العضوة: 404039 , 7 years ago

احلام ي قلبي ماقصرررتي مررره يعطيك ربي الف عافيه ❤️❤️❤️❤️

العضوة: 323281 , 7 years ago

امين خيتي ولو الناس لناس .. ❤😘 واما كلوتات سانية ماعمري صراحة فكرت اشتري منهم .. بس ان شاءالله بجربهم دامهن زينات 👍 واشكرك عيني ع المعلومة😘😘

العضوة: 323281 , 7 years ago

تسلمين خيتي ولو انا بالخدمة 😘😗 وضيفي بعدددد ( المعيقلية) ترااا هالمكان مظلوووم والله فيه بلاوي ماغير هالاجانب هم اللي مغرزين فية طايحين بالدبس 🤔 يعني مليان قمصان وبجايم والاسعار جدا رمزية مامن غلا واغلب المحلات مثل الاوت لت تجميع ماركات ولابد تلاقين شي ينفعك سواء لنفااااس او بعددددده .. 👍🌷❤

العضوة: 323281 , 7 years ago

ماسويت شي خيتي اهم شي دعوة حلوة منكم .. وربي يعافيك ويكرمك من نعيمه 😘❤🌷

العضوة: 323281 , 7 years ago

واهم شي يااخواتي البناااااطيل القطنية مب برموداااا لاااا اشتروا الطويلة .. وشراريب .. لان اهم شي تدفئة المنطقة السفلية وضروري تشتروون وشاحات استرتش ملونة حلوة لان تغطية الراس والاذان ضروري اول النفاس .. يعني حافظوا ع انفسكم لايدخلكم هواااء الهواء ياجماعة مصيبة يلعب بحسبة الحرمة لامن فوق ولامن تحت .. الوحدة مب ناقصة يصكها خراب من تحت والا يصكها صداع .. فأنتبهوا من هالشي .. انا عن تجربة دخلني هواء بغيت اموت لاني قيصري ولعبت بحسبتي الغازات قسم المنطقة السفلية كلها كأن خناجر تضرب فيني .. لحد ماعلمتني امي اسوي بخور للمنطقة .. وتبخرت (بهدب الاثل) مع ان ريحته لا اله الا الله تخنقك 😐😖 وصح تذكرت ضروري كل وحدة يصير عندها هالشي ياتجبينه من البر والا اشترية من العطار بس ضروري يصير جديد مب يعطيك اثل قديم مغبر ومسووووود لااااا😟 لازم يصير فرش او حالته زينه اخضر .. والمهم ترا ريحتة تخنق بس ماعلية نبي الفايدة .. واللي يريح اكثر مغلي (الشمر + كمون + يانسون) شي عجيب يريح بطنك من النفاخ والغازااات خاصةً للي مسوين قيصري .. ✋❤🌷

العضوة: 394551 , 7 years ago

انا عند مجوى تحوم الكبد بي الشكوى لله مافيه خيار ثاني سالت الاستقبال تقول مانغيرها لك روحي انتي لها قولي ابي اغيرك تستهبل!! بس انا مستغربه اللي يقولون يحولونكم بالاشهر الاخيره على العيادات الخارجية شلون انا ولدت عندهم مرتين ماقد حولوني لييييين اولد وانا عند طب الاسرة ومواعيدي كل شهر مو كل اسبوع!!!!

العضوة: 442262 , 7 years ago

يحولون اللي عندها توام او مشاكل بالحمل اتوقع لان انا اول حمل لي اكتشفوا عندي ورم ليفي على طول حولوني للعيادات الخارجية

