القاضي سالها: "ليش يابنتي طريتي راس زوجج نصيين وقتلتيه🗡؟" كالتله : ياحضرة القاضي،جنت اجمل طالبه بكليه الطب ،وهو المعيد مالتي حبني وطيرني فوك السحاب بوعودهُ وكالي : راح اخليج تسوين ابحاثج وتحققين طموحاتج ، وايضا راح اساعدج بالزغيرة والجبيرة كلت لنفسي: الحمدلله ،ياكريم يا الله بعد الزواج ........ما حسيت بروحي غير واني بيدي احمد ومحمود وابراهيم وفاطمه وارضع ب سلوى نسيت ابحاثي واحلامي ....وكل ما اطلب منه مرة يكول تعبان وماله خلك لا يسمع صوتي ولا صوت اولاده استحملته لغايه البارحه .......البارحه ياسياده القاضي بعد ما رضعت سلوى وحفظت محمود وغسلت احمد وسكتت فاطمة وسلوى وقليت البتيته للاولاد وسويت فطور انواع وكنست البيت ولميت الزبالة ولميت الهدوم من الحبل وشريت الملابس الي بالغساله ونكعت الفاصوليا لفطور باجر وحضرت للعشاء ونضفت الحمامات وشكلت البردات وكويت القمصان وسويت محلبي للاولاد وسولفت قصص للزغار حتى ما يكعد جنابه وموعت الفريزر ونضفت الثلاجه وثرمت البصل وتبلت اللحم وراجعت دروس فاطمه حتى ما تنساهن صاحلي المرحوم وهو متختخ على القنفه ويحك براسه ويطكطك اصابيعه وكلي بصوته اللي اختفه من الوجود : ناديه ...ممكن اعرف شجنتي تسوين النهار كله ؟" ما حسيت بنفسي الا واني ساحبه السجينه 🔪الي جنت اثرم بصل بيها واني افتح راسه واطلع دماغه واشوف شنو جوااه؟" صار هدووء رهيب بقاعة المحكمه ....اثاري القاضي جان قبل الجلسه متصل بزوجته ويكولها : بس اريد اعرف شجنتي تسوين طول النهار ؟" ولحد اليوم القاضي بايت يم امه ومراجع للبيت 👌🤣🤣🔪