العضوة: 323281 , 7 years ago

الله يطمن قلبك خيتي ويجزاك كل خير .. وراح اتابع هالحرمة وشوف .. وبالنسبة لأبرة الظهر والله ياخيتي ناس تنفع معهم وناس لاااا... انا من الناس اللي مانفعت معهم للاسف .. حطوها لي ولا حسييييييت بالدفع ابدااا يقولون لي ادفعي وماعرفت لأني ماحس بشي لا طلق ولا اصابع القابلة السودانية تقولي ادفعي هنا ماتحسين بأصابعي😐 حضرتها مدخلتهم باللي خابرة قلت مااااااحس بشي يابنت الناس .. ويوم شافوا لاطلق احس فية ولا شي .. وقفوا تدفق الأبرة علي .. يعني يابو زيد ماغزيت مااستفدنا شي ورجعت لألم المووووووت التحميلة الطلق الصناعي ☺ الله لايعذبنا ويثبت اجر الامهات يااارب ويسهل عليكم جميعا وماتشوفن اللي تكرهونه ياااااااارب 😔😢💔

العضوة: 446219 , 7 years ago

@user-323281 اي مستشفى هذا ؟ يعني حاولتي تولدين طبيعي وفي الاخير سوو لك عملية

العضوة: 446219 , 7 years ago

@user-323281 بالعاده مايعطون الابره الا لما توصلين 5 سانتي اذا تعديتي مايعطون غريبه عطوك

العضوة: 323281 , 7 years ago

قوى الامن .. كانوا مقررين لي قيصري .. وعطوني موعد لتنويم .. لكن انا رفضت قلت ابي طبيعي لان ولادتي الاولى قيصري وقلت ان شاءالله الثاني طبيعي .. وعطوني فرصة لكن ياليت ماعطوني تحميلة حقت الطلق الصناعي .. ياليت سووا اي شي غير هذي .. لان وربي تطير العقل ورى بعض الطلوق وتقطعين من الالم ماتقدرين تنفسين ولا تقدرين حتى تقوليييين لااله الا الله .. عجزت اسكت عجزت اتصبر شي وخالقي ماينوصف انهرت استخفيت حرفيا من شدة الالم .. يالله سترك ..وعطوني ابرة ظهر صح هجدت لكن يوم فتح معي 10 سانتي ماعرفت ادفع ولاشي .. لاني مااحس بالدفع من ابرة الظهر .. ووقفوها عني ورجع الالم الموت الحمر انهبلت وزاد الطين بلة راس الطفل لانزل ولاصعد وقف بالنص مع ان وزنه ولاشي 2 كيلو بس حكمة ربي وارادته لااعتراض على قدره .. جلست اصيح لان جد شي يضيق الخلق .. وحولوني قيصري على طول لان صار عندي نزيف وتوقف قلب البيبي فأذكر دخلوني بغرفة مساندة لوحدة القلب لاحول ولاقوة الا بالله .. عشان كذا قلت لكم حضرت ولادتين بنفس الوقت الله يكتب اجري ومايعيد اللي صار لي لا لعدو ولاصديق💔 ويسهل امركم خواتي جميعا وتولدون بالسلامه ويسر يارب ❤

العضوة: 323281 , 7 years ago

عطوني لاني خلاص بفقد وعيي وجلست استفرغ بغيت اموت من قوة الم الطلق الصناعي .. (التحميلة).. وترا للمعلومية ناس تنفع معهم وناس لا .. وناس تحس بألمها وناس لا .. يعني فروووقااات بين كل حرمة وكل شي بأمر ربي وتيسيره سبحانه 👍

العضوة: 446219 , 7 years ago

@user-323281 الله يعين ويسهل امرنا ولادتك هذي مثل ولادتي الاولى كنت باولد طبيعي واخذت ابره الظهر وقت ماجا يطلع الطفل صار عنده انخفاض في القلب وعلى طول قررو قيصري طيب بايش تنصحيني انا هالمره ودي اجرب الولاده الطبيعيه ان شاء الله وخايفه في نفس الوقت

العضوة: 299431 , 7 years ago

@user-323281 حسبي الله ونعم الوكيل اصلا ممنوع يعطون اللي ولدت قيصري طلق صناعي بتاتا كيف اعطوك وعرضوك للخطر انصدمت يعني مستشفى بحجم قوى الامن كيف يغلط هذي الغلطه دام ولادتك الاولى قيصري ممنوع الطلق الصناعي عشام كذا تعبتي ياعمري علييك بس الحمدلله عسا ربي يكتب اجرك ويقر غينك بمولودك .

