9 years ago
  • المرحلة الثالثة (الأشهر 9,8,7)
سلاام عساگم طيبين 💓قاعده فاضيه فكرت قلت انزل لكم قصه ولادتي وتراها سهله ولله الحمد يعني ماتخوف😁 في بدايه الامر انا اخر يوم للدورة كانت ٢١/مايو وبكريه مااعرف وجع الولاده ومن قعدت معي جلست تخوفني من الولاده ووجعها ونه وجع موت ونه ثاني وجع بعد الموت حرقا عاد ونا ارتعبت كنت احس اني بموت ومستحيل اعيش 😁😂الله يسامحهن بس 😢وجاءيوم الخميس وكانت معي جلسه مع صحباتي ورحت وغصبوني اقوم ارقص بحجه النونو ينزل راسه وتتسهل الولادة عليا وانا ي سعدي😆 قمت وارقص واحس كان شي ينزل لي 😨زي المويه وقلت لا مستحيل تكون مويه الجنين ماهي بهي لسا بدري 😓يمكن الجنين ضغط ع المثانه وماحسيت بنفسي 😑وجاني وجع في ظهري روحت البيت ونمت لين الساعه ثنتين الليل وقومني شي يمغصني في ظهري وبطني ووجع زي وجع الدورة اخذت وسادتي ودخلت الغرفه الثانيه قلت حرام ازعج زوجي واصحيه عشان مغص ومعه شغل اخليه ينام والوجع يزيد ونااقول اصبري عاد وجع الولاده اخص واعظم وماني عارفه اني اولد اصلا واحس اني محصورة اشتي ادخل الحمام ونتو بكرامه بس مافي شي وقعدت من ثنتين لين ست الصبح ونااهدي نفسي واتلوئ من الوجع واقول ماهي ولاده لين الحس صار بين كل واحده وواحده عشر دقايق رحت قومت زوجي وعباله اني اضحك عليه لانه يحسب لي كل يوم بيومه 😁وشوي الا نزلت بقيه المويه وخفت لبست ونا احس انه حان الوقت للحرب😂 ورحنا المستشفئ وصلت قالوا ماعاد في مويه والجنين بيختنق ولازم عمليه بس ربي رحمني وكان راس الجنين نازل مرة والرحم مفتوح اربعه سانتي وكان تقول لي الدكتورة خذي نفس من انفك وطلعيه من فمك اول ماتحسي الوجع ونااسوي مثلها ومنظمه لين سمعت واحده صاحت صوت وقلبي ارتعش من الخوف وبعدها ماعاد قدرت امسك نفسي كنت اصيح وهديت حالي بالصياح الله يهديني لين تراجع الطلق عندي والرحم ماعاد رضي ينفتح اكثر وحطت لي طلق ووسعت لي الساعه اربع العصر جت غلا 💜وولدت يالله اول ماشفت بنتي كيف نسيت كل شي نسيت الوجع والتعب لك الحمد ي رب الله يخليها لي ويرزقني برها ويقومكن بالسلامه 💜😍

33 تعليقات

العضوة: 40089 , 9 years ago

@user-36395 الله يسلمك ي رب ويعينك ويسهلك 😘💜اي والله ضغط المثانه كارثه انا كنت افكر اسوي لي فرشه في الحمام عزك الله من كثر دخلتي ليه😹

العضوة: 40089 , 9 years ago

@user-21992 الله يبارك فيكي ويسلمك😘💜

العضوة: 39148 , 9 years ago

انتي اخر دورتك ٢١ مايو يعني كنتي في الاسبوع ٣٧ مو ٣٦ انا نفس دورتك و في الاسبوع ٣٧ قلتي ٣٦ لخبطيني ماصدقت ادخل ٣٧ 😅