العضوة: 35694 , 5 years ago

@user-68073 ايه والله الحمدلله على نعمه التي لا تعد و لا تحصى كيف البنوته و كيف شعور الامومه الله يخليها و يبلغك فيها و عقبال ما تشوفين ضناها

العضوة: 68073 , 5 years ago

الحمدلله والله البنوته تحب تدلع علينا الله يصلحها ويهديها عصبيه آمين اجمعين الامومه مدري للحين مو مصدقه ان ذي بنتي واني ام هو تعودت ع نظام والارق هو شعور جميل الامومه والحب يزيد بنظره عيونها واتوقع التحدي الاكبر لما ارجع شقه لان هنا في مساعده اهلي. ربي بيهونها وغير افكر بالمانع ماابي حبوب ولا اي حاجه تتعبني وغير الحمل جاء بعد تعب وبنفس الوقت الخوف اني عمليه ربي بيسهلها

العضوة: 35694 , 5 years ago

خليها تتدلع هاذي البكر دلعها غير 😅 ايه سبحان الله انا للحين احس بشعور انه اخوي مو انا امه 🤦🏼‍♀️ اللولب اشوفه مره مناسب بس ع حسب ما سمعت ان العمليه بعد ٦ شهور تقدر تركبه و الثاني ترا مو شرط تطولين فيه ناس تحمل ع طلعة الاربعين فـ ع الاقل الاشهر الاولى خوذي مانع مضمون لان اكيد صعبه تحلمين ع طول الله يعينك والله الفتره الاولى مره صعبه من ناحية موانع و لخبطه مجربتها

العضوة: 698113 , 5 years ago

حبيبتي العزل مو مضمون ليش ؟ حابه افسر لك بس ممكن كلامي حساس شوي بس من جهه علميه الرجل عنده سائلين الشفاف الي اسمه مذي والابيض الي هو المني الي هو منبت الولد وهذا شي معروف لكن الي مو معروف انو سبحان الله الشفاف احيانا بنسبه جدا نادره وضئيله يكون يحتوي ع الولد سبحان الخالق وللاسف مايقدر يسيطر ع السائل الشفاف لذلك يستغرب انه مسيطر ومنتبه اجل كيف حدث الحمل حدث عن طريق السائل الشفاف الي هو بالشرع اصلا سائل نجس ولايحتوي ع الولد ولكن بنسبه ضئيله ممكن يحتوي ع الولد والمني معروف انه طاهر وانه منبت الولد لذلك العزل مو مضمون ابدا الا اذا انتبه للسائل الشفاف ومسحه كويس ممكن بس يضل العزل مو مضمون ابدا بس الناس تلجأ له لانه افضل طريقه صحيه ولافيها مشاكل للمرأة بس الرجل ع المدى البعيد لو عزل 4 سنين او اكثر ممكن يصير معه صديد يسبب له عقم وضيفي ع ذلك انو البعض من الرجال ماعنده القدره انه يمسكه وممكن لو تتسرب نقطه تحملي سبحان الله

العضوة: 68073 , 5 years ago

😂😂 مو مقصره هي دلوعه الكل ربي يحفظها ي عمري لان تحسي شيء غريب يمكن لان البكر اما بعدها نحس بالامومه الحمل هذا حملت بعد سنه و8 شهور تقريبا يعني وقت طويل وماكنت اخذ مانع قلت يمكن الحمل هذا نفس شيء بطول الحين معتمده ع الرضاعه الطبيعيه الحين مع انها مو اكيده وفي ناس تحمل منها واذا خلصت الاربعين يمكن نتفاهم بالواقي لان عمليه وصعب الحمل خصوصا افكر الولاده الجايه تكون طبيعي بإذن الله والموانع اخاف تأخرني وابدأ مرحله علاج طويله ربي يعين

العضوة: 35694 , 5 years ago

@user-698113 شكراً ع المعلوومه ♥️♥️ طيب اذا مو اغلب الشهر عزل يسبب بعد عقم ؟ يعني اوقات محدده ؟

العضوة: 35694 , 5 years ago

@صدى_الوجدان يخليها ياررب و تذوقون برها و نفعها ♥️ اي يقولون الثاني تحسين فعلاً انك ام سبحان الله .. فيه ناس تقعد سنين ما تحمل و بعد علاج و حاله و الثاني تحسب ما رح تحمل ما تهتم بالمانع و تحمل بعد الاربعين و ممكن لا بس الافضل اخذ الاحتياطات لان الامومه صعبه مو بالبدايه لما يكبر شوي و الافضل تجيبين الثاني و الاول شايل نفسه و متعلم ع الحمام اذا ترضعين مره كويس و ماتجيك الدوره ابد ما تحملين لين تفطمينها اما اذا ترضعين و تجيك دوره فـ لازم مانع مضمون مع الرضاعه اييه صحيح الموانع تخافين منها انا اخذت الحبوب لمدة سنه بعد الولاده و تركتها لانه مره تدمر من جميع النواحي

