ابدأ بسم الله والصلاة والسلام على رسول الله انا حابي احكيلكن قصة ولادتي صبايا انا بكرية وهاد اول ولد وحكم ظروفي ان اولد بمكان في تركية بسبب الحرب في سورية ولسبب عدم وجود هوي تركية المشافي ما كانت تستقبلنا الا المشافي الخاصة وهي غالي كتير رحت مرة وقت كنت بالشهر الرابع ورحت مرا تاني وقت صرت بالشهر الثامن فخبروني الدكاترة بعد فحص الايكو انو الجنين مريض ومرضو ببطنو وخبروني انو العملية بتكلف كتير وبصراحه نحن حالتنا الماديي الله بيعلم بالحال فطلب زوجي من الدكتورة انو تكتبلنا ورقة مشان نطالع هوي تركية لان ما قدرتنا ندفع تكاليف العملية اخدنا الورقة ورحنا لنطالع هوي كانت الامور صعبي شوي بس الحمدلله مشت امورنا بعد ما مشت امورنا طالعت الهوي ورحت ع المشفا الدولي كنت بنص الشهر التاسع حولوني ع مشفا بأنطالية دخلوني ع غرفت الولادة الطبيعية وحطولي قصطرة وعطوني ابري وحطولي سيرون اجت ممرضة كان الرحم فاتح 3 سانتي بعد شوي اخدوني ع غرفة العمليات وعملولي عملية قيصرية وبعد ما صحيت من البنج ما كان طفلي بجنبي سألت الممرضات وين ابني كل ما تجي ممرضة بقلها وين ابني بتقلي هلق منجيبو وانا عم انتظر كل ما اسمع صوت طفل بقول هاد ابني جابولي ياه بعدين اجا دكتور سألته ع ابني قال حولناه ع مشفا تاني بعد ولادتو مشان يعملولو عملية بعد يومين رحت وشفتو بالحضاني وكان عامل عملية وعم يخرج الاكل من خاصرتو وبتاريخ 26 بطبق الشهر وهوي مو معي دعولي الله يشفيلي طفلي ومايحرمني منو الله يقومكن بالسلامي ويخليلكن اطفالك