العضوة: 437609 , 7 years ago

السلام عليكم انا بالشهر الرابع رحت اليوم لموعدي عند الدكتوره تزين الباكستانيه في طب الأسره هذا اول موعد لي بالمستشفى ولاقد راجعت بمستوصف خاص ولاسويت اشعه انتظر عشان موعدي بالمستشفى قلت اسويها عندهم احسن الحمدلله الدكتوره مروقه وتسألني عن كل شي وتسمع الحمدلله ارتحت اظن انا اول وحده دخلت عندها عطتني موعد ثاني عندها وموعد اشعه وتحاليل حجزت الموعد طلع تقريباً في نص شهر واحد 👀 والتحاليل قالوا تعالي قبلها ب ٤ ايام الحديد والكالسيوم عطوني على كرتون واحد 😕 الاشعه قالت روحي للمبنى الثاني خذي موعد هناك وجلست امشي وادور في المبنى على كل اقسام الأشعه كل واحد يقول لنا من جهه ويالله وصلنا حق الحوامل عطتني موعد في شهر ثنين هجري 😭😭 صراحه انصدمت وانقهرت مررررره اقول ليه شهر ثنين قالت لازم تخلصين السادس !!! ليه كذا المواعيد ؟؟؟ يعني هذي اول مراجعه لي المفروض يعطوني موعد اشعه اقرب وقت انا ماقد سويت كيف اتطمن ع الجنين الحين ؟؟ كذا يجبرون الواحد يروح للمستوصفات الخاصه والله طلعت منهم ورحت لمستوصف خاص سويت اشعه قالت الحمدلله الجنين سليم و وزنه زين بس ان راسه نازل تحت مره قالت لي ارتاحي وارفعي رجولك يعني لو جلست ع موعدهم ومارحت كان ماعرفت انه كذا بس بصراحه مرره محبطه من المستشفى المفروض يحطون الاشعه عند المواعيد يعني وين فرق عن الجامعي يازينه كان دور واحد فيه العيادات وقدامها الاشعه والجهه الثانيه المختبر ماتجلسين تدورين وين الاشعه وين المختبر غير المواعيد كل شهر موعد والاشعه قبل الموعد باسبوع

العضوة: 322787 , 7 years ago

@user-437609 انا يوم رحت لهم سوو لي سونار سريع علشان يتطمنون بشكل عام وعطوني موعد للاشعه التفصيليه والمواعيد الثانيه يسمعون النبض فقط بدون سونار

العضوة: 437609 , 7 years ago

@user-322787 تخيلي بس سمعت النبض وقالت النبضات كويسه وطلعت على فكره هذي اول مره اسمع النبض 😩❤️ طيب اشعه لازم يعرفون الجنين سليم مافيه تشوهات لاسمح الله والا شي توقعت يسوون لي والله بس قهرتني حقت مواعيد الاشعه تقول اذا خلصتي السادس انا والله ماهمني الجنس قد ماهمني انه يكون سليم لكن الحمدلله الحين تطمنت وارتحت لمى شفته ع الاشعه سبحان الله الام ماترتاح الى ان تشوف الجنين ع شاشة الاشعه وتسمع نبضه الله يكمله بصحه وعافيه ويسهل علي وعليكم اجمعين

العضوة: 418332 , 7 years ago

@user-437609 بصراحة انا اتابع عندهم بكل ولاداتي قبل غير سونار ببدايه الحمل وثاني بالنص والثالث بالشهور الاخيره بس اكيد صار عندهم ضغط بالمستشفى وكثره مرضى

العضوة: 450978 , 7 years ago

انا توني جايه منهم ومثل ماقلتي حطت الايكو وقالت فيه نبض وشالته ع طول وانا ودي اتتطمن على الجنين مب مهم عندي الجنس قد مايهمني صحته كامله بس خلاص اهم شي اني بجيهم ع مواعيدهم واذا بتتطمن ع الجنين بروح خاص واريح راسي من التفكير والمشكله انها كتبت لي اسبرين وانا ماعندي تسقيطات وكتبت لي دافستون بعد ؟؟؟؟؟؟؟؟ انا هنا استغربت اول نرا اخد يكتب لي دافستون واسبرين بحملي السابق كان معي سكر حمل ومحد كتب لي هالحبوب الا بالحمل هذا وللعلم توني بالثالث

العضوة: 418332 , 7 years ago

@user-450978 أنتِ قد حللتي عندهم او اول مراجعه ؟

العضوة: 322787 , 7 years ago

@user-450978 ليش ماسألتي عن السبب وانتي عندها وبالاخير كل دكتور يختلف عن الثاني في كتابة العلاج والتشخيص

العضوة: 323281 , 7 years ago

وشبلاك ماتكلمتي ونتي عندها .. 😐 كان نشفتي ريقها بالاسئلة ع اي اساس تعطيك دافستون بالذاتتت ..!! هذا حق اللي مشكوك انها تجهض او يكون عندها نزيف او مشيمتها نازلة والخ .. انا كان مصروف لي عشان صكني نزيف بالشهر الثالث والمشيمة نازلة .. وامنعتني الدكتورة من الصعود ونزول لدرج .. والمشي الكثير .. والشيل الثقيل .. والجماع .. وقالت لي ارتاحي ورفعي رجليك .. عموما اذا حابة تطمني روحي لدكتورة خاصة وشوفي هل يناسب هالعلاج المصروف لك لحالتك او لا . وربي يسهل امرك ويطمنك ❤✋🌷