9 years ago
  • المرحلة الثالثة (الأشهر 9,8,7)
مرحبا يا أمهات ياجميلات ، أول شيء أنا بكريه ولدت قبل إسبوع ٢٢ ربيع الثاني .. و ولدت بالأسبوع ٣٩ طبعاً قبل بيوم كان يوم الخميس وكنت طالعه عند أمي مع الأهل وماكان فيني أي بوادر ولاده ، ورجعت البيت ع الساعه ١ الصبح تقريبا و دخلت أنام ، حاولت أنام واتقلب مافيني اي نوم و ع الساعه ٤ تقريباً حسيت بصوت شي ينفك بداخلي رفعت نفسي الا اشوف الماي ينزل لتحت توترت شوي وحاولت أهدأ نفسي (كان الماي مرا قليل وبدون اي ألم ) دخلت الحمام وغيرت ملابسي وصحيت زوجي يوديني المستشفى وكلمت أمي قالت روحي تطمني .. رحت المستشفى وكشفت علي قالت فاتح ٢ سم وتقول لسه هذي بداية طلق ورجعت البيت كنت خلاص ماعندي طاقه فيني النوم وبدأ عندي ألم خفيف قررت أنام بس ماقدرت وبعدها بساعه زوجي طلع دوامه وبدأ الألم يزيد وضليت فيني الطلق بإنتظام للساعه ٢ الظهر قلت أخاف اروح يكون مو فاتح وارجع .. ع الساعه ٢ زاد الألم كلمت بنت خالتي وجتني ع طول ورحت المستشفى ودخلت و كشفت قالت ٦ سم خلاص ولاده وطلعتني فوق لقسم الولاده كان كل شي جديد علي وأنا من النوع اللي مايسأل كثير بس ماخليت شئ إلا وسألت عنه 😹 والقسم كان بارد كثير لدرجة أرتجف ، عطتني إبره شرجيه ودخلت الحمام وركبت المغذي وقالت لي إذا حسيتي بشي يدفع او تبي تروحي الحمام قولي لي و دقايق قليله وأحس بشي يدفع بس ماعرفت وش هو قلت للمرضه قالت لي اللحين جايه الدكتوره وجاني مرا ثانيه بشكل اقوى وجت الدكتوره وكشفت قالت خلاص بس تحسي بالدفع أدفعي وقوموني ع غرفة الولاده .. و كان كلما تجيني الطلقه أدفع بس الدكتوره تقولي دفعك مو اوكي ادفعي اكثر ع تحت وعانيت مو قادره أدفع لأن الطلق كان بارد حطولي إبره وصار يزيد شوي وصرت أقدر أدفع يمكن دفعت والمره الثالثه طلعت بنوتتي وإسمعت صوت صياحها وحطوها بحضني 😻 شعور ماينوصف الله يرزق كل محروم يارب و يحفظ ضنانا يارب 🙏💖 وسميت بنوتتي جود الله يحفظها لنا يارب ويسهل ع الباقي ..

31 تعليقات

العضوة: 2092 , 9 years ago

@user-20881 الله يسهل عليك وع الجميع يارب

العضوة: 2092 , 9 years ago

الله يسلمكم جميعاً ويسهل عليكم يارب 💖💖

العضوة: 42114 , 9 years ago

الف الف مبروك وعقبالي يارب 😿💖

العضوة: 33831 , 9 years ago

عاشت الاسامي الف مبروك

العضوة: 16925 , 9 years ago

مبروك ماجاك الله يجعلها من مواليد السعادة والحمدلله على سلامتك

العضوة: 43264 , 9 years ago

@user-2092 الف مبروك حبيبتي متى آخر دورة لك

العضوة: 40319 , 9 years ago

يعني اخدتي ابره ضهر ساعدتك فميﻻد حمد الله سﻻمه بسال ﻻني بدي اخد ابره

العضوة: 25459 , 9 years ago

يا رب اولد بكره ...مبرووووك ...

العضوة: 47621 , 9 years ago

مبرووك ماجاك انا بكيريه كمان بالاسبوع39انتظر الفرج😁

العضوة: 2092 , 9 years ago

@user-43264 آخر دوره لي ٢٦ أبريل

العضوة: 2092 , 9 years ago

@user-40319 لا ماخذت إبرة الظهر ،، عطوني إبره عشان يزيد الطلق عندي عشان أقدر أدفع أكثر

العضوة: 44233 , 9 years ago

مبرووك ام جود ... تتربى ف عزكم ان شاء الله

العضوة: 37503 , 9 years ago

الف مبروك الحمدلله على سلامتك وسلامة جود

العضوة: 22816 , 9 years ago

الف مبروك والحمدلله ع سلامتك وعقبالنا ي رب

العضوة: 43264 , 9 years ago

@user-2092 الحمد لله على سلامتك تتربى فعزك وعقبالنا كلنا