القصة واقعيه لبنت غلطت وتعرف حالها غلطت بس ندمانه وتاتبت ---------------------------------------- كنت عم رتب ثيابي واذا بسمع خبط متتالي على الباب جفلت وخفت ليكون في حد من ابي او اخواني صارلون شي ..تركت من أيدي وركضت للباب فتحته وطلعت لبرا واذا امي واقفه عند الباب ولين ومجد وراها امي بخوف: مين ؟ نمر: انا خالتي افتحي الباب قبل لا أكسرو امي فتحت الباب بسرعة : خير يا ابني شو في الا شوي كان انكسر الباب دفش الباب برجله وفتحه ودخل لجوا وعيونو يقدحو شرار وشكله مثل المجنون ...واول ما شافني ركض لعندي ومسكني مع شعري وبلش فيا ضرب وانا مابعرف شوفي وليش يتصرف معي هيك كنت بصرخ وبترجا فيه يتركني وامي واخواتي عم يحاولن يخلصني منو لكن عبث امي : لك اتركها ليش عم تضرب فيها هيك والله لأخبر ابوك نمر يصرخ: خبري لانه هيك هيك راح يعرف في عمايل بنتك الوسخه امي فتحت ثمها : مابسمحلك تحكي عنها هيك ليش شو عامله احكي بلا لف ودوران نمر : لا راح تسمحيلي خالتي ..حالاً تدخلي معي لغرفتها لحتى افحصها امي : مافهمت نمر وهو يجر فيا لغرفتي : بدي شوف اذا لساها بنت او لا بس سمعت حكيو ماعاد رجلي حملوني وقعت على الارض وامي بلشت تضرب وجها وتلعنبي .................... نرجع بأحداث القصة لقبل سنه كنت واقفة عند باب قاعة المحاضرة وعم استنى صديقتي مرام لحتى ندخل سوا واذا بشب وقف قبالي : لو سمحتي هاي قاعة رقم كم اريج: سبعة : المحاضرة لدكتور محمد ادهم اريج : اي نزل نضارته شوي وبانن عيونه وهو عم يطلع بعيوني : شكرا ... ورجع النظارة على عيونه ودخل لجوا ...وانا لسى واقفه : اف مثقل دمو ماوعيت الا كف انضرب على كتفي اطلعت لورا بدي ابلش اسب واذا مرام بوجهي مرام : ووولي اسفه ماكان قصدي حمي الكف اريج : اف موناقصك انتي كمان مرام : يي مالك معصبه هيك اريج : بلااا شو تاركيتني استنا بحضرتك هون وفوق هيك صرت فرجه لداخل ولخارج مرام تسحبني من ايدي ودخلني لجوا : كانك مزوديتها شوي كل يوم انا بكون فرجه لداخل والخارج وماعملت مثلك اقعدنا على مقاعدنا وبعد دقيقه دخل الدكتور د. محمد : برحب فيكم بلفصل الجديد وفي الطلاب جدد الي عم ياخذو مادتي لاول مره وياريت يعرفونا على نفسهم بلشو يعرفو عن نفسهم لكن وقت اجى دور الشب الي وراي وقف واذا بنظارته توقع على راسي وبعدها نزلت بحضني الشب : اسف ماكان قصدي تأفأفت ومسكتها ولتفتت لورا لحتى اعطي اياها واذا عيني تيجي بعينه فتحت ثمي لك نفس الشب الي تقابلنا عند الباب الشب مسك طرف النظارة: ممكن اخذها واذا عجباكي مقدمه اريج : هااا ..احم لا تفضل.. اخذها وانا لفيت لجهة الدكتور الشب : انا عمر سنه رابعة محاسبة خريج مرام بصوت واطي: اريج انتي منيحه اخذت نفس: لا من بعد ماشفته 😍 مرام : مين قصدك الشب الي ورانا : اه مرام : اصحي تفكري فيه لك هاد اصيع شب في الجامعه الله يرضى عليكي مايصاحب بنت الا يخرب سمعتها اريج : بس انا مو مثل اي بنت مرام : ثقتك الزايده بنفسك راح تنزلك لسابع ارض د.