سلام بنات .. اليوم راح احجيلكم قصة ولادتي ولو متاخره بس هسه يلا صارلي مجال .. انا من حوامل شهر يناير ولدت يوم 27/10 .. طبعا خلصت شهري كله وماعندي اي بوادر ولاده ولا احس بأي شي كأني مو حامل اصلا ههههه ف لما دخلت شهر العاشر رحت لدكتورتي وقالتلي انو الرحم مسكررر جدا كاني بشهر السابع وماضنه بيفتح بالمشي او بحمام ساخن ف قررت تعملي تحريض بالتحاميل لتفتح الرحم .. اعطتني اول تحميله وياا سلام عالوجع لما دخلتها ههه صح مو كثيير قوي بس بيوجع وحسيتها بتدفع بالكيس المهم ثبتت التحميله كان هالكلام الساعه 5 العصر وقالتلي ارجع عالبيت واذا حسيت باي شي فورا اجي عالمستشفى ورجعت ومو حاسه باي شي ههههههه وهي صارت الساعه 9 بليل بدت عندي الاوجاع شي تكبس شي ترفع ههههه وانا اتمشى بالبيت .. طبعا الاوجاع مثل اوجاع الدوره بس اقوى بكثييير وظليت انتظر لحد ما صارت الساعه 2 بليل نزل عليه مي هواااي ودم قمت ورحت للمستشفى ولما وصلت فحصتني وكان الرحم فاتح واحد ونص و رجعت اعطتني تحميله الثانيه وكتبتلي تنويم ورحت ركبولي المغذي وبدا الوجع يزيد شي على شي وقام الطلق يصير كل 10 دقايق ويستمر 30 ثانيه بس كانهم ثلاثين ساعه ههههه طبعا الطلق مايشبه وجع الدوره ابدددددد شي ثاني كلللشش .. المهم ظل الوجع يزيد وصرت مااتحمل قمت اقللهم اريد عمليه ومايرضون واجت الدكتوره عالساعه 6 الصبح وقالت فتح ثنين ونص والوجع يزيد ويزيد وطبعا كل هذا وهم كل شويه يفحصون نبض الجنين .. بعدها صار الطلق يجيني كل خمس دقايق ويطول دقيقه وانا ابكي واقوللهم اريد عمليه وماحد يسمعلي ولايرضى واجت الدكتوره عالساعه 9وبيدها ابره قلتلها شنو هاي قالت طلق صناعي يااااااوييليييي وضربته بالمغذي وهي ضربته بالمغذي مصارت دقايق والا كانها حطت بنزين على نااار الوجع صار مو طبيعي ومايتحمل وصار الطلق كل دقيقتين ويستمر دقيقه ونص الا ان صار الطلق مستمر عالساعه عشر ونص وصرت مااتحمل وادفع لا ارادي والطفل يرفس ببطني ونزل عليه مي كثييييير ودم اجت الدكتوره فحصت قالت ماكو وقف عال2 ونص ومديفتح وانو المي بده يصير اخضر والطفله تعبت وحولوني قيصري وكانهم صبوا مي بارد على نااار بحيث طلعت ركض من الغرفه لغرفة العمليات من الفرحه 😂😂😂 العمليه عملتها بنج نصفي لان عندي تهدل بالصمام الاكليلي وخفقان وكان جدا مريح والحمدلله جبت بنتي حبيبتي عالساعه 11 ونص الصبح بعد مااكلت وجع الطبيعي ولكن الف الحمدلله والشكر اني ولدت بالسلامه .. ممكن اكون وصفت اوجاع الطبيعي بشكل يخوف بس لاتخافون ولاده عن ولاده تفرق واكو ولادات سهله والله يسهل عليكم يارب جميعا وتكومون بالسلامه❤️