6 years ago
  • ما قبل الحمل
قصة الليلة اسمها لبنى السريعة (لبنى السريعة😁) “ولك يلا قووومي…بعدك مخمودة!!….الدنيا صارت الظهر وانتي بالفراش…ارحميني طلعت ريحتك… قومي علينا شغل متلل …الله يصبرني عليك وعلى ابوك” طبعا بدون ما اعرفكم…اكيد عارفين الشخصية التي تقوم بهذا الدور👆😂 اه هي ما غيرها نبعووو للحنان كلو😂 _يا امي..يا حبيبتي والله الساعة بعدها مش صايرة ٨…هو انا ما صدقت وانا اتخرج عشان انام شوي..حراااام علييك😭 _يحرم جلدك عن عظمك😡..تخرجتي وقاعدة بخلقتي مثل كفة الهم..قومي شوفيلك شغلة بالدار احسنلك..يلا فزي عادي ..عااادي لا تزعلوا علي..اصلا انا متعووووودة دايما 😂هالموشح كل يوم بسمعوو وانا والحمد لله تمسحت😁 هس خليني اروح اطس وجهي بشوية مي وامزع شعراتي لفوق وارجع اعرفكم على حالي وعلى عائلتي الكريمة😁 انا لبنى ٢٢سنة ونص…متخرجة من الجامعة مثل ما سلف وحكيت….وبنظر امي اني قاعدة بخلقتها… خواتي الأكبر مني ثنتين تزوجوا والي اخ فصعون(يزن) بس لسانه اطول بكثير منو…أبوي شخصية صامتة بحبش كثرة الحكي..احيانا اذا حكيتله صباح الخير بقول:هو كل يوم؟؟😂 لهيك بنحكيلوش صباح الخير الا يوم الجمعة😂

87 تعليقات

العضوة: 694206 , 6 years ago

حيات مستمرة ومستقبل ضائع للكاتبة روان الشبلاق في الها قنات رسمية على الفيسبوك

العضوة: 697250 , 6 years ago

ضحكتيني 😂😂😂😂

العضوة: 697250 , 6 years ago

ما أنا عملت هيك وما طلعلي شي ..

العضوة: 678256 , 6 years ago

كان في قصة عم اقرأ وما خلصتا عن كرز وحازم وين صارت؟؟ @user-694206

العضوة: 694206 , 6 years ago

مسحتها وحطيت اسم لقصة واسم لكاتبة فيكي تشوفيها على النت

العضوة: 678256 , 6 years ago

وينن لو سمحتي وكيف ع النت ع كوكل يعني ؟؟ وشو اسم القصة

العضوة: 697250 , 6 years ago

طب بتقدري تنزلي القصة كمان مرة عن كرز وحازم تشوقت كتيرر....

العضوة: 697250 , 6 years ago

خلص لقيتها وعمالي بقرا بالقصة كرز وحازم⁦☺️⁩

العضوة: 233 , 6 years ago

😂😂😂😂👍👍👍

العضوة: 678256 , 6 years ago

لو سمحتي وين لقيتيها @user-697250

العضوة: 680484 , 6 years ago

ههههههههههههه عن جد بتضحك....يعطيكي العافيه

العضوة: 550643 , 6 years ago

@user-694206 😂😂😂😂😂😂ولك فرطط ضحك روعة يسلمو سو ضحكتني

العضوة: 697250 , 6 years ago

فيس بوك اسمهاا الكاتبة روان الشبلاق

العضوة: 697250 , 6 years ago

بس تدخلي صفحتهاا انزلي لحد ما تشوفي الصورة هاي قصتها عن كرز وحازم