العضوة: 564425 , 6 years ago

هذيك هي بالذات

العضوة: 468230 , 6 years ago

@user-564425 ربي يعينك شيما ختي ولد بزولة يتعب صح

العضوة: 672573 , 6 years ago

Sur assile @واش راكي حنونة ربي يحفظها شوفي راه جديدة يامات وتولي تاكل مليح ويولي صدرك معمر تشبع وترقد ساعات البيبي مش ذي يبكي جيعان يحوس على مامها باش يحس بالامان يكون خايف وساعات برك باش يرقد والرضاعة لازم الصبر وطول البال باش تقولي تمدلها خمس دقايق وخلاص مكاش منها اول 5 دقائق يهبط الماء والسكريات ومبعد الدهون والفيتامينات يعني باش يشبع ويكبر على الاقل 15 امو 20دقيقة

العضوة: 672573 , 6 years ago

صباحو حبيباتي نهار مبروك عليكم #معلومة # كاين لبيبي يجيهم الحب في وجهم والجسم ديالهم متخلطوش فيه هذاك من الهرمونات يجي كامل لبيبي ويروح وحدوا وساعات يتحسس من الحوايج الخشان مثلا لحاف موش حنين ولا لبسة لازم البيبي متحطيش وخلاص ديما كي ترفدوا يكون عندو فراش خاص ماما تحطيه فيحجرك يرضع عمرك متىرفديه هكذاك حطلو حاجة تحتوخاصة للمبدئات متعرفش تجد البيبي ومدرش العطر في وجهوا وعلى مباشرة على جلدو يكفي ماء وصابون الطرف غير للجسم ومتحكيش الجلد بزاف وفي وجهوا احكمي كومبخاس ولا قطن ومسحي عينية بالسيروم اوماء دافي وزيدي جبهتوا وخدودوا

العضوة: 468230 , 6 years ago

@user-672573 اصلا الحب لي في الوجه يجي لي بيبي كامل من الاحسن لعينين يتمسحو ب كومبراس و سيروم و الوجه يتمسح ب غون دو توالات سبيسيال للوجه و الرقبة لأنها قطن و حنينة و من تحت لازم ديما حاجة تحت البيبي و كي ينحط فوق سرير لازم بساط تحتو تاعو كولونيا الأطفال د جونسون أو أي ماركا أخرى نمسحو بيها طراف البيبي مليحة ليه تهدي و ترقد

العضوة: 672401 , 6 years ago

سلام لبنات معليش تفهموني فحبوب منع الحمل، عطاتني طبيبة سيرازيت ومزال ما بديتش نشربها، ومليحة ولا فيها أضرار. راه عندي 11 يوم ملي ولدت سيزاغيان.

العضوة: 468230 , 6 years ago

@user-672401 أنا عطاوني ميكروفاال و بديتها من اليوم 15 من ولدت حتى كي زيدت سيزاريان نفس شي

العضوة: 672573 , 6 years ago

Belhjaine@سيرازيت ابديها ومتحبسيهاش على طول خاصة اذا ترضعي حت عامين واذا مترضعيش تروحي لطبيب يبدلك اخر ويفهمك كيفاش تشربيها

العضوة: 564425 , 6 years ago

ربي يحفظك أختي راني نستفاد بزاف من نصائح تاعك، راني جديدة فالميدان و منعرفش بزاف حاجات،

العضوة: 672573 , 6 years ago

Sur assile @ بلا مزية حنونة راني هنا اي حاجة سقسي حت انا والله مازال نتعلم صح مجرب بصح تنساي كي يكبر اابيبي يروحوا شي عفايس من بالك مازال نسقسي ماما ربي يحفظها وهي تفكرني

العضوة: 564425 , 6 years ago

ربي يحفظهالك إن شاء الله، نسقسيك السرة تاعها اليوم 9 أيام مزال ماطاحتش، شحال من مرة لازم نديرولها دواء الاحمر؟؟

العضوة: 672573 , 6 years ago

Sur assile @ دري ثلاث مرات ودري صبح اوفي ليل قطرات زيت الزيتون درك تنشف وطير متشمخيهاش بالماء حت طير وحدها

العضوة: 672401 , 6 years ago

@user-672573 إيه نرضع صحيتي أختي والله رانا نستفادو منكم خاصة وحنا في بداية المشوار مراني قابدة والو هههه

العضوة: 672573 , 6 years ago

Belhadjine@بلامزية حنونة كما قلت لختي اسيل راني هنا وان شاء الله نفيدكم ونربيوا ولادنا وربي يقدرنا ويفرحنا بهم

العضوة: 468230 , 6 years ago

@user-672573 سرة جامي ديرلها زيت تشمخ زيت يطري ما يبسش دوا لحمر و حنا في سطيف كي طير سرة نديرو شب نبلوه ب ريق و نحطو غير شوية