العضوة: 121807 , 8 years ago

واضح التشجيع 🤦🏻‍♀️🤦🏻‍♀️🤦🏻‍♀️

العضوة: 148189 , 8 years ago

انا تعبانه كتير لما اولد راح احكي قصتي هلا مافيني هلا بدي شي يولدني تعبت تعبت فاضيلي سبوع

العضوة: 121807 , 8 years ago

يلا ع كل حال رح ابلش في قصتي ولاده بنتي الاولى انا حملت من اول شهر زواج الحمدلله كنت صغيره و هبله 😭 ما بعرف شي ابدا الوحام كان من اسوء ما يكون و كل شي كان حلو بس صعب استفراغ و دوخه طول فتره الحمل و يا دوب انا اصلا ما لحقت أتعرف ع زوجي وكل مشاكلنا اني ما كنت اوكل 😂😂 حاليا بدّي حدا يوقفني عن الاكل هههه المهم كان يضل يحكي غير تطلع البنت ضعيفه شوفي كيف أكلك شوفي كيف انتي ما بتنصحي 😞 وانا اضل قلقانه بس والله ما كان في ايدي حتى الفايتمن ازا اخدتو استفرغ 😷 الله لا يعيد هديك الايام المهم اجت ساعه الولاده و دخلت المستشفى لموعد علشان يعملو تحريض لانو اخدت اسبوعين بعد موعد الولاده و بلشو يعطوني دوا ما نفع معي وكان عندي طلق بس ما كان فيه توسع بعد معاناه شي يوم وليله وصلت ل ١٠ سنتيمتر بس كنت ماخده ابره الظهر يعني مش حاسه بشي بس اكتر شي كرهتو بابره الظهر بربيش البول مخزي و كمان اجري خدرانين مش قادر أحركهم شعور بخزي بس كل شي احسن من الوجع بلشت ادفع احكي من الساعه ٩ و انا كل شي الممرضه تعد و تحكي ادفعي و كان زوجي معي ع الساعه ١٠ شاف راسها من فوق و شعرها بلش يشجع في اكمل ولا ما في حدا هون 😭

العضوة: 121807 , 8 years ago

@user-148189 الله يكون معك و يخفف عنا يارب كلو تعب في تعب نسال الله الأجر

العضوة: 167012 , 8 years ago

@user-121807 كملي😍

العضوة: 167012 , 8 years ago

@user-121807 وين ولدتي بأي بلد ؟؟ وقديش طلع وزن الجنين طلع نحيف🤔🤔😂

العضوة: 173944 , 8 years ago

كملي

العضوة: 121807 , 8 years ago

المهم بعد ما زوجي شاف راس البيبي حكالي يلا حبيبتي هانت ادفعي علشان نشوف بنتنا و انا احاول و ادفع و ادفع عالفاضي تجي ممرضه و تروح دكتوره عالفاضي فعلا حسيت حالي يأست من كل شي و تعبت صرت احكيلهم اعملو اَي شي بس طلعوها وبعد شي ٣ ساعات بلشو دقات قلبها ينقصو انا هون وقف قلبي و خفت كتير و اجت اادكتوره حكتلي ازا ما ولدتي من هون ل ٢٠ د رح نعمل عمليه ☹️ لما سمعت هالحكي صرت ابكي وحكيت اَي شي المهم تطلع كانت معلقه جواتي و جابت شي زي المغارف الكبيره حكتلي هاي رح نحاول نسحب البيبي فيها كمان علشان نخفف عنك بس انتي بدك تدفعي قد ما بتقدري علشان يخف الخطر عنها اكمل ولا انام 😒

العضوة: 22324 , 8 years ago

والله بابني من كتر ماكنت خايفة انو يصرلو شي كنت ما اعيف فيتامين إلا واشربو طبعا بس فيتامينات الحوامل و كنت دايما نايمة و بزور اتحرك ليصرلو شي وهيك لصرت بشهر السادس شفت صرت سمينة كتير كل شهر يزيد عليي ٥ كغ او ٦ كغ بلاخير صرت اعمل رياضة حوامل و خففت اكلي كتير و بعد ما بلش شهر التاسع صرت كل يوم امشي واعمل رياضة اكتر من قبل و خلصت شهري بعشر أيام بقيت ٣ ايام بلمشفى تحت المراقبة وعطوني ٧ حبات ل حتى فتح رحمي واجاني طلق بارد بعدين عطوني طلق صناعي بس ما حسيت بوجع ابدا بس لما بلش فتح الرحم علعشرة وقتها حسيت بوجع لا يطاق و اخر الشي الافندي راح راسو ع طرف لهيك حولوني قيصرية و اجا ابني الحمدلله بعد كم يوم بيصير عمرو سنة الله يحميه و طبعا بعد الولادة كان عادي بس اول يوم وجع و طبعا في مسكنات يعني مافي لا الام و لا شي

العضوة: 121807 , 8 years ago

@user-167012 ولدت في اميركا🤔

العضوة: 160274 , 8 years ago

@user-121807 كملي 😂

العضوة: 121807 , 8 years ago

ام وليدو الله يحميه يارب هيك دقتي الطبيعي و العميله😭 ان شاء الله اجر و ثواب

العضوة: 178608 , 8 years ago

سلام

العضوة: 22324 , 8 years ago

اي والله بس الحمدلله على كلشي اجا ابني ما شاء الله ٤كغ و ٢٠٠غ و طويل ٥٥سم دبحتي بلقفص الصدري اخر ٣ اشهر

العضوة: 121807 , 8 years ago

@user-178608 هلا فيكي يا حلوه