بفضل الله تعالى ولدت يوم الاربعاء بتاريخ 15/4 باسبوع ثالث يوم باسبوع ال41 بكريه والله رزقنا ب (علي)حبيب الماما 😻ربي يحمي ولادكن يارب اخر مرة راجعت الدكتوره اول اسبوع كنت بتاسع قالت لي اخر موعد للولاده 12/4 وطبعا وصلت لل12/4 وماولدت ولا في بوادر الولاده بس طلق مره خفيف المهم اتصلت ع دكتورتي قلتلها انو اليوم اخر موعد شوبدي ساوي قالت لي بعد يومين انا بداوم ف المشفى جيبي غراضك وتعالي اشوفك المهم صار يومين وجهزت كلشي ورحت الصبح ساعه 11ونص دخلت لعند الدكتوره عملتلي فحص قالت رح اعطيكي طلق صناعي بس بدك وقت قلتلها ماشي وكانت حماتي معي ربي يخليها عطتني ساعه 11ونص حب للطلق قالت كل ساعتين بعطيكي حب منشان يحمي الطلق المهم كل ما اشرب حب واتمشى و بيزيد الطلق ثلاث دقايق او دقيقتين وصار ساعه 7ونص فحصتني قالت الرحم فاتح 2سانتي اخذتني ع صالة وطقتلي ماء راس وقالت ماء الجنين نضيف انشالله ماتحتاجي للعمليه لسا معك وقت عطتني مغذي ومن هون بلش يقوى الطلق اكتر واكتررر خلصت المغذي فحصتني كمان كان باقيلي حطتلي كمان مغذي وضربتلي ابره ع فخذي وكمان خلص وعطتني كمان وحده خلصت ربعها تقريبا وبلشت احس بدفع كل شوي بيزيد وبحس بنزول البيبي كانت هونيك سستر تجي كل نص ساعه تشوف نبض البيبي قبل ماتجي رحت ع الصاله وقلتلهم انو عم حس بدفع فحصتني قالت لسا باقيلك شوي اجت السستر قالت لي اتسطحي ع التخت منشان شوف نبض البيبي اتسطحت واجاني دفعه مرررة قويه حسيت في شي عم ينزل قالت لي بس ارتاحي عشان شوف النبض دورت ومالقت شي شلحتلي منشان تنزل الجهاز تدور ع النبض قالت لك هاي عم تولد دخلوني ع الصاله قالولي هلق فحصنا لك السستر قالت دخلوها بسرعه الراس نازل وكان الصاله مليانه ماكان في تخت فاضي ماتحملت اتسطحت ع التخت الي يفحصو عليها الدكتوره اجت قالت لي استني منشان تقوم وحده خلصت واخذك ع تخت الولاده قلتلها ماابقدر خلصوني اجت تولدني وحده حطت ايدها ع بطني لسا ما داست ع بطني نزل الطفل الحمدلله تمام ساعه 2ونص بليل حطوه ع بطني شعور لا يوووووصف كل الوجع وكل التعب راح بس بشوفت البيبي ربي لا يحرم حدا من هل لحضه 😭😭😭❤ضليت ردد الحمدلله واصلي ع النبي ودعيت لكل حامل ربي ييسرلها ولادتها ويقوم كل وحده وطفلها بسلامه ياااارب 😘😘💜 وبلاخر نصيحتي الكم انا من اول اسبوع بشهر التاسع منشان اولد جربت /زنجبيل وحليب /زعفران /تمر /انناس /قرفه /مشي /درج /قرفصاء /حوض دافي ومافادت معي ولاا واحد من هل شغلات وماولدت الا بطلق صناعي صدقيني مو شرط تجربي كل هل شغلات واعشاب وبتضر بدال ما تنفع لاتسمعي لحدا ضلي رددي( لا إله الا الله الحليم العضيم *سبحان الله رب العرش العضيم *الحمدلله رب العالمين) ماتشوفي غير البيبي بحضنك والتعب والثقل كلها تروح 😘🌸تحياتي (ام علي) ❤