اول شي قبل ابدأ انا من حوامل 17 فبراير .. 20/5 هجري ولدت حبيبي الله يخليه لي يوم الاحد 26 نوفمبر ..8/3 هجري خلصت التاسع على حساب الدوره من 4 ايام يوم السبت بالليل كان عندي مراجعه عند دكتورتي بالمستوصف ولما شافت سونار حبيبي انهبلت المويا حوله ناقصه ممره و برضو كانت المويا متعكره حولتني ع طول ع المستشفى اللي بولد فيه اسوي تخطيط ويتطمنون على نبضاته و لما رحت الطوارئ ركبت الدكتوره جهاز التخطيط وسوت لي تحريض على امل تجيني ولاده طبيعه وشافت التخطيط كويس الحمدلله بس طلبت اني اجي لدكتورتي المسؤوله عني وعن ولادتي بكره الصباح لما جيتها طلبت مني اسوي سونار و تخطيط ولما شافت السونار ع طووول نزلتني على غرفه الولاده ماسمحت لي ابدا اني اطلع وقالت لي انو البيبي وضعه بخطر و بنجرب نعطيك طلق صناعي واذا استجاب معاه الطفل واصلنا و اذا ضعف نبضه حولناك عمليه 💔 قلت اوكيه سوو اللي تبون بس طلعو ولدي سليم 😭😂 و لما رحت لغرفه الولاده كانت الساعه 12 الظهر ركبو علي جهاز التخطيط و كان مافيه الا طلق ضعيف ممره و بعييد عن بعض اضطرو يفتحون مويه الراس لما فتحوها كان مافيه الا مويا خفيفه ممره وشوي شوي بدا يزيد عندي الالم و يحمى الطلق وانا اتالم و اطلق وانا نايمه على ظهري عشان يراقبون نبضات حبيبي من الجهاز وانا ابكي اترجاهم اتحرك لان البيبي مع الطلق يضغط ع الظهر فيألم اكثر 💔 المهم كنت لما دخلت غرفه الولاده كان فاتح معاي الرحم 3 سم بس وقاستني المغرب حصلته نفسه ماتغير فجأه ع الساعه 7 قمت استفرغ دم وابكي الله يكرمكم انهبل زوجي لما شافني كذا وراح لهم و تطمنا الدكتوره تقول بشاره خير بشاره خير ولما قاست صار الرحم مفتوح 6 سم والالم يشتد و صار مافيني اتحمل اطلق وانا منسدحه اترجاهم ابي امشي و رافضين مره صرت ابكي واترجى زوجي يساعدني ويولدوني عمليه لما جات الساعه 10 صار يطلع مني من تحت اصوات الله يكرمكم معاد اتحكم فيها و زاد همي همين فشيله قدام زوجي و الم غير محتمل صرت اصيح واقول له ما اقدر وش هذا 😭 راح للدكتوره وعلمها وجات تركض اهي و القابلات ولما فحصوني صار متوسع 9 سم وقالو يلا قربتي ولاده ويستعدون يلبسون و يجلسون عندي ووقتها صرت مااتحكم بنفسي قلت ابي اتبرز قالو عادي تبرزي بمكانك بننظفه المهم والطلق كان حاامي مره بس وقت الطلقه قصير مره و لما جا وقت الدفع 😶 ادفع وولدي ماسك مايبي يطلع و ادفع و يتحرك شي بسيط الطلقه تخلص بسرعه اضطرو يحطون لي صناعي و اشتد حراراه و سرعه لكن مازادت الوقت 💔 و ادفع من الساعه تقريبا 10:30 و كل شوي يقولون لي هذي شعراته باينين شدي اكثر وانا معاد فيني الالم غلب علي وصرت ارتجف واقول لهم ابي انوم ما اتحمل اضطرت الدكتوره تقص لي لان المكان ضيق مايمدي يطلع حبيبي💔 خافو انام و الجنين لسى ماطلع وطلع حبيبي على الدنيا الساعه 11:44 دقيقه وياارب تحفظه لي و ترزقني بره و صلااحه و تهون على كل حامل و ترزق كل محرومه 💗