لله الحمد من قبل وبعد قبل امس يوم الاربعاء الصباح حمى الطلق معي هو معي من الثامن كاذب ويزيد ويختفي لكذا ماهقيت انها ولادة صليت الفجر عادي فكرت بيختفي وبنام فكرت بولد ع حسبه السونار والبرنامج كان باقي 4 ايام الساعه 7 تاكدت انها ولادة طبعا كل وحدة تعرف اذ ولادة للي مجربه قبل هذي ثالث ولادة لي بالليل كنت احس بصغط ع فتحه الشرج زي ولادتي السابقه بس بولادتي قبل حسيت كذا حلس يومين لكذا ماهقيت اولد بنفس اليوم ضغط وادخل الحمام كل ثانيه كم نقطه بول طبعا مع الطلق كل كم دقيقه 10 وربع ساعه وجهزت شنطتي وكنت مرتاحه عيالي نايمين وصحيت اخوي لان زوجي مسافر مو فيه وبسيارة الم بس محتمل وصلت وكشفو 4 س فاتح بس قالو مافي سرير ماستقبلوني 😑 انصدمت قالو نحولك لمستشفى خاص وطلعت امشي لسيارة والطلق يزيد قلت لسى 4 عادي بسيارة نص المشوار الراس نزل وبديت احس ودي ادفع طبعا ماراح اوصف وضعي والالم وانا بسيارة المفروض وقتها اكون ع سرير التوليد ويعطوني مسكن ع الاقل 😭 الحمدلله ع كل شي امسك نفسي واذكر الله واكرر لاحول ولاقوه الا بالله وقتها مالي حيل ولاقوه اخوي مسكين صار يرجف ماعاد عرف وش يسوي وصلنا ويحطوني ع كرسي واقول لهم طلعوني فوق ولادة ع طول ماصدقوني يودوني ع غرفه ويقيسون حراره وضغط 😑 ياعالم ولادة مافي وقت ويدخلوني غرفه ثانيه وتقول النيرس انتظري طبيبه شوف اولا وانا اتالم واصرخ طلعوني فوق وتجي طبيبه تكشف ونطت من مكانها وصرخت طلعوها فوق ولادة وكانت طبيبه مصريه الله يجزاها خير وتقول ماتدفعيش تنفسي وانا اقول ماقدر غصب ويحطوني ع سرير ويطلعوني وجاو ينقلوني لسرير الولادة انفجرت مويه الرحم وصارو يصرخون انتظري وانا احاول اتنفس بعمق ويحطون تخطيط وع طول بدا الراس يبي يطلع واحاول ادفع كذا مرة ولله الحمد دفعت وطلعت بنوتي بسلامه ربي لك الحمد من قبل ومن بعد وبعد الولادة حطو لي ابرة المسكن وعطوني اكسجين المخدر 😕 كنت ابيه قبل بس الحمدلله خفف علي الم سحب المشيمه والخياط بس بدا المغاص ع طول مو زي ولادتي الثانيه ماحاني الا بعد كم ساعه من الولادة هالمرة ع طول وانا بسرير الولادة الم فضيع كنه طلق ربي رحمتك خلصنا من الولادة والحين الم بعد عطوني مسكن وللحين اخذ مسكن الحمدلله صار اخف بس لا بد منه عشان يرحع يتسكر الرحم الحمدلله كل مااحس بخفه بلحركه واشوف بنتي يهون كل شي الله يهون ع كل حامل ويرزق كل منتظر بطفل سليم معافى