مبارح ولدت والحمدلله.. صار معي وجع خفيف جدا من الساعه 2قبل الفجرر.. بس حسيتو منتظم كل نصف ساعه.. وحسيت انو طلق.. لانو الطلق بيكون منتظم هيك بحكو مع اني بكريه.. صحي زوجي وحكا الي معك وجع حكيت الو لا مشان يرجع ينام واتوجع براحتي.. وزاد الالم صار كل ربع ساعه وبعدين كل عشر دقايق.. وقتها صحيت زوجي وحكيت الو.. ورنيت ع عمتي وحكت هاذ طلق.. وضليت امشي بالبيت وادعي.. زاد الالم وصرت ابكي منو.. طلعنا واخذنا امي معنا وصلت المشفى الساعه 6وفحصتني داخلي الممرضه وطلع 3سم بالنسبة للفحص خذي نفس وما تشدي ع حالك ما رح تحسي بشي عن تجربه والله.. حكت امشي وارجعي الي.. مشيت ساعتين ونص تقريبا وزاد الطلق كثير وصرت استفرغ وزوجي كان عندي مشيت بنفس المستشفى.. وزاد الالم كثير لما يجيني الطلق ببكي وبتوجع وبحكي ي رب.. بعدين دخلت حكت معك توسع 7ولبست المريول.. ودخلوني غرفة المخاض.. كنت بصرخ كثير وبتوجع.. والمشكلة كانت طريقة دفعي غلط لاني بكريه وبتوجع.. وضلت تصرخ علي الممرضه حكت صار معك توسع 10بس غلط طريقة دفعك.. لاني جاهله بالامور هاي تغلبت والله.. واجت ممرضه ثاني وحكت خلص دخول ع غرفة الولاده.. واخذوني ع العرباي لاني جد مش قادره امشي.. وما طولت بغرفة الولاده عملو الي قص عجان.. وحكت الي ادفعي الممرضة وصرت ادفع وحطت ايدها ع بطني وساعدتني مشان ينزل ونزل الطفل وراح كل الالم معو. وعملو الي تقطيب للجرح وتوجعت كثير وصرت اصرخ من الوجع.. طلع وزن البيبي 3كيلو..والكل بحكي انو بشبهني.. جد اجمل لحظه بالحياه صعب اوصف شعوري الكم..بعد ما خلصت من الولاده نفسي ارقص وانط مش مصدقه.. عقبال عندكم ويسهل الكم ي رب. اي سوال انا جاهزه