كيفكم حبايبي
قصة ولادتي زي ما وعدتكم
معليش اتأخرت عليكم بس انشغلت لأني في غربه وما عندي أحد من اهلي
طبعا يا حبايبي زي ما البعض يعرف كان عندي سكر حمل ظهر من الشهر السابع ومشيت على الحميه والمشي والحمد لله ظبط نوعا ما وفي نهاية التامن الدكاترة قالوا يولودني في نص التاسع بسبب سكر الحمل وقالوا حاولي تمشي كثير وتتحركي عشان تولدي بدري والا نحولك قيصري لأن الطلق الصناعي ما ينعطى لو وحده والده قيصري من قبل.
ومنها بديت مشي يوميا من نهاية الثامن امشي من ساعه لساعتين في اليوم واطلع درج وهلكت نفسي ونزل وزني وبعدين جاء الاسبوع التاني من التاسع ولقوا وزن الجنين قليل وقالوا ننتظر للاسبوع 40 مافي مشكله.
والحمد لله وصلت بداية الاسبوع 40 وفي اليوم الثالث من الأسبوع 40 يوم السبت قبل الماضي بدأ معي طلق خفيف وبعدين بدأ يزيد شوية بس مو منتظم فرحت وقلت الفرج قرب وطبعا نسيت أقولكم من نص التاسع شربت أعشاب وعملت كذا حاجه بس ما جاني طلق وكنت شايله هم وخايفه من القيصري للمرة الثانيه
المهم جاء الأحد والاثنين وما في تقدم طلق محتمل وغير منتظم جاني إحباط بعدها وقررت اشرب زيت خروع .
يوم الاثنين في الليل شربت ملعقة زيت خروع مع عصير برتقال وما في تقدم الثلاثاء شربت ملعقتين على الريق ونفس الشئ
قلت يابنت اتوكلي على الله وما تكثري خرابيط
وبس جاء الأربعاء وزاد الطلق وصار طلق قوي كل عشرة دقائق او سبعه دقائق وجلست لحد العصر وبعدها زوجي قال نروح المستشفى لأن الطلق قوي ومنتظم ورحنا المستشفى
يتبع.......
العضوة: 54807 , 9 years ago
@user-13796 الحمد لله على سلامتك كمليالعضوة: 47004 , 9 years ago
الحمد لله ع سلامتكالعضوة: 42344 , 9 years ago
الف مبروك حمد الله ع سلامتكالعضوة: 45449 , 9 years ago
@user-13796 الحمدلله على سلامتك كمليالعضوة: 13796 , 9 years ago
رحنا المستشفى كشفوا عليا لقوا الطلق منتظم في الجهاز خمسه طلقات في نص ساعه بس الرحم مقفول تخيلوا مو مفتوح ولا نص سانتي قالوا ارجعي البيت ولو شفتي دم او موية او صار طلق كل 3 دقائق ارجعي . رجعت البيت والطلق صار قوي غير محتمل وكل خمس دقائق طول الليل ما نمت من الألم وأنتظر أشوف دم او موية او يصير الطلق كل 3 دقائق وعلى ده الحال لحد الصباح وصبرت لحد الظهر وبعدها حسيت اني مو قادرة اتحمل تعبت رحنا المستشفى الظهر وكشفوا عليا ونفس الشئ الطلق قوي ومنتظم في الجهاز والرحم مقفولالعضوة: 13796 , 9 years ago
قالوا ارجعي البيت ما نقدر نسوي شي لأن لو وقفنا الطلق الرحم ما ينفتح بدون طلق وما نقدر نعطيكي طلق صناعي لازم الرحم يفتح شويه وبعدها نعطيكي محرضات اما لو مقفول مافي حل إلا تصبري شويه وتتحملي ونفس الشئ رجعت البيت ما نمت طول الليل من الألم وصار الجمعه وزاد الطلق وصرت استفرغ من قوة الألم الله يكرمكم وحسيت اني انتهيت ورحنا المستشفى للمرة الثالثه ونفس الشئ الرحم مقفووووول قالوا لحد بعد المغرب ارجعي ولو الرحم ما فتح ولا سانتي نعطيكي شي يوقف الطلقالعضوة: 13796 , 9 years ago
طبعا جاني احباط وحسيت اني خلاص وصلت لطريق مسدود ورجعت البيت ما اقدر امشي زوجي ساندني أوقف شوية وامشي شويه وكان الساعه خمسه صح نسيت قبل ما أروح المستشفى دهنت بطني وظهري زيت زيتون مع حبة البركه وحطيت رجولي في موية حارة البنات هنا نصحوني بكذا الله يسعدهم واكلت ثلاثه تمرات مع حبة البركه بس بعدها استفرغت وصارت الساعه 6:30العضوة: 53457 , 9 years ago
@user-13796 الحمد لله على السلامة 🌺العضوة: 13796 , 9 years ago
الساعه 6:30 عبيت البانيو موية دافئه وجلست في الموية شوية إلا اشوف السدادة طلعت فرغت البانيو من الموية وقمت اغسل الله يكرمكم طلع معي باقي السدادة واخرة دم وجاني مغص متتابع كل دقيقه لدرجة ما اقدر اوقف زوجي سندني ووداني السرير وقال نرجع المستشفى وحط يده على ظهري يسوي لي مساج بس أصرخ في وجهه قوم من جنبي لا تلمسني 😂😂😂مسكين قام وقف على جنب ينتظر الألم يهدأ شوية ونروح المستشفى بس بووووم انفتحت المويهالعضوة: 13796 , 9 years ago
انفتحت الموية وغرقت السرير و بس على طول زوجي اتصل على الإسعاف جونا في خمسه دقائق مع فريق توليد لانو قال لهم انفتحت الموية .كشفوا عليا وأنا في وسط البركه 😮😂😂وقالوا عندنا وقت نروح المستشفى لما وصلنا المستشفى كان 7:30كشفوا لقوا مفتوح أربع سانتي طلبت ابرة الظهر وحولوني على غرفة الولادة عشان أخذها ولما جينا الغرفه فتح 8 سانتي وبدأو يركبوا لي الابره وحسيت باني محشورة كشفت الدكتورة لقته 9العضوة: 49381 , 9 years ago
😍ماشاء الله كمليالعضوة: 53457 , 9 years ago
@user-49381ماشاء الله اتحمستي👍😍العضوة: 30114 , 9 years ago
@user-13796 مشاء الله قصتك كتير بتحمسالعضوة: 49381 , 9 years ago
@user-53457 ايه😂العضوة: 13796 , 9 years ago
يعني ما شاء الله الساعه 5 كان ولا سانتي والساعه 8:30 وصل 9 سانتي أعتقد كثرة المشي وطلوع الدرج عنده دور انه يسرع فتح الرحم حتى لو ما يسرع الولادة قبل وقتها لأني زي ما قلت لكم بمشي كثيييير من الثامن.. وبس ركبوا ابرة الظهر شافت الدكتورة جهاز نبض الجنين ونادت دكتور تاني وبسرعه جاء سحب من تحت دم وقالوا بسررررررررررعه على غرفة العمليات ودخلت القيصريه الثانيه والحمد لله على كل حال وطلعت بنتي للدنيا بخير وهذا اهم ما في الموضوع