اخخخ ي بنات تتعبت تعبت اصعب ولاده بحياتي 😭😭💔 انفكت علي المويه الساعه ٩ في الليل يوم الثلاثاء زي البزبوز تصب صب وعلى طول على المستشفى توقعت انه بولد بعد ساعتين ساعه مره تحمست من كميه المويه ويوم اروح يفحصني الدكتور يلقاه واحد سانتي تحطمت قلت ان شاءالله يفتح وكلهم عارفين انا بحاول طبيعي بعد قيصري المهم وتجي الساعه ثلاث ف الليل ولا في نقطه الم لاطلق ولا غيره تخيلو مافي شي المهم ويجون يعطوني صناعي وقلت هانت كلها ساعتين ويفتح واولد ياربي اول ساعه من الطلق خلاص م اشوف من الالم وطلبت الدكتور ابره ظهر وكلم دكتوره التخدير وحطتلي ياها وحمدلله خف الالم بنسبه ٧٠٪؜ ونمت شوي وقمت ع دخول الاستشاري وقالي باقي ساعه وتكملي ١٢ساعه راح نصبر عليك العجله مو حلوه والا اش رايك قلت اللي تشوفه وانا للان متامله اولد طبيعيي المهم واعطاني فرصه ساعتين قال لو م ولدتي خلاص قيصري قلت طيب كاني ارتحت شوي المهم ويسحبون عليه تخيلو من ٨ لين الساعه وحده جات قاستني لقته ٣سنتي وانا خلاص طاقتي راح صرت ابكي اقول ابي عمليه وفوق هذا وانا عندهم سخنت ارتفعت حرارتي وصرت انتفض ونزلوها لي بعد ساعتين ياربي يالعذاب انا اتحمل ايش والا ايش 😭 المهم قالت الدكتوره عندك لي الساعه ٣ الظهر وانا اقول لا م ابي تكفين ولديني م ابي اولد طبيعي م فيني حيل مره قالت اصبري وعلى الساعه ١٢ونص تجي تقيس تلقاهه زي ماهو مافي اي توسع وقالت خلاص عمليه وقعوني وجاء دكتوره البنج وقالي نصفي احسنن قلت لا انا اخاف قال م عليك وكذا لين اقنعني يوم دخلت تخيلو صرت طول العمليه انتفض من الخوف جسمي ماهو في مكانه ارتجف وبعدين اسممعه يقول بعطيك شي يخدرك شوي وترتاحي يعني تنامي قلت طيب وعطاني ومافوق الا هم يصحوني وجسمي كله ينتفض وربي اني كنت اتشهد قاعده احس بالموت وهو يقول كلميني وشفيك ردي علينا انتي بخير وطلعت مكتومه وجابو لي الاكسجين واعطوني وربي انا بنفسي م صرت اتنفس م اعرف كيف اخذا نفس وهو يقول خذي نفس بقوه يلا خذي وانا وين وهو وين حالتي حاله كنت افكر بس بالموت حتى ولدي م سالت عنه المهم وبعد نص ساعه يرجع وعيي حمدلله ويودوني الجناح وانا الالم لاعبه فيني كانت الساعه ٣ تقريبا الظهر وحمدلله دحين خف المي وشالو القصدره مو زي اول ١٢ ساعه حمدلله يارب ولدي بالعنايه المركزه عشان البكتريا اللي فيني لان كيس الجنين كمل كمل ١٧ ساعه مفتوح عليه وقالو بيتطمنو ثلاث ايام ويطلعوه والله لايذوقكم الضيم اللي ذقته ولا الم اللي ذقته ولا البهذله الله يسهلكم جميع ويكتب لكم الساعه الطيبه وتولدون بكل سهاله 😢♥️♥️♥️