بسم الله الرحمن الرحيم والله مدري كيف ابتدي المهم مثل مانتم عارفين اكلت اناناس من بعدها ماشفت خير اوجاع وبس مع افرازت دم صبرت يوم ع الوجع اليوم الثاني ماعد تحملت رحت المستشفى الساعه ٦ الصباح قالو فاتح ٢ سانتي وفيه طلق وقالت لي امشي رحت البيت عشان سهرانه كنت ورجعت ابنام مافي نوم قالت ام زوجي يلله بسرعه المستشفى ولاده ذي اكيد ولاده رفضت رفضت لين طعتها لانها قالت لي هيا ٢ سانتي تولد بعد ساعتين ماشاء الله رحنا المستشفى نفس الشي ٢ سانتي وقالت امشي ورحت البيت مره ثانيه ومشيت شويه غصب 😫💔 بعدها زاد الالم رحنا انا وام زوجي وامي مستشفى ثاني ع اساس تنويم لين اولد بس نفس الشي٢ سانتي مااستقلبوني قالو لي امشي ياذا الاثنين سانتي عشت معاه معاناه😂☹️ بعدها قالت امي منوديك العسكري تقعدين هناك لين تولدين قلت اوكي وصلنا هناك العصر قالو ٢ سانتي 😡🌚 نوموني مشيت مشيت مشيت مشيت ععندهم لين زاد علي الام مع اسهال وغثيان اكرمك الله الم بعد كل ٥ دقايق جت دكتوره قالت ٣ ونص فرححححت 😂☹️وبعدها قالت باقي اصبري شوي مافي ولاده الحين صبرت ومشيت مع الحوامل الا وماعد قدرت امشي صحت صحت وجاء الدكتور قال ٥ ونص غرفة الولاده رحت وانا فيني وجع قوي لبست وانسدحت وفكو مويته وكل شوي يزيد الوجع دفيت دفيت لين تعب الجنين وتعبت انا جتني دوخه بعدها اسمعهم غرفة العمليات وبسرعه ودوني وحط لي الدكتور شي مثل الاكسجين وقال قولي بسم الله وتوكلي على الله توكلت على الله وفوقها تشهد 💔 طلعت من غرفة العمليات وصحوني من البنج اول شي سئلت عنه وين البي بي قالو بالحضانه وبخير الف الحمدلله رجعت لي روحي بعد ٩ شهور انتظر اميري 😍❤️ ودوني غرفه ماقدرت امشي ولا اروح حمام ولا اغير ولا اشيله صحيح اول يوم تعب بس بعدها تشفين الحين الطب تطور يعني لاتخافون ابد انا الحين عرفت ارضعه واشيله وصرت اعتمد على نفسي الحمدلله الحمدلله يارب تكتب لنا الاجر جميعع وعقبالكم يارب تخارجكم ع خخخير