بما اني مريت بالتجربه الصعبه هذي حبيت افيدكم ببعض المعلومات والي تحب تضيف اي معلومة تتفضل . طبعا كانت ولادتي قيصري بنهاية الاسبوع الاربعين بسبب نزول المشيمه تجربه صعبة ومؤلمة خاصه باليوم الاول والثاني من العمليه الألم لايطاق لازم مسكنات اول يوم على المغذيات مايعطونك حاجه واصعب شيء تواجهينه المشي بعد العمليه لازم احد يساعدك ورغم الالم لاحظت ان المشي يساعد في تخفيف الألم وسرعه الشفاء جسمك تحسينه كله مكسر وتعبانه وثاني صعوبه تواجهينها الغازات هذي بحالها معاناة الي ساعدني لتخلص منها جبت كمون مع زنجبيل وقرفه مطحونه كلها وجمعتها بكيس وسفيتها سف اخذ بالملعقه الصغيره واشرب عليها ماء ثلاث مرات والحمد للة خاصة الكمون يخلصك من الغازات وفي مشكله ثالثه واجهتها وهي العطور بعض الزوار والممرضات رائحة العطور الي يحطونها قويه مره وتسبب الشمم تخلي الجرح يألمك والغازات ماتطلع من البطن وحتى اتخلص من المشكله هذي اخذت مره حطيتها بقارورة ماء واشرب منها واذا شميت عطر اخذت بالمناديل وحطيت من المره المنقوعه وحطيتها على انفي واذا بطني يألمني اخذ مره صغيره واغلسلها وابلعها مره ارتحت عليها واستخدمت كمادات ماء ساخنه على البطن والظهر مره رائع ويخفف الألم طبعا الولادة القيصريه يبي لك عنايه وتبتعدي عن الحليب ومشتقاته والخبز الابيض لانه يهيج القولون ولازم تعتنين بتعقيم الجرح بالبيتادين وتخلينه جاف حتى مايلتهب والحمد لله كل ما اصابنا كفارة اهتموا بغذائكم والمشروبات الساخنه وعن تجربتي ماينفع تكوني لوحدك تتنفسي ببيتك لازم احد يساعدك لأن العمليه تحتاج رعايه والأم وقتها كله مع المولود الي حابه تضيف معلومات تشاركنا فيها والله يهون على الجميع وطبعا الولادة الطبيعيه افضل بكثير من القيصري وقدر الله وماشاء فعل .