اهداء لمريم Doon بو منصور مالك الفيلا ومن اغنى رجال الاعمال بالمنطقة..كان رجل متجبر وظالم لدرجة ماكان يفرق بين قريب وغريب وغني وفقير كان الكل تحت سباطو هيك ع قولو..حتى وقت يكون مزعوج او رايق اذية الحيوان والطير والبشر هواية اي هواية..شي يفرغ فيهن طاقتو السلبية وشي يتسلى لتعلى ضحكاتو وقت يشوف مسكين عم يترجاه ويبوس ايديه ليعفي عنو..بس هو عندو حقارة لدرجة كان يتمتع بصوت البكي والخوف والفزع يلي كان يشوفها ع وجه ضحاياه..من بين هالضحايا كان في رجال فقير بيشتغل حارس ع بوابة الفيلا ..هالحارس بيوم من الايام اتأخر بفتح البوابة ..وسيارة ابو منصور الفخمة المكيفة اتاخرت دقائق برا البوابة..هالشي سبب ازعاج لابو المنصور وانو شلون شقفة بواب هامل يسرق دقيقتين من وقت ابو منصورالغالي ..ردة فعل ابو منصور كالعادة فريسة جديد وصارت وقت الغدا وضروري يتحلى فيها كان عقاب هالرجال الفقير ..هو تركو تحت الشمس الحارة ..لساعات طويلة..قمة التعذيب لجسدو الضعيف وصحتو المهلوكة ماتحملت كمية العذاب وكان فاقد حياتو باخر النهار..علم ابو منصور انو ضحيتو الجديدة يلي ما الها عدد انتهت حياتها .. ابو منصور :- اتخلصو منو مابدها سؤال ..شوفوا لالو شي مكان بمقبرة او مزبلة . (( متل ماكان يأمر رجالو كل مرة وقت يتخلص من جثة لضحية ما..من بين هالحضور ..كان في شاب مراهق عم يتنصت كالعادة ورا شبابيك الفيلا ..هالشاب كان يحلم لو يعيش يوم واحد بهيك مكان وينام ع الحرير وياكل من كل ما لذ وطاب من يلي بياكلو ابو منصور وعيلتو ..بس هالحلم اختفى وقت شاف جثت ابوه متروكة بأرض الفيلا ..وحواليه رجال المعلم ابو منصور ..ماكان يعرف شو يعني فقدان وموت ماهي الحياة اخدت منو كل شي ..ماوقفت لتاخد منو ابوه..كان عم يراقبهن شو يعملو ولوين بدهن ياخدوه..وهون شافو ابو منصور.. ابو منصور :- خدو هالشاب الحليوه يساعدكن بدفن ابوه ويبوس ترابو ويودعو والوداع الاخير.. 😂 😂