العضوة: 784643 , 5 years ago

وبالنسبه للي يرضعون طبيعي وصناعي مع بعض لاسباب كثير ممكن يكون الحليب قليل غير مشبع الي بصدر الام ... ابدأي بحليبك اولا بعدين شربيه صناعي مو مشكله لان حليب الام سبحان الله يمنع المغص ويمنع الامساك وفيه فوائد كثير مهمه للطفل ومنها مناعته تكون قويه ...❤️

العضوة: 784643 , 5 years ago

بالنسبه للمغص اول الاسابيع يكون بسبب الحليب الصناعي لان حليب الام مايسبب مغص الا اذا كانت الام تغذيتها ع اشياء تجيب الغازات ف نعدل اكلنا ونبتعد عن الحليب الدسم والافضل يكون نباتي مثل حليب اللوز وحليب الرز وحليب جوز الهند وكلها مدره للحليب ومفيده للطفل اي شي تشربينه طفلك يتغذى منه الحليب العادي في لاكتوز ويسبب للطفل لمن يشربه عن طريق حليبك بمغص قوي فالافضل ماتشربون حليب في لاكتوز وفي بالتميمي حليب فري لاكتوز للي ماتبي تشرب حليب نباتي وفي ادويه مساعده للتخفيف بس ماتشيل المغص ابدا مثل : ديسفلاتيل قطرات تنحط مع الحليب او الفم عشر قطرات ... وفي منها اكثر من نوع وكلها نفس المكون مافي فرق مثل ديفلات ومع هالشي اضفت المساج بزيت زيتون دافيء وخفف جدا المغص بس باقي موجود وهذا شي طبيعي ❤️❤️❤️

العضوة: 784643 , 5 years ago

وفي موضوع صراحه مادري اذا الكل يعرفه بس بضيفه للتذكير ... اللفه او الكوفله او اذا لها مسميات اخرى .. تستخدم لهدوء الطفل وراحته وتخليه ينام نومه افضل واطول من لمن يكون بدون لف مالها دخل ابدا بتقويم عظام الطفل او اي شي من هالكلام ... يعني عدم المبالغه بلف الطفل بقوه او ربطه بقوه خصوصا صوب منطقة الوركين لانه لاسمح الله ممكن يسبب خلع او غلط في نمو هالجزء والرضيع بوضع نمو هالفتره ❤️❤️

العضوة: 686384 , 5 years ago

@user-784643 احسنتي النشر

العضوة: 643746 , 5 years ago

معلومات مفيييدة في ميزان حسناتك يارب💕

العضوة: 784643 , 5 years ago

ينصح بشرب الماء للرضع بعد عمر 6 اشهر وفوق اقل نكتفي بالحليب شاي الاعشاب ايضا واليانسون والخ كلها غير جاهز الرضيع ولامعدته لتحملها ف نكتفي بالحليب وتقدرون تبحثون عن هالشي الدكاتره ماينصحون فيها ابداً لصحة رضيعك❤️❤️❤️

العضوة: 686384 , 5 years ago

بالنسبه الي اللفه بحس الطفل يرتاح عليها لان بحس حالو بطن امو لا اكثر ام انها تقوي العظام لا مابحس هالشي نهائي

العضوة: 784643 , 5 years ago

@user-686384 في ناس الله يهديهم عبالهم انها تقوم وضع الساقين اذا كانت مو مستقيمه واشياء كثير حتى اهلي للحين مقتنعين فيها بس هي شي غلط اصلا ماتنفع حرام بيبي بحالة نمو مستمر❤️

العضوة: 686384 , 5 years ago

صحيح كلامك انا كنت الف بنتي بس لم تنام لان هي تبي الفه بس على الخفيف ام تكون صاحيه مستحيل الفها بعد العمر ٣ شهور خلص ماعد لفيتها وهي عمرها سنه و٥ شهور وحركتها ماشاءالله انا مااعتمد على هيك شي

العضوة: 784643 , 5 years ago

وفي شي جدا مهم وخطأ وشي خطييير وضعية نوم الطفل❌❌ لاتنومين الطفل ع جنبه ❌ لاتنومينه ع بطنه اكبر غلط ويسبب الموت المفاجئ لاسمح الله انتبهووو ي امهااات❌❌ النومه الصحيحه والاكثر امان للطفل النوم ع ظهره مع ميلان الرأس ع اليمين او اليسار هذي النومه الامنه للطفل بالشهور الاولى✅✅✅

العضوة: 784643 , 5 years ago

وايضا في شغله تصير ومايعرفون يتصرفون بعض الامهات الجدد وهي الفواق او الحازوقه هي شي كويس للطفل وماتضايقه ف عادي لمن تجيه ف تقدرين تتركينه لين تروح منه لحالها لاتشربينه ماء او تخوفونه او تسحبون لسانه الخ ...

العضوة: 784643 , 5 years ago

الامهات المدخنات او يخالطون ناس مدخنين او الاب يكون مدخن الافضل يكون الطفل في جو نظيف مع وضع جهاز تنقية الهواء موجود بساكو او اي محل يبيع اجهزة بيت لان التدخين يسبب له مغص سواء مع حليب الام او اذا شمه من المدخنين حوله❗️❤️

العضوة: 233427 , 5 years ago

بنات عندي وجع بظهري وغثيان مستمر ومُره بفمي وفتور للعلم انا بنهايه الشهر الثالث وقبل اسبوع ماكنت احس بهذا الشي اجالي فقط هـ اليومين هل طبيعي او بدايه اجهاض

العضوة: 784643 , 5 years ago

بكاء الطفل شي طبيعي ممكن يبي تشيلينه يحس فيك وبحنانك او يكون حفاظه مبلل ويبي تغيرين له او يكون في مغص او امساك ويحتاج مساج بزيت زيتون دافيء او يكون عنده تسلخات بمنطقة الحفاظ ومأذيته ف هالحاله يحتاج تهويه بدون مايكون المكيف شغال عشان مايبرد بسرعه وتحطين له كريم منطقة الحفاظ بعد التهويه او تحطين له زيت زيتون ونشاء مع عمل اختبار لمنطقة صغيره قبل وضع النشاء والزيت زيتون تتاكدين ماعنده حساسيه منهم❤️❤️❤️

العضوة: 784643 , 5 years ago

@user-233427 هذي علامات الوحم وشي طبيعي فقط محتاج منك راحه وجع الظهر وفالك العافيه