دورت عليه ماحصلته دقيت على جواله للاسف كان مغلق ياربي الوقت متأخر والرجال يطالعوا فيا والمكان بعيد عن الفندق وانا مااعرف اوصف للسواق افتكرت وقتها انه عندي رقم صاحب الفندق على طول اتصلت عليه ورد سالتو عن زوجي وكان رده ايوة زوجك عندي بكيت ياناس من قلب سار يقولي اهدي اهدي ودحين ارسلك السواق وانتبهي تركبي مع احد قفلت من عنده وانا قلبي محروق رجع اتصل تاني قالي هديتي قولتلو ايوة وانا في قلبي مليون غصه قالي صاحب الفندق انه زوجك جا واشتكى منك وهو زعلان منك والصراحه مابغا اكتبلكم لانه قال كلام ماينقال سار قلبي وجسمي هو الي ينزف دم وبكا حتى هنا يافلان فضحتني تخيلاتك الغريبه الي ماسارت وتسير بس في مخك حسبي الله ونعم الوكيل قولتلو انا تعبانه ومابغا اتكلم قالي خلاص ولا يهمك انا حقعد معاه واتكلم ويجي يعتذرلك لانه عيب الي سواه قفلت من عندو جات السياره وركبت واول ماوصلت الفندق خرجت حصلتو قدامي يعتذر عن الي سواه كان نفسي اقتلو بس للاسف انا كنت اضعف واحده في الحياه كل الي سويته قبلت اعتذارة وطلعنا الغرفه على بالكم وقف على ده الشي كان يتهمني ويقولي لما انام شكلك بدخلي الي شغال في الفندق الغرفه وانا اسكت واحيانا ارد واصرخ واقولوا يامجنون كيف تفكر كدا ومرة واصل يوم كامل ماانام يشوفني ويراقبني كنت اعد الايام عشان ارجع لبلدنا لانه سارت النفسيه اسوء من قبل والحمدلله رجعنا بلدنا ابغا اشوف اهلي ابغا اقعد مع صحباتي خلاص تعبت وزاد وزني ،، رجعت افكر في الحمل وطلبت منه اني اتابع عند دكتوره تابعت ومافي اي مشكله لحد مادتني ابر تفجير ونفس الشي ماسار حمل حكيت مشكلتي لصحبتي نصحتني بالدايه اخدت موعد من دايه وروحتلها شافت رحمي مايل على كلامها وسرت كل تلات ايام كل شهر اجيها حتى اتعدل الرحم كانت تديني كاسات هواا وعلاجات شعبيه وللاسف مافي حمل الين ماتعبت وفلست من المستشفا والدايه وتركتهم وقتها فكرت اني اشتغل واشغل نفسي وابعد عن مشاكله ومشاكل اهله وبالفعل الحمدلله حصلت دوام مسائي انشغلت سرت اجمع فلوس ورجعت تاني للمستشفا متابعات ع الفاضي مافي اي فايده لحد ماقالتلي الدكتورة خلي زوجك يسوي تحاليل وانتي عديتي السنه وزياده من زواجك خلي يسوي التحاليل ونشوف ايش المشكله كنت اقول زوجي مافيه شي انا الي فيا مو كفايه الرحم مايل الله يستر ماكلمتو وانشغلت بدوامي واحده من صحباتي ولدت وفرحتلها لانه لها اربع سنين متزوجه والله كاتبلها الحمل وولدت قولتله ابغا ازورها وبالفعل زورتها جلست معاها سارت تحكيني انه زوجها عندو سكر وضغط والمشكله منه وانه ترى اخدنا انابيب مو طبيعي فكرت في كلامها معقوله زوجي تكون المشكله منه هو صح احيانا يجامع من غير مايقذف او ينام •••• وقت الجماع سالتها انه تنصحني بدكتور كويس ماقصرت ادتني اسم دكتور كويس خرجت من عندها وفاتحت زوجي بالموضوع انو ترى احنا اتزوجنا عشان نجيب اطفال ودحين احنا اتاخرنا لازم انا وانتا نسوي تحاليل مع بعض لمتى حنفضل كدا اقتنع ووافق ع كلامي وروحنا تاني يوم المستشفا سوينا انا وهو تحاليل انا شامله وهو الحيوانات صح ماقذف بسرعه ودخلت معاه الحمام الله يكرمكم والله يابنات كميه احراج مو طبيعي السيسترات كانهم يستحقروكي والي تضحك ياجماعه مو عارفين الحال لاحد يتفلسف ادينا التحاليل للمختبر وقعدنا نستنى الين ماطلعت دخلنا عند الدكتور وشاف التحاليل وقال انتي يحتاجلك متابعه عندك زي الضعف وزوجك عندو لزوجه وماني عارفه ايش لااازم يروح لدكتور عقم في مستشفا سمير عباس يالله لسا مستشفا تانيه ومتابعه احنا فلوسنا يالله يالله تمشينا < راتب زوجي كان ضعيف بس مو مشكله انا اعطيه من راتبي اهم شي نلقى الحل نلقى الفرج لانه ضاقت الدنيا فيا << يتبع