بنات انا ولدت يارب لك الحمد وجبت احلى بنوته كانت ولاده صعبة عملية قيصرية اخترت بنج نصفي وصحيح متعبه للنفسية لكن الحمدلله عدت على خير انا متزوجه لي ٦ سنوات تقريبا يعني خمس سنوات وشهور وأول ما تزوجت جلست فترة بعدها حملت يعني بأول سنه وجبت بنتي عمرها الحين ٤ سنوات بعدها جلست ٣ سنوات وحملت بتوأم وطلعو بنات وانبسطنا عشان أول توام في العايله لكن زوجي كان يبي ولد ويبي يسميه باسم ابوه الله يرحمه ويغفر له توفى من سنتين المهم جلست ٣ شهور وحملت بعد التوأم وولدت الحين بنتي الرابعه والحمل هذا سبحان الله كتبة ربي لاني كنت مشغوله في التوأم وتربيتهم وانام معهم لكن سبحانه من مره وحده الحرمه تحمل .. لكن الحمدلله زوجي أوا ما ولدت كان مبسووووووط مره لدرجة طلب زينه لباب الغرفة في الميتشفى باسم البنت وبالونات وشوي ويطير من الفرحه لكن ثاني يوم قلب تخيلو ما جاني الا بالليل حتى بنته ماعطونا اياها الحضانه جى عندي الساعه ٨ بالليل وطول اليوم امي عندي بس حتى اهله جو اخر الليل على عشرة بالليل الحين ابغى كلام إيجابي يعني انا توني لي ٦ سنوات متزوجه توني عالاولاد صح ؟ وغير كذا صغار انا وزوجي عمري ٢٦ وهو ٢٧ والحياة قدامنا ان شاء الله وغير كذا ماشاءالله اخوه متزوج صار له ١٦ سنه وعنده ٣ بنات وولد يعني انا ماشاءالله جبت كثر عياله بغترة اقل وبالعكس ترى ماني كارهه الحمل لعيون زوجي وسعادته احمل عادي مع اني كنت دلوووعه وما افكر اجيب عيال وتربية لكن يوم شفته مهتم ويجيب لي شغاله قلت هو ما قصر وانا ماراح اقصر معاه لين اخر يوم بعمري