السلام عليكم كيفكم ياحلوات حابه اكتب قصتي ومعاناتي مع العقم لعل وعسى يفيد اخواتنا المتأخرات بالانجاب 💐 اولا قبل اتزوج كان عندي هرمون الذكوره وتكيسات والدوره كانت تتاخر علي لدرجه احيانا تصير بالسنه مره او مرتين كان صوتي فضيييع وخشن من هرمونات الذكوره وعانيت من ضحك صديقاتي واقرباي كانو دايما يضحكون على صوتي وعلى الشعر الي بوجهي مع اني يومين واشيله بس مافي فايده اشيله من هنا يطلع من هنا بساعات وكنت وقتها بالمتوسطه يعني كنت بمرحله حساسه تازمت نفسيتي وقتها رغم اني جميله بس كان الضحك حولي على شعر وجهي وصوتي اكبر ماتحملت كل هذا لضعفي وصغر سني اعتزلت العالم وبديت اغيب بالاسابيع عن المدرسه واذا اهلي غصبوني اروح ابكي واذا داومت كنت اجلس بالزاويه عشان اكون لوحدي وماحد ينتبه لشعري عدت الايام وصلت لثانوي وانا على هذا الحال تقدمولي كثير وكنت ارفض كنت اقول بنفسي كيف اتزوج وانا كذا اكيد حتى زوجي راح يعايرني زي الناس ويمكن ارجع لهلي مطلقه عشان كذا الغيت فكره الزواج تخرجت من الثانويه وتقدملي ولد عمتي هنا ابوي عصب اني رفضته ومارضى وراح قالهم اني موافقه لان بنظره ان مافيه سبب مقنع لرفص ويبيني اتزوجه فتره وتمت خطبتي بولد عمتي بشروطي منها اني مااكلمه ولا اقابله ورفضت حتى النظره الشرعيه لاني مو واثقه بنفسي ولا احد من اهلي زرع فيني الثقه وراني الجانب الحلو فيني يعني فيني صفات حلوه بعد بس كنت مو داريه عنها مثل الجسم الشعر الطويل💔😭 مرت ست شهور على ملكتنا بدون اي مقابلات ولا مكالمات وكان راضي ومتمسك فيني رغم هذا ارسلي اخته تكلمني على موعد الزواج وحدد الموعد وهنا انا بديت اخاف كيف راح يشوفني وانا كذا بشعه اكيد راح يكرهني زاد توتري وقلقي وانا كنت جاهله ماكنت اعرف ان فيه علاجات وان فيه حبوب ومرت سنوات وانا مضيعه ومهمله نفسي يتبع >> ❤️❤️