العضوة: 728661 , 5 years ago

كيفك اليوم و كيف البنوتات صح شو اسماؤهن انا بنتي يارا جد معقول هيك قدرو يتخلو عن الحاسبة طيب يرجعو يحكو مع الادارة بلكي بخففو الحكم شوي😭ما فيكي تعطيني واتس مو و كوكباد شو هاد بعرفو للطبخ

العضوة: 657905 , 5 years ago

@user-728661 هلا حب الحمدلله منيحة كيفك انتي وصلتي لوحدك ع كوكباد شطوره 🤣 بناتي جوري دانا ليان عاشت الاسامي ل يارا حلو اسما 😍😘

العضوة: 657905 , 5 years ago

يخليلك اياه بس ابدأي من هلأ عوديه انو ما تحمليه تدريجيا واذا بكى لا تخضعي لطلبو ابنك واعي وذكي بهاد العمر بكون وبيعرف انو البكى بخليكي تستجيبي لرغباتو انتي من هلأ عمليه حضونه ع القاعد بتعطيه بس تحمليه لا

العضوة: 703288 , 5 years ago

اي والله بيفهم بس يموت حالو بكي لو ما احملو قلت لو ولدت اقول في واوا في بطني يمكن يحن على حالي 🤭

العضوة: 657905 , 5 years ago

برأيي تحاولي من هلأ وقليلو في بيبي ببطني وتعب واواو 😂 الله يصلحهم الاطفال

العضوة: 703288 , 5 years ago

امين يارب

العضوة: 791767 , 5 years ago

@user-657905 لا مو كذب بخصوص ابرة الظهر ، فعلا فيها اعراض ومنها الشلل .. سالي دكتورتج وبتقولج ..

العضوة: 657905 , 5 years ago

@user-791767 انا معلوماتي مو من دكتوره عربيه انا بولد بمشفى خاص ودكتور التخدير الماني والولاده الثالثه كان الدكتور نمساوي وسألتهم واثبتو ان مستحيل ابره الظظهر تسبب شلل الا اذا كان هناك سيولة بالدم وهاد نادرا جدا جدا لانو بيعملو فحوصات وتحاليل قبل القيصريه

العضوة: 695822 , 5 years ago

ما احسنك انا حامل بالبطن الثالث و عندي عملية الشهر الجاي خايفة منها كيف كانت تجربتك و بنج نصفي او كامل؟

العضوة: 791767 , 5 years ago

@user-657905 دام فيها نسبة بسيطه ونادرة جدا يعني في احتمال وغير امنه .. بالاضافه انه لو تم اخذ الابرة بشكل خاطئ ممكن يسبب شلل ( الاخطاء الطبية واردة ) - غير طبعا الاعراض ع المدى البعيد ممكن تسبب الالالم مستمرة ف الظهر واعراض ثانيه .. التدخلات الطبية يفضل اخذها وقت الضرورة والحالات الحرجه مو بدون سبب .. هالايام صايرين يخيرون الحامل بالقيصيريه او الطبيعي وذي اكبر غلط - طبعا ماتكلم عن الحالات الي تستدعي ذالك .

العضوة: 637656 , 5 years ago

وعد.... انا ولاداتي طبيعية بس هالمرة الله قدر تكون قيصرية لان المشيمة نزلت بالشهر الثامن وبكرة بيدخل شهري التاسع وعندي مراجعة للدكتور مشان تحديد موعد العملية .بس خايفة كتير ومتوترة مابعرف خايفي عالبيبي وخايفي من العملية ومن كلشي بسمعكن بتحكو عنه 😔😔

العضوة: 637656 , 5 years ago

اختي وعد بعتلك مارديتي علي

العضوة: 657905 , 5 years ago

@user-637656 وعليكم السلام هلا اختي لا تخافي سهلة بإذن الله العملية مو مخيفة للدرجة اللي عم تتصوريها انتي بعد العمليه اول ما يشيلو لك قسطره البول المفروض تقومي تمشي من ٣ ل ٥ دقائق وانتي شاده ظهرك حتى لو تألمتي شوي هاد المشي ضروري ليلتأم الجرح بسرعه بالنسبة لاول كم يوم بيعطوكي مسكنات قويه شوي والنومه بتكون ع ظهرك الجرح لازم تحافظي عليه نظيف وجاف وما تجلسي بطريقه تضغط ع مكان الجرح ولا تحملي وزن ثقيل لمده ٦ شهور ولا تمارسي التمارين الرياضيه الا بعد ٦ شهور باستثناء المشي اما الطفل بإذن الله بيجي بخير وسلامه وما عليه اي خوف واي سؤال اختي انا حاضره واسفه ع التأخر بالرد 💕

العضوة: 657905 , 5 years ago

@user-695822 هلا اختي ربي يتمم لك على خير وتولدي بالسلامه تجربتي ناجحة كانت الحمدلله وعمليتي مرت بخير وسلامه والبنج كان نصفي ومرتاحه عليه اكتر من البنج الكامل المشاكل اللي واجهتها خلال العمليه كان في التصاقات خفيفه من العمليه السابقه وفكوها لله الحمد وقالتلي ما بتمنع الحمل

العضوة: 657905 , 5 years ago

@user-791767 لو تم أخذ الابره بشكل خاطئ يسبب آلام بالظهر فقط وليش شلل الشلل نادرا جدا في حالات اذا كانت الحامل تعاني من سيولة بالدم ولهيك اللي بياخدو اسبرين ما ببنجوهن عن طريق ابرة الظهر وممنوع ياخدوها اذا ولدو طبيعي انا معك انو غلط المشافي تخير الحامل اذا الولاده طبيعيه او قيصريه المفروض والطبيعي انها تولد ولاده طبيعيه لان العمليه مو شق بطن والسلام هي جراحة لكذا طبقه من طبقات الجلد وكل جراحة الها مضاعفات الله يسعدك على مشاركتك بالموضوع 💕