العضوة: 732881 , 5 years ago

والله هذا حملي صار على العزل ماانصح بي وحتى اللولب جربته 6 سنوات شوفني الموت يدمر ويوجع وكل يوم شغله اعتقد الواقي انسب شي الحبوب مؤذيه والها اعراض

العضوة: 698113 , 5 years ago

لا اقصد ع المدى البعيد يعني اربع سنين او خمس سنين يضل الرجل يعزل لين يتكون عنده صديد وممكن يصيبه عقم .. عموما افضل طريقه صحيه العزل لكن مو مضمون مئة بالمئة ولا اصلا فيه طريقه نقدر نقول مضمونه لان حتى اللولب في حريم حملوا عليه والحبوب كمان حملوا عليها لكن انتي اختاري طريقه وتوكلي ع الله وسويها بس لو حملتي لاقدر الله فهذا شي وارد

العضوة: 68073 , 4 years ago

آمين آجمعين ماجاتني دوره للحين مدري بتجي مع رضاعه او لا ارضع طبيعي وداخله رضعه وحده صناعي مع رضاعه مانع مرات واقي ومرات عزل يقول استخدمي لصقه وعني ماابي استخدم اشياء تدمر الهرمونات خصوصا بدون شيء الهرمونات بعد الولاده تخلي الام حساسه الله ييسر اللي فيه خير الحين عمرها 3 شهور و10 ايام ربي يحفظها كيفك بشريني عنك وعن الوسيم الله يحفظه

العضوة: 701286 , 4 years ago

اني استخدم غرسه

العضوة: 35694 , 4 years ago

@user-68073 اذا رضعتي مره زين ماتجي دوره سنتين سبحان الله بس اذا دخلتي صناعي ممكن تجيك دوره و اذا جت لازم تحرصين بالمنع اللصقه نفس اثآر الحبوب بالضبط و يسبونها اكثر بعد الله يحفظها يارب عقبال ما تشوفينها عروس عمرها الحين تبدأ تعرفك و تتعلق فيك الحمدلله كلنا بخير و نعمه و بعد شهرين الله يحفظه يكمل ٣ سنين يا سرع الايام ما شاء الله 😍

العضوة: 899017 , 4 years ago

الواقي افضل اشي. الي عشر سنين متزوجة وما بستعمل غيره

العضوة: 68073 , 4 years ago

ارضع طبيعي بس رضعه باليوم صناعي دخلتها لما رحت مره لدكتوره قبل تكمل شهرين ب 10 ايام وقالت دخلي صناعي عشان وزنها اقل شوي من المعدل الطبيعي وطولها فوق المعدل الطبيعي ومن دخلت صناعي مااشوف وزنها يزيد بالميزان الا قليل عكس قبل مااستخدمه واستنى يخلص اللي عندي ووقفه بس ماشاءالله تطول وشعرها شوي يطول وللحين ماجاءت دوره اخر شيء بالنفاس بس عندي هوس اخاف احمل وهي صغيره😁 احس العزل مااثق فيه كثير وافكر احلل بس اقول هرمون الحليب يرتفع مانع يعني واتعوذ من ابليس😂😂 وقايله لنفسي مهما صار مراح احلل اللصقه مافكر فيها واشوف مواضيع مدح عليها بس لازم انتظام بالوقت كل اسبوع افكر اوقف العزل اذا صار عمرها 9 شهور او سنه آمين يارب ربي يحفظها صايره حركيه كل شوي تقلب ع بطنها او تحط اي شيء بفمها او ع وجهها مهما بعدت عندها الاشياء ماشاءالله عليها وصايره تسولف وتناغي وتضحك تعطي حس بالمكان بعد اقل من اسبوعين بتكمل 5 شهور ماشاءالله ربي يبلغه فيك ويحفظه لك وتشوفينه بأعلى المراتب جد الايام تمشي بسرعه احس افرح انها تكبر وبنفس الوقت احس مدري احساس غريب لما اشوف الملابس صغرت عليها وأنها تكبر بسرعه قدامي