الحمدلله على كل شي انا بكريه وحملت اول مره وثلاث شهور سقطت لان نبض الجنين وقف ولا اعرف ايش السبب خذيت طلق صناعي وسويت تنظيف بعد ست شهور حملت وكنت خايف على الحمل الثاني طبعا راجعت حملي كله على الخاص وكان خايفين انه يتاثر فكنت أخذ مثبتات نوعين ابر والنوع الثالث حبوب اربع مرات باليوم والإبر مرتين بالأسبوع وأخذ مسيل لدم وكنت اخذ مضاد حيوي واسبرين وتعبت من كثر الادويه لكن الحمدلله ثبت الله حملي ومن اول الثامن صار يجيني طلق وانفتح الرحم اثنين سم وآخر اسبوعين بالثامن انفتح خمسه سم وتعبت من ألتنويم وفوق كذا ما ولدت وكأنو خايفين اني اولد ولاده مبكره وبعدها دخلت التاسع اسبوع ٣٦ من اول يوم بديت آشرب قرفه وجنزبيل يومين وثالث يوم شربت شاي عليّق التوت ولا ولدت مع اني اكل تمر كثير قبل لا اولد بيوم شربت مرميه علشان تعبت من الثقل وابي اولد ولان الطلق معي مستمر بشكل يومي ولا ولدت المهم شربت مرميه ورحت للمستوصف أراجع قلت لها معي طلق وحاسه الرحم انفتح اكثر من خمسه سم قالت لا مرح افحصي لان الفحص يجيب التهابات وقالت راقبي الطلق مل عشر دقايق روحي للمستشفى المهم من الساعه ٢ باليل اطلق بعد المرميه الين اليوم الثاني العصر زاد علي ولا عاد أتحمل ولا اقدر امشي رحت للمستشفى لقيته مفتوح ٩ ونص سم وعلى طول رحت غرفة الولادة ظليت ساعه و ولدت الحمدلله وجبت بنت زي القمر بِسْم اللهْ عليها وسميتها تالا والحمدلله وأدري طولت عليكم