اكيد بعد الولاده تبدين تفكرين بالتضييق وهذي الامور ، وتحسين انك توسعتي وتبدين تهتمين بهالنقطه من اعشاب وأدويه شعبيه وتجربين اشياء مجربه. عن نفسي (ورأيي الشخصي) ابدا ما افرضه على احد ، اشوف انه ما فيه اعشاب تشد ، لان منطقياً وعلمياً المهبل عباره عن عضله وليس جلد ، يعني تركيبها يختلف مثلاً عن البشره اذا بنقارنها فيها ، بمعنى اخر فيه كريمات تشد البشره بس مستحيل تنفع مع عضل 😅. طيب هل تنشد العضله ؟ نعم تنشد بطريقه واحد وهي التمارين🏋🏻‍♀️. بنصحكم اليوم بتمارين كيجل لتمارين قاع الحوض جدا جدا جدا ممتاززه وامنه ومفعولها حقيقي ومضمونه ، مو مثلاً الاعشاب تستخدمينها داخلك وهي ممكن تسبب لك التهابات او شي. التمرين عباره انه تشدين عضلة قاع الحوض ( مبينة بالصوره ) وطريقة الشد كأنك قاعده تمسكين نفسك عن التبول او التغوط وانتم بكرامه مدة 3 ثواني بعدها تسترخين ، اهم شي لاتشدين بطنك ولا الافخاذ فقط قاع الحوض ، ما ادري اذا فهمتم علي ولا لا بس بالاخير رابط يشرح الطريقه. https://youtu.be/aqMXh9ovs2U ⭕️اهم شي لا تعملينها والمثانه ممتلئه او وقت الدوره ⭕️ اكثر شي يميز هذا التمرين انك تقدرين تسوينه بأي وقت بأي وضعيه انتي جالسه او واقفه او تسوقين عادي. هذا البرناامج جداً جداً جداً جمييل للتمرين اذا انتظمتي عليه النتائج بتكون جميييله ( الصوره الثانيه ) وهو مقسم لك كل شي كل يوم بيومه. وانا ما ابي الا دعواتكم ربي يسعدكم 🤍🤍🤍.