محمد: مرام اريج شاركونا حديثكم المهم مرام: نعتذر دكتور خلصت المحاضره وبسرعة حملت كتبي وطلعت بسرعه ومرام تركض وراي مرام : لك استني مالك طلعتي بسرعه وقفت وطلعت عليها وانا برقص بحواجبي : عم نفذ خطتي لحتى اوقع عمر بحبي واخليه يتزوجني ولحتى يعرف مو كل الطيور تتاكل لحمها ني مرام بنصف نظرة : ولي انتي موقده خليكي بعيده عنه بس شفته جاي لجهتنا قربت منها وبستها على خدها: يلا باااي صار لازم اروح وبسرعة البرق كنت برا الجامعه التفت لورا فشفته واقف مع شبين وعم يطلع علي لفيت وجهي وطنشته ولا كأنه موجود وبسرعه وقفت تكسي ورجعت على البيت واول مادخلت القيت ابي عنا استغربت لانه بلعاده مايجي الا يوم بلأسبوع قربت لعنده وبسته على خده: كيفك بابا ابو نمر : هلا باخر العنقود امي: غيري ثيابك بسرعه لحتى تروحي انتي واخواتك مع ابوكي لعند خالتك ام نمر عازماكم على الغدا استغربت مافي بلعادة مرت ابي تعزمنا ... صحيح نسيت اخبركم انه ابي متزوج على امي لانها ماخلفت ومضى على زواجهم ٧ سنين فقرر انه يتزوج وفعلا تزوج وماما بقيت على ذمته ووقت الي حملت خالتو نسرين امي حملت هههه صدق المثل الي بيحكي (لولا الغيرة ما حملت الأميرة) مرت ابي ولدت نمر وامي ولدت توأم بنات مجد ولين وبعد بسنه رجعت مرت ابي حملت وخلفت كمان ولد سيف بعده بثلاث سنوات انولدت انا بدلت ثيابي ورحنا مع ابي وتغدينا عند خالتي نسرين مع انه مافي اي مشاكل بينا بس علاقتنا فيها بارده كتير بس وقت رن الجرس البيت عرفنا شو سبب العزومه فتح سيف الباب : هلااااا محمد تفضل ادخل دخل محمد واول ماشافته اختي مجد تلبكت وانا ولين اطلعنا بوجه بعض قامت نسرين وحضنته: اهلا وسهلا فيك ياعمتو كيف البابا محمد وعيونه على مجد : الحمد الله نسرين : تفضل اقعد عند عمك سلم على ابي وعلينا وقعد قبالنا وكانت نظراته كلها على مجد الي تغير مزاجها فجمعت الفناجين الفاضيه ودخلت المطبخ لحتى تهرب منه وبسرعه لحقتها نسرين مجد تجلي الفناجين ونسرين وقفت جنبا وسحبت ايدها : ليش تتصرفي هيك مع محمد انتي بتعرفي انه بحبك كتير وعم يغتنم اي فرصة لحتى يجتمع فيكي ويثبتلك هل شي مجد: بس انا مابحبو لابن اخوكي ومابدي ياه نسرين : راح يبعث اهلو يطلبوكي وهاد الي موعاجبك موظف وعنده راتب عالي وبيت وسياره وحليوه اه شو بدك احسن من هيك مجد سحبت ايدها وطلعت برا المطبخ ودخلت لعنا: عن اذنكم صار وقت نروح يلااا يابنات قمنا وقف محمد: لحظه ووجه حكيه لبابا: ممكن احكي معها كلمتين على انفراد بعد اذنك بابا يطلع بنظره حاده لمجد: اي ابني ادخلو تكلمو بلغرفة الثانيه مجد كانت بدها تعترض لكن سكتها واشرلها تدخل معه دخلت وهي معصبه وسكرت الباب بعصبيه مجد: انت مابتفهم انا مابدي اياك لك مابحبك محمد تنهد: لهيك طلبت من عمي احكي معك تكتفت: اي تفضل احكي وخلصني محمد: انا ماراح اضغط عليكي لتحبيني او توافقي علي بس عندي يقين انك راح تحبيني مثل مابحبك واكتر لهيك راح استناكي لو استغرق هل شي العمر كله تركها وطلع وهي طلعت وبعدا روحنا للبيت وخبرنا امي بلقصة وامي كانت تحبوو لمحمد وتحكي عنه انه شب محترم وخلوق بس ماحبت تضغط على مجد .... ...... مرق شهر وانا عم حاول علق عمر فيا من خلال تطنيشه واني شوف حالي عليه وعلى كل شباب الجامعه كانت امنية الشباب نظره مني ...