طول الوقت متضايقه وبس اقول ودي ارجع الوقت ودي لو اني لسه عروس او لو اني توني حامل مادري ليش مشاعري كذا طول الوقت متضايقه ومرات اشوف البيبي واقول احس اني ظلمتها واستعجلت بالحمل ليتني صبرت سنه بعد الزواج او ليتني ماولدت مبكر و ليت و ليت ومرات اقول ليه ماسويت جلسة تصوير زي اَي حامل ماصورت كرشتي ابدا ماسويت ذكريات لأول حملي حتى كان بخاطري اسوي حركات استقبال للمولود واشتري لبس استقبال حلو بس كل شي صار بسرعه وماسويت شي ووقت نفاسي مااحس اني اهتميت لنفسي ماسويت خلطات ولا شي بس اشرب ترمس حلب والبس شراب وبس ماسويت زي باقي الحريم وكارهه نفسي مره ومابي اشوف حالي ابدا وبس اقول ودي ارجع الوووقت 😭 حتى زوجي تغير علي ومايبي يسمع ازعاج البيبي ومايبي يطلعني لو قلت له طفشانه يعني أول حمل لي هذا وماوداني للسوق الا مره وحده لسنتر بوينت بالشهر الثامن قال خوذي كل شي من هنا وخلصي يعني بعض البنات من اول شهر يروحون يتسوقون ويروحون كم من محل انا بس مره وبالثامن يعني على اخر قطرة انا مادري ليش اتكلم كذا صايره انسانه محطمه وماعندي مواضيع اطرحها قدام الناس كويسه واذا احد تكلم معي مااركز بكلامه واتوتر من نظرات عيونهم واذا جيت اتكلم اتلعثم واخربط باللكلام ادري طولت بس ودي افضفض على احد وماعندي الا انتم خواتي