرحم مقفل باليوم الخامس من الطلق الساعة ١٢ بالليل بطلت اقدر اتنفس أثناء الطلقة مع الوجع اللي كان موجود قبل ونصحتوني روح عالمشفى وما انتظر سبحان الله وبالطريق عالمشفى نزلت مي الراس وصار بين الطلقة والطلقة دقيقتين بدل خمس دقايق وصلت والرحم كان مفتوح ٢ سم فقط بس لأنو نازلة مي الراس دخّلوني ( ولا كانو رح يستنو أسا ٣ أيام 😆 ) الطلق سبحان الله كان شديد واستمر ل ١٥ ساعة لحتى ولدت أول ست ساعات كانت مريرة لحد ما قرر زوجي أنو لازم آخد إبرة الضهر بسبب الوجع اللي شايفني عم اتوجعو خصوصاً أنو الطلق كان بالضهر والبطن سوا 💔 فحصوني طلعت خمس سانتي وعطوني الإبرة بعد الإبرة سبحان الله من التعب نمت ساعة كاملة 😢 فقت بعدها هنن وعم يخبروني انو اتوقف الطلق تماماً نتيجة الإبرة اللي أخدتها ولازم يعطوني طلق صناعي أخدت الطلق الصناعي .. ونزل نبض الجنين وقلبو ما اتحمل 😞 هون وقفت جرعة الطلق ووقفت جرعة ابرة الضهر ( عطوني ياها عن طريق جرعات ) وفعلاً اتحسن النبض ورجع الطلق مرة تانية لحد ماحسيت أني لازم أتبرز .. هاد الشعور معناه أنو الطفل نزلل للحوض وجاهز للولادة .. اصعب شي هو أنك تعرفي التكنيك تبع الدفع بنااات بنات .. كل دفعة بدون معرفة ودراسة وانتباه وقوة هيّة وجع لقلك وللجنين 😢 بعد ساعة من الدفع قررت الطبيبة أني بحاجة لقص العجان وقصتو وتمت الولادة وشفت ابني بعد عناء مريييييير .. بنات بدي قلكم عبرة من كل هالكلام أديش انوجعت بالولادة؟ واللله كتيييير كتيييييييير بس قسماً بالله لحظة طلع ابني مني وحطوه على صدري هان وجع الدنيا كلو .. مع أنو بنفس اللحظة كانو عم يخيطوني بدون ماياخد المخدر اسا مفعولو بعتذر كتير أنو قصتي مانها من قصص الولادة الايجابية لكن لله الحمد بعد ٤ أيام من الولادة إذا بخيروني عيش نفس الوجع كرمال شوف ابني لحتى وافق وروح وأنا ومبسوطة والله لايحرم حدا الذرية الصالحة وبعتذر عالاطالة