أنا من حوامل 16/8 بكرية ولدت 20/5 الأحد 4/رمضان وهذه قصة ولادتي للأستفادة والتسلية 😁 طبعا كان مازال 3 ايام على موعد ولادتي والبيبي بحسه تحت صدري مو نازل والرحم من اسبوعين مفتوح ثلاثة سانتي يوم السبت على المغرب نزلت مني مي الراس على دفعات اتصلت على طبيبتي وحكتلي تعالي على العشاء لشوفك أجيت فعملتلي سونار قالتلي المي ناقص كثير  وتخطيط طلع نبض البيبي كويس وفحصتني الرحم لساته ثلاثة سانتي ، قالتلي الوجع راح يقوى عليك الليلة وبكرا الصبح دخلك للمشفى وولدك .. رجعت منها للبيت كنت متوترة وفرحانة وبفكر كثير وادعي يا رب سهل ولادتي وييسرها بدأ معي الألم الساعة واحد بالليل كل ثلث ساعة بحسه سكين من نار في ظهري بس محتمل ، عملت كمون وعسل ومي دافي بالعسل ، ودهنت ظهري وبطني بزيت زيتون بعد الفجر الألم زاد كثير وصار كل عشر دقائق بعدين كل خمس دقايق وبعدها كل ثلاث دقائق وأنا بتوجع ودلك ظهري مرة ابكي مرة ادعي مرة اتحمل وأصبر ومرة اتفس واجت الساعة9 صبح اتصلت بطبيبتي حكتلي روحي للمشفى وأنا بلحقك الحمدلله إن المشفى قريب من بيتي ، دقيقتين وكنت هنيك ، نزلت من السيارة سانده على زوجي وماني قادرة أتحمل أمشي والطلق يمسكني أوقف شوي وكمل بعد مايريحني استقبلتني الدكتورة المناوبه فحصتني كان الرحم مفتوح ستة سانتي وعملتلي دخول شعور غريب جدا ماعرفت اوصفه مقبلة على شي مجهول دخلت لغرفة الولادة ، ووصلت ماما ماكنت بدي ياه تيجي لكن هي اصرت الله يحفظها ، وأجت دكتورتي صارت تشجعني بعدين قالتلهم حطولها طلق صناعي ماتحمست للصناعي لكن قلت اتوكل على الله ، وبدا معي وجع الصناعي ووحدي بالغرفة بدأت اسمع الدكتورات بيحكوا برا الغرفة عن مواضيع الطبخ والبيت والتنظيف وأنا زادني هالشي استفزاز ههههه انا وين وانتو وين كنت بدعي وقول يا رب يامغيث والقت مافيها وتخلت وأقرا الزلزلة ، قلت للدكتورة بدي شوف ماما ، دخلت علي ماما وصارت تقرأ على بطني ولما شفت ماما صرت اتوجع اكثر وطلعت المشاعر الي كنت مستحية طلعهن قدام الممرضات والدكتورات هههه ماما تقولي صرخي عادي بالك ترتاحي ، قلتلهم بدي ادخل الحمام الممرضة نزعت التغذية وابرة الطلق ورحت للحمام ولما رجعت مارضيت كملها لأني ارتحت بدونها ، بعدين اجت الدكتورة بتقول وين الابرة حطولي بعدها ثلاث ابر ثانيات وانا بطير من الوجع والألم صرت قول خلاص بدي عملية ماقادرة اتحمل الدكتورة بتقول لا خلاص الرحم فاتح ثمانية سانتي حرام عملية ، وركبوني على كرسي الولادة وأنا ما قدرت خلاص اجلس عليه ، مامتحملة ابدا وصرت قوللهم بدي اتبرز وادخل الحمام ارجوكم دخلوني وبيحكولي لا هذا راس البيبي ، بس البيبي لساته فوق كثير بحكيلهم ماني حاسة براسه ولا حاسة حالي ان بدي ادفع،  الدكتورة بتقول حطولها تخطيط لقلب البيبي وانا ماقادرة اتسطح بحكيلهم لا مش قادرة صرت زيح فيه عن بطني والدكتورة تضايقت مني قالت ماكانت هكي سارة هههه شافت مني وجه انا نفسي مااعرفه 😂 كنت بدي ادخل الحمام وهما مارضوا فحملت التغذية الي عالقة في أيدي وطلعت من غرفة الولادة للحمام وصاروا كلهم ورايا قال ظنوا اني هاربة 😂😂 انا ماعاد حسيت بحالي تعبانة 24ساعة مانايمة وكنت صايمة الايام الفايتة ومااكل ابدا ماعاد فيا طاقة بفكر بالدفع واللحظات هاي وعارفة حالي ماراح اقدر الدكتورة قالت لماما هاي مابعرف كيف ولدها بخاف تخنق البيبي لسه ساعة ع الاقل لينزل الراس والبيبي شكله بق سايز (وانا ولدته 3ونص) قول بدي عمليييية الدكتورة قالتلي اتصلي بزوجك بلغيه قلتلها بلغته وقال الي يريحك اعمليه عموما بدا يجهزوني للعملية ودكتورة التخدير قالولها روحي ماراح نحتاجك ، فاتصلوا بيها من جديد وثلث ساعة لحتى وصلت وانا كنت اتعذب وقتها وقول وين المرا الي بتخدر وصاروا يضحكوا عليي كلهم 😂 بعد مااجت الحمدلله وخدرتني حسيت حالي بالجنة اضحك واحكي معاهن وماحاسة ابدا بأي شي صرت اعتذر منهن وهيك بعدين سمعت صوت صرخة البيبي 😍 كانت خفيفة كثير فقلت ليه هيك الصوت خفيف وماصرخ البيبي وليه مافرجيتوني ياه وقتها كل الوساوس اجت براسي فقالتلي لا صرخ في الممر وحملوه للاطفال لحتى يطمنوا عليه بعدين فرجتني ياه الممرضة من بعيد وقالتلي هاد ابنك 😍💗 طبعا موضوع القيصرية ماكان لا ع البال لا ع الخاطر قرأت الكثير عن الولادة الطبيعية وفهمتها منيح بعدين الله كتبلي قيصرية والدكتورة طلعت من العملية بتقول لماما وزوجي  الحمدلله الحمدلله قلب الأم سبحان الله طلع البيبي الحبل السري ملفوف على جسمه كله لهيك مانزل سبحان الله لو ولدت طبيعي كان راح يولد مخنوق 💔😭 قعدت ليلتين بالمشفى بعدين خرجت لبيتي الحمد لله وبدأت معاناة ثانية بس حلوة 😍 العقبالكن كلكم صبايا