طبعا وصلت يوم ١٠/١٤ ع المستشفى الساعة ٨:٢٥ ص وحضروني للولادة غيرت تيابي لبست روب العمليات وبعدا اخدوني ع الساعة ٩ غرفة التحضير للعملية طلبت بنج كامل بس دكتور التخدير حكالي طيب انتي جربتي ولادة طبيعية وعملية وبنج كامل ضايل البنجالنصفي لتكمل معك وتقولي جربت كل شي بعد الاقناع انا طبعا ما اقتنعت بس زهقت وكنت بدي اخلص قلتلهن خلص متل ما بدكن اعملو بس ازا خفت خدروني كامل حكالي دكتور التخدير اكييييد طبعا وبعد ما اعطاني الابرة اخدت وقت والله شي ربع ساعة وبعدا اخدوني ع غرفة العمليات وحسيت بتخدير برجلي وتنميل بعدا دخلو الدكاترة والممرضين وانا بلش عندي ضيق تنفس ورعبة قلتلو لدكتور التخدير خلص خدرني ما بدي حس بشي صار يحكيلي ما بقدر خدرك كامل 😲 كنت بحكي هيك لاقنعك ما رح تنسي هالتجربة اطمني 🤗 اعطاني اوكسجين وابرة ما بعرف شو وبعدا حسيت بهدوء وضل يحكي معي وانا احس بضغط بلا وجع بس شعور حدا بيشق بطني حكالي دكتور التخدير يلا ٣ دقايق ورح نسمع صوت تيا 😍جهزي حالك لصوركن وفعلا ما مرقت دقيقتين واسمعنا صوتا وانا كل همي بس اشوفها تامة الخلقة وجابوها لعندي بسم الله ما شاء الله سبحان مين صور وابدع لمستها وشفت وجها بيضا متل بياض التلج وشعرها الاسود الغزير وخدودها نعومة ملامحها 😍😍 بعدين اخدوها للفحص واسمعت الدكتور يلي كنت مفكرتو خلص بيقول bloody engury 😳😱😱 يعني جرح دموي 😰 قلتلو شو دكتور شو صار وبلشت حركة مش طبيعية وصار يحكيلهن نادو دكتور فلان وانا صرت اتشهد وقلت ياريت فيي شوف امي وجوزي 😢 ولادي 😭 وبعدا شافني دكتور التخدير عم ابكي حكالي لا تخافي مجرد جرح صغير بالمثانة نتيجة التصاق الرحم فيها وهيهن خيطولك اياها وسكرولك لمواسير وبلشو يسكرو الجرح لا تخافي العملية كان المفروض تاخد نص ساعة وقتها كامل انا اخدت ساعة وبعدا دخوليغرفة الانعاش المفروض نص ساهة بس قعدت ساعتين ونص 😔 قال كانت نبضات القلب عندي ضعيفة واعطوني ابرة بترفع من نبضات القلب وحطوني تحت المراقبة لساعتين ونص مليت وانا اتفرج على كل مريض عم يعملولو افاقة ويجي الدكتور يعطيهن توجيهات وانا صرت احفظ كلام الدكاترة وزكر الممرضين فيها 😂 قلت بسلي وقتي وصارو يحكولي تعي اشتغلي معنا 🤣 المهم طلعوني وحكالي الممرض اعملي حالك تعبانه ع الاخير وبدك اتدوخي كرمال جوزك يحس اديه تعزبتي 😜😏🙄 حاولت بس ما اقدرت وصرت اضحك وانشليت فجأة من شدة الجرح المهم اجا دكتوري بعدا خبرني وخبر امي وجوزي عن اصابة المثانة وانو لازم ضل حاطة بربيج وكيس للبول لمدة اسبوعين😥😮 كرمال يطيب جرح المثانة مش لازم اجهاد للمثانه وفي كمان كيس تاني للجرح كرمال يصفي الدم فيه 😖 بس كيس الدم الحمد الله بيشيلوه وقت اتخرج من المستسفى وليكني بانتظار جوزي يجي ودكتوري كرمال يخرجوني 😍 مش عارفة كيف رح يكون وضعي مع كيس البول هالاسبوعين الله بعيني بس الحمد الله مش حاسة ابدا بوجع الجرح وبتحرك بصعوبة شوي بس بمشي الحمد لله عن تجربة الابرة تبعت الظهر الحمد لله ما في اثار جانبية وحبيت اني شفت بنتي اول ما طلعوها و الحمد لله ع كل حال كنت مبارحة موجوعة جدا جدا من نفخة بطني لدرجة بكيييت وضليت اشرب يانسون والحمد لله خفت النفخة كتير وهيدي قصة ولادتي الحمد لله رب العالمين 🙏🏻