العضوة: 323281 , 7 years ago

امين يارب .. والله ياخيتي انا سويت كل مسهلات الولادة لاني مابي قيصري لكن مانفعت معي .. لكن مو معناته ماينفع غيري .. فعشان كذا سويت كالتالي ..:" من دخلت التاسع اكلت اناناس طازج يوميا .. وامشي واباعد بين خطواتي .. اشرب مغلي يانسون وشمر خلطة هي ماتحضرني حاليا وصفتها لكنها مشهورة .. اصعد ونزل من الدرج.. بنص التاسع شربت حليب دافي مع قرفة دهنت بطني بزيت زيتون دافي وظهري آخذ شور مايل للحرارة ع ظهري والجماع وترفعين رجولك اذا خلصتي وقد ماتقدرين تخلينه داخل المهبل لو ربع ساعة .. وهذا كله بالنسبة للمسهلات .. اما سالفة ابرة الظهر والله ياعيني مثل ماقلت لك ناس تنفع معهم وناس لا .. فإذا عندك طلق طبيعي اصحك تاخذين ابرة الظهر .. ع الاقل الطلق الطبيعي ارحم بمليون مرة من الطلق الصناعي .. يعني تحمليييه .. لكن لو قدر ربي وماعندك طلق يعني بااااارد مثل حضرتي فلا تجربي التحميلة قولي لهم فية الجل او طلق صناعي بالوريد المهم شوفي وش يقولون لك .. واحتمالية الطلق اللي تتحملينه ومايسبب لك اي مضاعفات لرحمك.. ودعي دايم إن ربي يدلك ع الخير لك ويرضيك فية .. ويسخر لك الخيره المباركة يارب ويسهل امرك وييسره يارب ❤

العضوة: 323281 , 7 years ago

صحيح كلن يقوله خطررررر تخيلي رحت لمستشفى الحمادي دلتني قريبتي علية بما انها متعوده تولد فية وذكرت لي دكتورة عراقية ظنتي اسمها (دعد ) هي عجوووز بس وخالقي هالحرمة رهيبة جدا فااااااهمة وبقوة .. يعني تعطيك العلم من اول نظرة .. رحت لأني جد احترت وابي استشير احد قبل اتنوم بقوى الامن وبستشير احد فاهم بمسألة الطلق الصناعي (التحميلة) تخيلوا يااخواتي انصدمت يوم قلت لها عن التحميلة قالت لا والف لا سوي يابنتي قيصري ع طول لاتخلينهم يبهذولك وتتعبي ويأثر عليك نفسيا وجسديا .. وبعدين يابنتي خطر عليك ممكن لاقدر الله رحمك ينفجر مايتحمل والناس فروق فليش تخلينهم يجربون فيييك ..!!! واذا تبين تولدين عندي ولدتك يابنتي وبحاول معاك بالطرق الطبيعية اللي ماتأثر عليك وتهلكك واذا لا حابة تولدي بالامن قولي لهم ع طول قيصري لايلعبوا فيك ...!!! لكن ااااااه ياقهري استغفر الله بسس انا زفت ماسمعت الكلام لو اعلم الغيب صدق ماخليتهم يلعبون فيني ولاخليتهم يحطون لي هالتحميلة ولاتعذبت ..!!! لكن مااقول الا الحمدلله ع قدر ربي والحمدلله ع كل حااااااال ..💔💔

العضوة: 446219 , 7 years ago

@user-323281 الله يعافيك ويقومك بالسلامه ماقصرتي كويس علمتيني على سالفه الطلق فعلا اذكر وحده في ولادتها الثالثه جربت التحميله لان ماجاها طلق وتسبها لان ولاداتها السابقه طبيعيه

العضوة: 446219 , 7 years ago

@user-323281 طيب هم خيروك اذا تبين طلق صناعي او لا ؟ او اجبروك

العضوة: 446219 , 7 years ago

@user-323281 انا سالت الدكتور في قوى الامن قلت اذا ابي اولد قيصري قال لا هم يقررون وقت الولاده اذا طبيعي او قيصري انت خيروك اذا تبين طبيعي او قيصري ؟ وانت والده في الاسبوع كم

العضوة: 323281 , 7 years ago

امين ياروحي ويسهل امرك وتولدي بالسلامة يارب 🌷

العضوة: 323281 , 7 years ago

قالوا لي انتي قيصري بس انا قلت ابي طبيعي وحسبت بيسهلون علي وضعي .. قال الدكتور دامك تبين تولدين طبيعي مالك الا التحميلة قلت ابي بالوريد قال لي لا تحمييييييله الله لايوفقه على هالاختيار موتني ونا حية ..!!💔 وقال ضروري نولدك بنص التاسع لاقبله ولاآخره ..

العضوة: 322787 , 7 years ago

وحتى انا دكتورتي في مستشفى خاص قالت نصيحه لاتاخذين تحميلة الطلق الصناعي وأطلبي عمليه خاصةً أن حملي عن طريق الانابيب فحرام تجازفين بحياته