حاول عمر يحتك فيا باكتر من موقف وانا بصده لكن في يوم كنت مروحه وقفت تكسي وطلعت فيه واذا بلباب الثاني ينفتح ويدخل عمر ويطلب من شوفير التكسي يطلع وانا كنت مصدومه: لك شو تعمل هون ..عمووو وقف بدي انزل عمر : لا عمو كمل وراح اعطيك اكثر من حساب الاجره رفعت حاجبي : نعم الشوفير: لوين وصلكم كنت بدي احكي بس عمر حكا : على حديقة الي قريبه من هون : لك مابقدر اتاخر على البيت عمو لاترد عليه بس عبث ولا كأني احكي وبقي هو قاعد وعم يطلع علي بطرف عينه ويضحك وانا بتأفأف وطلع من الشباك لبرا ...وصلنا الحديقه انزلنا وحاسب التكسي ودخلنا لجوا وانا بمشي بسرعه عمر يمشي بخطوات سريعه : هي لك هدي نحنا مو بسباق جبتك هون لحتى احكي معك وقفت ولفيت لعنده: احكي لشوف (ااخ وقت اطلعت بعيونه ذبت ) عمر يحكي وهو يطلع بعيوني: احم اكيد انتِ ماخذ فكره غلط عني من ورا حكي الي عم يطلع علي لهيك عم تصديني : اي صحيح وبعدو عمر : انا مابدي برء حالي من هاي الأتهامات صح انا شب كل يوم مع بنت وبتفاخر في هل شي قدام صحابي وعم خرب سمعت اي بنت تحبني لكن الشي الي مابتعرفي انه بحياتي كلا ماطلبت من بنت تحكي معي كانو هن يجو لعندي ويحكولي انهم بحبوني يمكن لهيك كنت استرخصهم وماحبيت وحده فيهم لكن من وقت الي شفتك دخلتي قلبي وعقلي وماعم تغيبي عني دقيقه وثقلك علي وعلى شباب الجامعه برهنلي انك انسانه مؤدبه وخلوقه وانا مابدي منك الا تعطيني فرصه لحتى تتعرفي علي واذا ما حبيتيني فيكي تطلبي مني اطلع من حياتك وانا راح اكون من ايدك هي لايدك هي كنت بسمع بحكيه وعم ارقص من جواي بس ملامح وجهي متل ماهي : بس انا فعلا مابحكي مع شباب لهيك اعذرني مافيني احكي معك كنت بدي امشي وبسرعه وقف بوجهي : طيب احكي معي كا صديق بقي ينق ينق لحتى وافقت اصلا انا موافقه من قبل بس عم ثقل حالي شوي ..وافقت انه نكون اصدقاء بس نحكي تلفون ممنوع يحكي معي مباشرة بلجامعه او يحكي لحد انه احكي معه وهددتو اذا حد عرف راح انهي صداقتي فيه على طول ... مرقو خمس شهور ونحناكل يوم نحكي مع بعض ف ليل لحد الفجر لحد ماتعلقت فيه كتير كنت بحبه لحد الجنون وهو نفس الشي كان كل يوم يعترف بحبه لا الي لحد ما خلاني احكيلو اياها : بحبك عمر : شو ماعم صدق اذناي لك ارجعي احكيها بخجل: بحبك عمر : اااخ واخيرا لك الفرحه مو سيعاني لك بحبك وبحبك وبحبك كنت عم اضحك على ردت فعله ومرق اسبوع وهو يطلب مني انه يقابلني بنفس الحديقه لانه مشتاق يحكي معي وجها لوجه كنت اخبر صديقتي مرام بكل شي وهي تبقى تحذرني منو وانا بحكيلها لاتخافي علي بعرف شو بعمل كنت واثقه من حالي زياده عن الزوم انه اقدر خليه يحبني ويتزوجني ..وافقت اقابله ورحت للحديقه وانا مرتبه حالى على سنجت عشره واول ماشافني صفر وطلع علي من فوق لتحت : شو هاد كانه القمر طالع بنهار :ههههه لا مو لدرجه هاي عمر : من هلا بخبرك انه مابقدر ابقى واقف معك بهاد المكان ولرايح والجاي عم يطلع على جمالك