بدي طريقة حل مشكلة بدون ما اجرح مشاعر حدا في قريبة عزيزة علي وبحبها وما بريد زعلها هي بتجي لعندي كل كم يوم وكتير بفرح فيها لاني بحبها بس في مشكلة هي عندها 5اطفال الله يخليهن بس كتير حركين شو ما عملتي لازم من شباك للبرداي للمطبخ للحمام مع انو بجبلهن سلة العاب وهي بتحكي معاهن تعا لهون ولاك بس لا بتعصب ولا بتعمل ردة فعل تخليهن يهدو انا دوم بيتي مرتب يعني تخيلو البيت بدو تعزيل مو تنضيف بعد ما يروحو ومو مشكلة لانو بحبها مابدي اجرحها بس من فترة باعتلي ماعم تجي لعندي مشان ما زورك قلتلها لأ والله انا ما بتغلب منك بس عندك بتك الكبيرة ما بحب طبعها ينعن شيطانها وقلتها بين مزح وجد طبعاً انا حكيت هل كلمتين تاني يوم حاطة حالة بمعنا لا تعيب على ولاد غيرك شي الله ما يبليك انا تدايقت يعني فوق مو متحملة ولادها وما بحكي معهن شي شو ما عملو مشان خاطرها وبنتها من نوع بتقوليلها لا تعملي بتعمل لا تحكي بتحكي لا تفتحي باب مشان ما يطلعو الصغار على شارع بتفتحو بعدي عن سرير الصغير لا تقعي عليه بتطلع يعني مستفزة بشكل وانا حالياً محتارة يعني لا بتعيط على ولادها ولا بتحب حدا يحكي معاهن واذا حكينا بنكسر خاطرها وولادها يخربو دنيا وانا قاعدة عم اتفرج رح انجلط لانو ما عم اقدر حل المشكلة بدون زعل