ولدت يوم الثلاثاء الماضي تاريخ ٦/١ المهم انا جتني أعراض ولاده ورحت المستوصف يوم الاثنين الفجر سوتلي فحص داخلي وكانت يدها حاره وقالت الدكتوره رحمك ضيق ويمكن تضطري للعمليه وكتبت هنا .....ومن فحصها الغبي وخبرها الأغبى راح الطلق نهائياً وجلست من دون طلق ولا اي أعراض ولاده من الساعه ١٠ ص الى الساعه٤العصر رحت مستوصف ثاني سوت فحص وقالت حوضك طبيعي ورجعت البيت حتى ١٠م جاء زوجي من دوامه وحصل جماع ورجع دوامه 🙈😹😹كان موصيه واحد من اصحابه خبره .... المهم جابلي معاه زيت خروع وجات اختي المجنونه انا اشرب وهي تقول هذا ما يكفي زيدي وانا اشرب 🤢 شربت نص القاروره وبعد نص ساعه تقريباً بدا المغص وبدا الاسهال يمكن الساعه ١٢نص الليل وانا أتألم وآشور للحمام يمكن رحت الحمام عشرين مره ياربي 😭حتى بطني خلاص فضي واتصلت بزوجي قلتله تعال ابغاك جنبي وجاء وطول الليل يا ️رايحه الحمام يا طالعه من الحمام (الله يكرمكم)وهو معاي مسكين ويهدي فيني يروح الالم أضمه يرجع الالم ادفه و اوخر عنه وامشي وادعي وهو يدعي قبل اذان الفجر بربع ساعه تقريبا قلتله معد اقدر ودني المستشفى ويوديني هو وأختي سوتلي الممرضه فحص داخلي قالت ٤ سم وأبكي واقول هذا الالم كله ولسى ٤؟!😭😩 قلتلها طيب متى اولد قالت يمكن ٩ 😶انا هنا انهرت واقول رجعوني البيت ابغى اتنقع في مويا حاره يمكن يخف الالم (وأختي تعرف انه يزيد الالم م يخفف 😭) وارجع البيت عبت اختي البانيو واتمدد فيه وزااااد الالم واتروش بمويا حاره واطلع اصلي الفجر جلست اصلي الركعه الاولى ماشي الحال ع الاقل عرفت وش اقول والركعه الثانيه متتت وانفكت موية الراس وجاني دفع لا إرادي و انا خايفه لا اولد ف البيت واصرخ ف نفس اللحظه اللي صرخت فيها طفيت الكهرباء 😹😹زوجي وأختي ماتوا مساكين يحسبون مدري ايش صار ويشغل زوجي الجوال ويطلعني للصاله والبس واطلع 😹😩ف الدرج يجيني الدفع والجيران سمعوا وشافوا زوجي شايلني 🙈🤦🏻‍♀️وركبني السياره ومشينا للمستشفى وانا اصرخ اقول لهم انا اولااااااااد انا اولد 😩وأوصل المستوصف وتدخلني الممرضه غرفة الملاحظة وتركب المغذي وتجي الدكتوره قالت كيييف ولاده هنا يللا غرفة الولاده قومي وانا موقادره أوقف احس خلاص بنتي بتطلع وتعصب علي وانا اخاف وأقوم امشي😭😹💔والله شكلي يموت ضحك ورجليني كل وحده في وادي وادخل غرفة الولاده قالت اطلعي ع الكرسي وانا ابكي واقول لها كيف كيف اطلع اقلك بنتي بتطلع وعصبت من جديد وأحاول وساعدوني وطلعت اول شي قلته ما ابغى شق لا تشقيني قالت :(بكريه وما تشتي شق هيا ورينا شطارتك ) هي يمنيه ...وادفع وانا صح بكريه بس قريت كثير عن الولاده وكيفية الدفع والتنفس الصحيح وادفع الوقت اللي يجيني الدفع ولما يروح اتنفس ووصلت امي حبيبتي ودخلت عندي وهي تبكي وطردتها الدكتور.....صح نسيت😹اول م انسدحت على كرسي الولاده قالتلي اختي الراس باين جلست اضحك والممرضه تقول وانتي بتضحكي ليه !😟 قلتلها فرحانه بشوف بنتي😭😍❤ المهم والحمدلله ولدت طبيعي وبدون شق وطلعت من غرفة الولاده امشي على رجليني اللهم لك الحمد وعلى فكره كل الآلام اللي تكلمت عنها كانت محتمله بعكس اللي سمعته من تهويل الحريم الله يصلحهم واول م يطلع البيبي تنسين هذاك الالم كله 🌹😍كانت تجربه صعبه بس حلوه في نفس الوقت 🌹😍 نصيحتي للكل خلي زوجك معك وقت الالم والطلق والله يحس فيك وتكبرين في عينه اكثر