العضوة: 446219 , 7 years ago

اذا انتي تبين تولدين عندهم روحي طواري عشان يعرفون حالتك حتى لو رحتي خاص

العضوة: 446219 , 7 years ago

وفعلا انا اخر مره رحت طواري جلست 3 ساعات انتظار بس مرات لا انتي جربي

العضوة: 437609 , 7 years ago

مشكله انا متعقده من طوارىء الحكومي حملي الاول اجهضته ومعاي نزيف مخليني انتظر ٤ ساعات 💔 وحملي الثاني بنتي البكر برضو جيتهم الفجر بالسابع معاي زي الطلق وخلوني انتظر ساعتين وشوي مع انه والله فااااضي مافيه الا انا بالانتظار وانا ابكي من الخوف والالم وصار السبب التهاب بول شديد حتى حملي الثاني خلوني انتظر فوق ساعه اخرتها الدكتور يقول ليه تجين الطوارىء انا وش اسوي لك ؟! قهرني قسم بالله ماودي ادعي عليه كان ممكن ولدي يموت بسببه كله طبعاً بمستشفى الجامعي طيب لو اروح للخاص بكره واخذ تقرير معي اوريه الدكتوره مو احسن ؟ لان احس مره ماعندي استطاعه لا نفسياً ولا جسدياً اجلس بالانتظار

العضوة: 446219 , 7 years ago

@user-437609 الله يهون عليك ويتمم لك وللكل على خير سوي اللي تقدرين عليه بس مو تنتظرين موعدك وانتي بهالحاله

العضوة: 437609 , 7 years ago

@user-446219 ان شاءالله ماراح انتظر للموعد طول هالاسبوع ماقدرت اروح لان اسجل عيالي بالمدرسه ونقل ملفات وحوسه مرره مافضيت وتعب فضيع الوقت الوحيد افضى فيه انسدح وانوم مابي اطلع ولا اتحرك

العضوة: 461653 , 7 years ago

روحي خاص وتطمني ولو فيك شي لا سمح الله خذي تقرير من عندهم عن حالتك وعطيهم اياه بالطوارئ وماتشوفين شر يارب

العضوة: 482107 , 7 years ago

إيوا يقبلونك اذا ابوك مطلع لك بطاقه ل قوى الامن .

العضوة: 482208 , 7 years ago

انا ابوي بالحرس الوطني وكنت ابي اولد عندهم يوم عرفوا اني تزوجت راحوا وقفوا ملفي كله لاتوقفين ملفك مثلي خليه موجود اذا احتجتي اي شي غير الحمل والولاده الا يكون عندك ملف بما ان زوجك ماهو تابع لاي مستشفى

العضوة: 423201 , 7 years ago

لا مايدخلونك خلاص دام تزوجتي تطلعين من عندهم يعني لاتوهقين عمرك ماراح يولدونك

العضوة: 437609 , 7 years ago

مساء الخير رحت اليوم للخاص سوت لي سونار قالت عندك تقلصات لان كان معي كحه قويه من اسبوع والراس نازل ع تحت يضغط عليك هو اللي يسبب لك المغص كتبت لي حبوب للتقلصات بس ما اخذتها بشوف الدكتوره بقوى الامن بكره كان عطتني والا قالت نشوف تحليل البول قلت اني مسويه بالحكومي من اسبوع وبكره موعدي قالت اجل مايحتاج هم يعطونك العلاج بس الحمدلله عرفت الجنس 😍💞💞

العضوة: 423201 , 7 years ago

ليش ماتاخذينه ترى الحكومي مايعطونك شي جيتهم معي تقلصات مااعطوني شي دامه له اسبوع خذي مو زين تجيك ولاده

العضوة: 450978 , 7 years ago

يسعد مسائكم خواتي الجميلات والحمدلله ع سلامة اللي ولدو والف مبروك ماجابو عقبال لي ولكم بالصحه والعافيه الله يتمم علينا ماتبقى من شهور ؟ انا راجعت لقوى الامن اول موعد لي بالشهر الثالث وعطتني تحاليل وموعد اشعه وبعدها اسجل موعد مع الدكتوره ؟ طبعاً جلست شهر مارحت لهم ولاحجزت موعد للاشعه لاني تنومت بمستشفى بالخرج وتعبت كثير سؤالي ؟ اقدر اسجل موعد عن طريق الموقع او ابشر للاشعه ؟ بدون حضوري للمستشفى لانها اعطتني ورقه صغيره ولا اعرف الاشعه المطلوبه وهل اذا حجزت موعد للاشعه وبعدها باسبوع موعد الدكتوره للعلم بيكون موعدي الثاني معاهم ...... يبقبلوني عندهم للولاده ولا بترفض لاني تاخرت ماحجزت ؟ طمنوني الله يطمن ع قلوبكم

العضوة: 450978 , 7 years ago

انا الحين اخر اسبوع بالرابع

العضوة: 446219 , 7 years ago

@user-450978 ان شاء الله بيقبلونك الورقه الصغيره اللي عطتك الدكتوره للاشعه روحي المستشفى الكبير العيادات الخارجيه الاشعه وتطبع لك موعد المفروض اول ماطلعتي من الدكتوره رحتي

العضوة: 450978 , 7 years ago

اقدر احجز عن طريق الموقع طيب ؟ ولا لازم بالورقه الصغيره ؟