الحمد لله حمدا كثيرا مباركا فيه ربنا اكرمني بولاده ابني الثاني عمر ربنا يبارك فيه ويجعله من الصالحين اخر دوره٩/٢ وولدت ٢٤/١١ ليله ولادتي روحت لدكتورتي اللي متابعه معاها بس قبلها الصبح اخدت شربه خروع لاني معديه شهري المهم طول اليوم اسهال بس مفيش وجع المهم دخلت للدكتوره اول حاجه اتكلمت فيها الفلوس وبعدين كشفت عليا قالتلي الرحم عالي مع اني بقولها الطفل ضاغت علي الحوض وبتقولي الالرحم ناشف ومش هتولدي طبيعي انا طبعا اتصدمت وبقولها بس انا عندي مغص بيروح ويجي وهيا تقولي مستحيل قولتلها طب حاولي معايا بالصناعي قالتلي لا ملوش لزمه المهم انا دخت من الزعل وروحت وانا منكده وجوزي قالي احنا هنعمل اللي علينا وهنروح بكره لاكتر من دكتوره وهنشوف لو نفس الكلام خلاص مش هخاطر بيكم المهم قولتلو طيب فجت اخت جوزي وحماتي وقعدوا يهزرو معايا وحماتي تقولي هتولدي ان شاء الله طبيعي متسمعيش للدكتوره ديه وقامت اخت جوزي عملتلي لبن ببلح سخن وشربتهورحت عامله كوب قرفه وكوب بابونج وكوب يانسون وشربتهم المهم المغص بيروح ويجي بس محتمل وبسيط دخلت نمت علي واحده بليل وصحيت علي مغصه شديده الساعه ٤ وبعدين ٥ وبعدين ٦ونص المهم قومت وقومت جوزي ودخلت استحميت بمايه ساخنه بس جسمي كان بيترعش بشكل غريب فكرني بولدتي الاولي فقولت لجوزي انا بولد قالي طيب خلينا نحسب الطلق ونستني مايه او دم ونروح المستشفي قولتلو ماشي المهم وصلت الطلقه كل ٥ دقايق وبقت مؤلمه اوي بس كنت بتنفس بتخف الوجع شويه فقولت لجوزي مش هقدر استني المايه خليني اطمن روحت المستشفي فكشفت عليا دكتوره عثل قالتلي فاتح ٣ونص انتي ولاده وعملت دخول وطلعت الاوضه وغيرت والمعامله من الكل فوق الممتازه وراعو جدا حالتي وخوفي المهم ابتدي الطلق يزيد والدكتوره تقولي اتنفسي ومضيعيش تعبك في السويط انتي هتحتاجي الجهود ده المهم سمعت كلمها ووصلت ل٦ سم ادتني صناعي قالتلي خلينا نقصر المسافه شويه عشان ترتاحي وقالتلي اول متحسي بدفع تلقائي اندهي عليا بمجرد انها خرجت وجتلي طلقه اكني اكرمكم الله بعمل حمام وفعلا الراس ظهرت دخلت واخدوني علي الغرفه وكان راسه خرجت ومعرفتش اصبر بصراحه كانت مؤلمه جدا طلب مخدر ساعتها قالتلي حاضر خلاص هو خرج اهو وفعلا خرجته وبعدين ادتني مخدر نمت لحد مرحت الاوضه بس ابني صغنون اوي فمحتجتش شق ولا خياطه الحمد لله بس نزل وكان صدره مليان مخاط وبلفم طلع الحضانه سحبوهولو والحمد لله روحت بخير وسلامه انا وابني و ربنا انقذني من الدكتوره الجشعه نسيت انا بليل صليت ركعتين قضاء حاجه وندرت ندر حتي اولد طبيعي وفضلت ادعي واستغيث بربنا لان هو اللي بايده يخرجني من مازقي اسفه طولت عليكم ربنا يقوم الجميع بخير