هذا الله يسلمكم زوج وزوجه كانو عايشين حياه طبيعيه وعاديه بحلوها ومرها حملت الزوجه وولدت وجابت ولد فقال لها الزوج بعد الآربعين نسافر لدوله عربيه منها سياحه ومنها أحضر عرس صديق لى فوافقت الزوجه وخلصت الاربعين وجهزت ملابس السفر وراحت مع زوجها سكنت بعماره بالدور الثاني والدور الاول كان لاهل العروس تقول كان الوضع طبيعي لمده يومين واليوم الثالث عزموها اهل العروس لشقتهم تقول نزلت وتعشيت وسولفت وصعدت شقتى بدون لا أشوف العروس تقول قبل العرس بيوم زوجي كان طالع والعروس كانو يجهزونها ويرقصون لها ويحنونها ومن هالسوالف فجآه طق جرس الباب افتح ولا كل أهل العروس ومعاهم بنت تجيب العافيه بس لافه فوطه عليها ويقولون الله يخليك صار في عطل عندنا بالشقه ونبي نستخدم شقتك وحمامك نكمل فيه جهاز العروس فقالت حياكم الله تقول انا من يوم دخلو ما ارتحت تخيلو جلسو العروس بالصاله بالفوطه وصارو ينقشون لها حنه تقول انا شفت الجسم انا شفت البياض انهبلت خفت لا زوجى يدخل ويشوفها ويفكر ياخذ من هالدوله زوجه له قلت لهم تدخل احد الغرف رفضو بحكم ان الصاله اكبر وتشيل الناس اللى جايه تشوف العروس وتدخل الزوجه الغرفه وتسكر الباب تقول واجلس اصلى وادعى ان زوجي ما يجي يشوفها ولا يقابلها بحياته وهي بهذا الجمال تقول هي ما تتغطى لا انزفت لزوجها بفستان العرس وهي بكامل زينتها وين اروح من وجهى البنت كانت مو بس جميله إلا ايه بالجمال .. تقول بحكم ان بس الجالسين اهلها انا ما اعرف شلون المفروض اتصرف بس جلست بغرفتى سكرت الباب واصلى وادعى والناس بالصاله يغنون ويرقصون وينقشون للعروس جسمها .. تقول انا كل شوي افتح الباب اناظر واسكره وادعى يارب ما يشوفها يارب ما يشوفها وحاطه إيدى على قلبي شوى ولا ينطق باب الغرفه ولا ام العروس تقول نبي الحمام عشان العروس تتروش تقول قلت لهم الحمام برا قالت ما يصير تبي حمام غرفه النوم عشان تاخذ راحتها .. تقول هي دخلت منى وانا حاطه ايدى على قلبي لا زوجي يجى وادعى عسى زوجي ما يشوفها ولا يجي يقابلها .. المهم عدى اليوم وخلصو ونزلو وزوجي وصل وقال بنام وضرورى تقعديني مبجر عشان اوقف مع المعرس تقول هو راح نام وانا الغيره تاكلنى شلون بيشوفها بعرسها وهي بكامل زينتها هذا وهي بس فوطه خذت عقلى بجمالها وافرش سجادتى واصلي وادعى ان الله يربط علي عين زوجى وقلبه وما يشوف غيرى بهالعرس ولا يقابلها ‏ اصبحت الدنيا وزوجي نايم اصحي فيه ما يصحى يا أبو فلان قوم ما يقوم يا آبو فلان العرس ما يرد على .. واجي عند راسه اصحي فيه ما يصحي اشوف نفسه ما يتنفس واجلس اصيح زوجي توفى زوجي توفى وتطرى على الطوارى انا بغربه لحالى وين اروح شنو آسوي واجلس على الارض ابكى نفس الهبله وعلى صراخي ونياحي صعدو اهل العروس وافتح الباب واقول لهم زوجي مات وتجلس تصارخ ام العروس وتقول إنتى قتلتيه وانا نفس الهبله شنو قتلتيه زوجي ليش اقتله شوي ولا تصعد العروس وتسمع السالفه وتركض لغرفتى تجلس على السرير تبكي وانا اقول لها زوجي آبكى عليه انتى ليش تبكين .. فردت هذا المفروض اليوم يكون زوجي واليوم كتب الكتاب و الدخله . هي سمعت السالفه من هنا وجلست تبكي من هنا لين إغمى عليها تقول إغمى على وصحيت على صوت الناس جايه تشيل الجثه وتصحيني ... تقول صحيت اتصلت باهلى وقلت لهم يبلغون اهله ويحجزون لى ارجع .. الناس تبكي برا وانا اجهز شنطتي برجع ديرتى حصلت بالكبت طقم ذهب وفلوس الظاهر كانو للعروس اخذتهم وطردت الناس اللى بالشقه بالليل وصل أخوى واخوان زوجي اثنين جلست يوم كامل بحكم ان ممنوع اسافر لين يطلع سبب الوفاه .. طلع سبب الوفاه طبيعى وسمحو لى اسافر رجعت ديرتى ورفضت آخذ عزا واحد خانى واستغفلنى وطردت كل من جا يعزى وما خذت فيه عده نهائي . . وبس هذه سالفتها ياخذها من طلاعتها بالاربعين لعرسه بدون لا يقول لها ويصدمها بغربه وهي لحالها شنو نقول عن هالرجال .. ويبونها بكل برود تاخذ فيه عزا وترجع تتزوج وتآمن بالرجال 👊🏻 طبعاً تقول هذه دعوتى ان ما يشوفها ومو ندمانه وتحلف انها بكل صلاه تدعى عليه وتقول عسى القاه يوم البعث بأسوء حال 😔