العضوة: 269876 , 7 years ago

ياعمري اهم شي اتكونين بصحه انتي والبيبي وابو كل هاذي شكليات علمود النفسيه والهرمونات خلص نطلع منهة حاولي اطلعين من هالحو واتسعدين نفسج مو اله بهيج شغلات مثلا طلعتج على بيت اهلج او المكان الي اتحبي وووو في هوايه كرق اني مثلا شغلة الكوافير مو كل وحده تعملهة بس انا راح اعمله حتى اخلص لان كآبة بعد الولاده دمرتني واذيت بنتي عمرها سنتين بس اعيط عليها لانها مشاغبه😢😢

العضوة: 150328 , 7 years ago

@user-161257 اختي وديتها لإمرأة معروفة قرت عليها و وحدة متنتها و بعد مادري شسوي

العضوة: 161257 , 7 years ago

@user-269876 راح اعمل هكذا واغير اجواء النفاس والكابه واروح عند اهلي واخرج السوق اغيرجو هههههههه وانا بنتي هكذا عمرها 3 سنيين كل شوي اصيح عليها مشاغبه قووووي

العضوة: 269876 , 7 years ago

حل اخير سويته ويه ابني وفاد جيلي بابونك وفوري وحطيلهيا بالممه وحطيلهة ويا شكر بس مو هوايه ولتخليلهة اكثر من رقمين الي هي 60 مل المهم بس تشربهم ترتاح واتنام فتره طويله وتطلع بطنه واذا اكو غازات اتروح ويهديهة يرخيهة المهم البابونك مفيد بي هوايه شغلات للرضع طلعي بالنت واقري ووراها رضعيهة طبيعي ويارب خير تره الطفل ميحب الطاقه السلبيه على طول سبحيهة قبل لتنام احنه الجو يمنه تحت الصفر واسبح علاوي بين يوم ويوم والبارحه موعده مسبحته ضل للصبح كاعد ويبجي وبنفس الوقت انتي حاولي متكونين مجنبه من اتشيليه ثكل ع الطفل هذا الشي اني لاحضته بنفسي دوري الغرفه كوله زين اخاف بيهة شي او اخاف بيه حفاضه ناسيته كلينس وسخ فد فاره حيوان ميت مدريني اني هيج افكر ومع ذلك استمري بالقران واتدشيهة وره كل رضاعه سويلها مساج يرخي اعصابهة اذا معصبه فركيله كصتهة بس شي خفيف على كيفج ملابس ضيقه فتحيهة اذا مكمطه حلليه واذا محلله يجوز اتريد كماط كولشي حاولي لتبقين شي اكولج هي خروجهة اشلونه كم مره باليوم وامساك لو اسهال لو زينه بطنهة لينه

العضوة: 161257 , 7 years ago

@user-150328 الله يعينك ويصبرك .كان ابني حتی مايرضی يرضع مني اجيب له رضاعه ابد مو راضي غير صياح بكاء واصل

العضوة: 269876 , 7 years ago

الله ينطينه طولت البال احس نفسي راح اعقد بنتي لاني ولدت منتضره على احر من الجمر يحجزلي حتى اروح لاهلي وارتاح فتره

العضوة: 150328 , 7 years ago

@user-269876 😔😔😔 كلشي سويت هسة نايمة بس تكعد تبجي و الله المعين البارحة فورتلها هيل و كشور برتقال هذا الكشور وصفة طبيب معروفة كل شخص ينصحني بيها و شوية شكر و هم رقمين بس مفاد صدكيني… الله المعين

العضوة: 150328 , 7 years ago

@user-269876 خروجها كل يوم لو بين يوم و يوم اصفر زين لا اسهال و لا امساك

العضوة: 150328 , 7 years ago

@user-269876 مرة باليوم لو مرتين

العضوة: 269876 , 7 years ago

الله يكون بعونج اختي الحبيره حانت بجرهة بنيه والله نفس ما وصفتي بنتج بالضبط واكثر يعني عجزو الاطباء حتى ايكو سوولهة شكو عدهة فتحه بكلبهة جانو كل ميجونه زوجهة يحلف بعد ميطلعهة لان تفضحهم السياره كوله تبجي يكول الناس اتباوعلنه عبالهم خاطفيه اخر شي ايسو كلولهم تكبر واتصير زينه وفعلا بس كبرت كامت تفتهم يالله سكتت

العضوة: 269876 , 7 years ago

اي كولش زين لتخليه اكثر من يوم متطلع سويله تدخل انتي اعتقد اتعرفين شقصد

العضوة: 150328 , 7 years ago

@user-269876 يعني طلع ما بيها شي و اني حتى مفكرة اسوبلها سونار اي و الله صدك تبجي بالسيارة البارحة اجيت من اهلي بس صعدت بالسيارة كامت تصرخ لحد ما رجعنه للبيت و ضليت على هالرنة لليل و اخويه اجه وياي و شافها كال الله يساعدج لأن بيت اهلي مسوت شي مادري لو لجة بيها لو استغفر الله بيت عيالي بيه شي كرهته كلش للبيت و الغرفة

العضوة: 150328 , 7 years ago

@user-269876 اي تحفيز بالقطنة. و زيت الزيتون سويتلها كم مرة و طلعت

العضوة: 295617 , 7 years ago

هلاوو بنات شلونكم شخباركم سوال البارحه صيدلاني انطاني هذا علاج مكتوب من عامين otrivin هاي صدمه انطيته البارحه صار خشمه احسن رجع اليوم انطيته وقريت جرع تخبلت وفنستيل هم اطفال دون شهر وخدج ممنوع راح ينفجر راسي يوم اله ٢٩ باجر ١٢ بالشهر يصير ٣٠

العضوة: 269876 , 7 years ago

اي حبي طلع ما بيهة شي جانت اول حفيده وبيبيته حارت اشسوتلهة عوايد مال عجايز احنه بيت اهلي ماعدنه كل هالسوالف مثلا اول مجابتهة من المستشفى حطتهة جوه عبايتهة وفرتهة على كصاصيب المنطقه ما اعرف ليش وهوايه وهوايه شغلات تالي ابويه كام يحجي على اختي ثاني طفل مسووله هالسوالف طلع احسن بس مو هي السبب هي بيهة لجه حتى مره كالو بسبب ابوهة جان صديقه استشهد وشاله ورجع بوحه عليه يبوس بيه قبل ليطلع الاربعين وكالو عساس انداست لحد الان هي ضعيفه ومتاكل ويوميه طبيب تغذيه عوده اتخوف من الضعف بس نادره وشاطره والسان هسه بنتج هم تطلع هيج يمنه يكلولي الطفل الي مو هاديء يطلع سمارت يعني ذكي