بوريكم نبذة عن كيف تأكلي طفلك وكيف تبدأي معاه من خلال تجربتي في اختي وبعدها بنتي بدات مع بنني من الشهر الرابع أكلتها طبعا وجبة وحدة باليوم وخفيفه مثلا بدات بجزر سلقتو وهرستو بالخلاط اديتها هوا لمده يومين وبشوف اذا اتحسست ولالا والحمدلله ما حصل شي وبدات بالبطاطس نفس الهرجه وبعدها بدات بالموز هنا بنتي اتحسست وفورا بطلتو من اول يوم ورجعت دخلتو لها بالشهر السادس والحمدلله ما اتحسست المهم في الشهر الرابع بدات باشياء خفيفيه بالشهر الخامس بدات اسوي بيوريه فواكه مثلا موز وبرتقال اهرس الموز واعصر عليه برتقال وااكلها وبدات اخليلها وجبتين باليوم حلو و عادي العادي كان زي بطاطس وجزر سوا طبعا تسلقيهم سلق جدا جدا جدا ممتاز لانو الطفل ما يقدر يهضم البكتريا اللي موجوده بالخضروات وطبعا اعطيها شوفان وتمر وهكذا بالشهر السادس بدات اثقل وادخل الرز احطو مع اللبن واهرسو بالخلاط في الشهر السابع بدات ادخل فتافيت دجاج جربتو لها مع الرز والحمدلله برضو تمام 👌🏻 طبعا لا تنسي الماء بعد كل وجبه وتبغو تنوعو في الوجبات وتعرفو طرق عملها تابعو هذا الحساب في الانستقرام تعطيكي كل الطريقه وللعمر كمان فنانه ماشاءالله @ joud.mom اهم شي تغذية الطفل تنمي عقله وتخليه ذكي وتعطيه فيتامينات كثييييييييييييييره يارب اكون افتدكممم 💛💛💛💛💛