هلو بنات شلونكم حسولفلكم قصة ولادتي الحمد لله بعد انتضار دام ٣سنوات رزقني الله بمولودي الاول عبوسي طبعا اول مدخلت بشهر السابع صارت عندي تقلصات قوية واوجاع بضهري رحت لدكتورة كالت عندج ولاده مبكرة لان مي الراس قليل والتهابات حاده ١٣ صليب والحمد الله كعدت وسكتت كلت بس خلي تفوت هاي الشهرين سلامات والحمد لله اخر ٥ ايام بشهر الثامن بدت عندي اوجاع مثل اوجاع الدورة دخلت بشهر ل٩ وصار الوجع يزيد يوم ١٠ ايام بشهري رحت اخذت دوبلر كالت الدكتورة الطفل زين بس خشن ولاده طبيعيه انتضري وجعج والله يسهلج ورة يومين زاد لوجع رحت لدكتورة فحصتني كالت عنق رحم مسدود 😔ولطفل نازل بس عالي رجعت للبيت واني عندي اوجاع ☹يوم ٢٠٢٠/١٠/١١كعدت ساعه ب٥ الفجر على وجع قوي بضهري وبطني من شده الوجع كمت اصرخ 😭بقيت الى الساعه ب١٢ لضهر اصرخ من الوجع بعدين رحت لدكتورة كالت مي لراس خلصان وعنق رحم مسدود ولطفل خشن ورأسه عالي كالت فتح بطن قيصيري وهسه بسرعه لازم 😭كلمنه الطبلة ورة ساعه دخلت غرفة العمليات والحمد لله طلعت بخير وسلامه وشفت ابني وهاي جانت قصتي بنات بيكم وما تمشون عملود بسرعه يطيب جرح العملية