رح احكيلكم نهفت جوزي اللي من ما تجوزنا ومن ما حملت ماخلص نهفات ومقالب 😏 اليوم الصبح صحيت من النوم لقيت الفرشه تحتي مي 🙈 صرت افكررر معقول عملتها ع حالي 🤔 معقول ماحسيت بحالي 🤔 بعدين صرخت بصوت عالي قلت لااااااااا هاي اكيد مي الجنين اكيل مية الراس فقست 😣 طب فش وجع فش بوادر خلفه صار عقلي يودي ويجيب وانا من الرعبه بطلت اقدر اقف ع جريه رنيت على امي وحكيتلها شو صار معي الله يهديها امي خوفتني بزيادة وقالتي رني ع جوزك وعلى المشفى دغري بتخافي يصير شي على بنوتك وانا رن رن رن رن بعد شي ربع ساعه لرد اخدت دش مي سخنه وضبيت البيت مثل الطيارة وصار يتهيئلي اشياء واخمس واسدس ورعبعه غير شكل 🤤 رد ع جوالووووو الاستاذ واخيرا بقلو لحقني قبل نص ساعه صحيت ولقيت مي الجنين نازله بقدرش اطول تعا خدني ع المشفى انا بصرخ وخايفه وهو ع ابرد ما عندو 😡 بقلي انا بعيد بدي ساعه لوصل لبيت طب والحل شو اعمل اهلي بعدين عني كمان وفش حد حوليه اللي احكيلو خدني بولد 😣🤤 سكر الخط وصرت ابكي وخايفه ع جنيني بعد ما نشفت روحي ورتعبت ومتت خوف رن جوزي الفضيل مكالمه فيديو وهو فاااارط ضحك وقاعد ولا عبالو وبابرد ماعندو ليش بتبكي يهبله صرت اصرخ واسب وانت بتحبنيش وبتحبش بنتك والخطيه برقبتك وماخليت ولا هو بيقلي ياااااا هبله 🙄😌 انا اللي حطيت كاسه مي ع التخت ☹😳 نكشت مخاااتي عليكي 🙂 شايفك الك يومين بتحوسي وبتلوصي دك تولدي قلت لعمل فيكي هلمقلب 😜😛 انا بهاي اللحظه يعني البيبي بخير يعني فش اشي خطر يعني كل هاد منك 😱😱 انا الصدمه بطلت اعرف اضحك ابكي اصرخ كل اللي عملتو فصلت الخط بوجهو وعم حاول اطلع من الصدمه ☹ اسااا شو ماعملت من مقالب مستحيل اوصل للدرجه اللي هو حطني فيهاااااا 😣😭 جاااري البحث عن مقلب لردلو مقلبو 😎 ساعدوني 😁😁