9 years ago
  • المرحلة الثالثة (الأشهر 9,8,7)
قصة ولادتي طبعا انا. ام وهاد جبت طبيعي وقيصري وكان الأخر قيصري وقررت أولد هذا الحمل طبيعي لأن كل شيء متيسروالحمد لله ولكن منذ البداية أدعوالله بالتيسير وان يختار لي ولا يخيرني ومع ذلك قلت طبيعي واللي يختاره الله يصير وفعلا انتظرت لما نزلت السدادة صباح الثلاثاء وراجعت الدكتورة في المساء وكشفت وقالت تمام الرحم مفتوح تقريبا واحد ونص الى ٢ سم واحتمال اليوم او بكرة وفرحت وخفتولكن وكلت الله واقعد لحتى الليل وبدأ الطلق وسرى اللي أبو لمبة ورايح جاي والبيت نووووم وكل شوي اقول بصحي زوجي وارجع اتردد منها لسى بري ومنها مسكين وراه دوام من بدري طيب وش الحل اصبري يابنت الين صلاة الفجر وفعلا صبرت لما صلاة الفجر وصلين وانا اطلق ودعيت الله التيسير والخيرة ثم صحيته وصلى وطبعا وجهي معفوس ويسأل هاه فيك طلق قلت له لا رقص هيا قوم مانمت الليل قال خلاص تحين انك واصلة 😳🤔😩يا ابن الحلا قوم واصلة ولا ماني واصله لازم توديني قبل تروح دوامك عشان ما ألغى حماي يوديني واخيرا فز وصلى وحنا طالعين وبعباتي ومتجهين للباب الا وابو الشبا يسأل عن التمر وينه يبغى يفك الريق

33 تعليقات

العضوة: 49356 , 9 years ago

@user-51998اختي ارادة الله بتمشي فهو مكتوب أول وأخر مقدر لكن نتوكل على الله وناخذ باسباب الطبيعي واذا تيسر فالحمد وإذا قيصري برضو الحمد لله فالقيصرية نعمة لأنها حل لحفظ حياة الأم وجنينها

العضوة: 49356 , 9 years ago

أنا غلطتي إني رحت بدري عالمشفى وأنا عارفة لكن ظروف عمل زوجي لو راح مارح يقدر يجي في اي وقت اطلبه فقلت اروح وكمل طلق في المستشفى لكن الدكتورة رفضت اني اتمشى في المشفى وع طول ركبت مغذي وتخطيط قلب البيبي وهاتك ياكشف كل نص ساعة والغرفة بااااااااردة وولا عملت لي حقنه شرجية لتنظيف المستقيم لأن حسيت إن راس البيبي مانزل زين ولا فتح الرحم أكثر من تسعة لأنه فيه شي قاسي (اسمحنني) فهذي الأسباب كلها ادت الى القيصري ولكن الحمد لله من قبل ومن بعد

العضوة: 53055 , 9 years ago

الله يحفظه لك