العضوة: 235321 , 5 years ago

امين ي رب الله يسمع منك

العضوة: 820921 , 5 years ago

كم سعر التحاميل.. واش البرنامج من اول يوم في الدوره

العضوة: 235321 , 5 years ago

طلعي بطاقة رزق وسوي تحاليل العملية عليها خصم ٥٠٪؜ ولو سويتيها في الرياض عند دار القناه بيكون الخصم ٨٠٪؜ حيل بتنفعك

العضوة: 821343 , 5 years ago

السلام عليكم ، حبيت انقل لكم تجربتي في عملية الحقن المجهري بالتفصيل لأني وقت اللي بديت فيها تعبت ادور اي احد كاتب عنها بالتفصيل و للأسف مافيه .. هذي هي تجربتي ولله الحمد و قبل كل شي وقبل اي شي تذكري ان الأمر بيد الله سبحانه وتعالى لا هو بيد الدكتور ولا اختيارك للمستشفى ولاااا اي شي .. الأمر كله راجع لمشيئة ربي سبحانه اكثري من الاستغفار وحافظي على صلاتك بأوقاتها قيام الليل لا تتركينه لو مهما يصير و سورة البقرة داومي عليها يومياً تصدقي لو بالقليل بنية الحمل خلك قريبة من ربك مو من عباده بالنهاية هو القادر سبحانه ♥️

العضوة: 820921 , 5 years ago

اش التحاليل الا سويتيها واش البرنامج من اول يوم... وكيف العناية من قبل الطاقم الطبي

العضوة: 821343 , 5 years ago

- 5-9-2020 يوم السبت ثاني يوم من الدورة تصوير التراساوند على الرحم و المبايض وكل شي سليم ولله الحمد و سوينا تحليل دم يبين انه ما فيه اي امراض او اي شي و النتيجة سليمة ولله الحمد و بديت اليوم اول ابرة تنشيط 75 MENOPUR **** 6-9-2020 يوم الاحد ثاني ابرة تنشيط **** 7-9-2020 يوم الاثنين ثالث ابرة تنشيط **** 8-9-2020 يوم الثلاثاء رابع ابرة تنشيط + فحص الكورونا **** 9-9-2020 يوم الاربعاء خامس ابرة تنشيط **** 10-9-2020 يوم الخميس سادس ابرة تنشيط + التراساوند على البويضات عددهم و احجامهم تمام **** 11-9-2020 يوم الجمعة عطاني الدكتور ابرتين غير الأولية وحدة لتنضيج البويضات اسمها merional 150 و الثانية لقمع عملية التبويض اسمها cetrotide 0.25 لمدة ثلاث ايام **** 12-9-2020 يوم السبت ثاني يوم من تغيير الابر **** 13-9-2020 يوم الاحد ثالث يوم من تغيير الابر و الاخير + التراساوند على البويضات عددهم و حجمهم ولله الحمد الاستجابة ممتازة

العضوة: 821343 , 5 years ago

**** 14-9-2020 يوم الاثنين عندي ابرتين اليوم وحدة هي نفسها لقمع عملية التبويض cetrotide 0.25 و الثانية اللي هي الابرة التفجيرية choriomon 10000 كان بينهم ساعة **** 16-9-2020 يوم الاربعاء اليوم عملية السحب صايمة من امس الساعة ١٢ بالليل موعدنا في المستشفى للحضور الساعة 7:30 الصبح موعد العملية المفروض 8:00 وصلنا ع الوقت المحدد خذوا درجة حرارتي انا وزوجي سجلوا قياس الضغط لي + الوزن + الطول و وقعنا على الأوراق الضرورية وبعدها خذوا زوجي للغرفة الخاصة ع اساس يعطيهم العينة . و انا دخلوني لقسم العمليات قبلها دخلت غرفة صغيرة فيها سرير واحد عطوني لبس العمليات و كب تغطية الشعر قالت لي نزلي كل اللي لابسته و البسي لبس العمليات بس ، و تأكدت ما علي ذهب او اي شي .. جاتني دكتورة و بعدها دكتور و من قبلهم النرس كلهم يتأكدون من نفس الشي ، سألوني اسئلة ان كنت سويت عمليات من قبل او اعاني من حساسية او استخدم اي علاجات او اذا كنت اعاني من اي مرض او ضغط دم او سكر و ما الى ذلك او اذا كان فيني حشوات حديد بأسناني او تقويم حطوا لي ابرة المغذي وبعدها خذوني لغرفة العمليات حطوا لي المخدر و آخر مرة شفت الساعة كانت 8:05 دقايق بعدها ما ادري شصار

العضوة: 821343 , 5 years ago

الساعة 9:15 طلعوني من غرفة العمليات على غرفة الإفاقة تقريباً اخذت 20 دقيقة تحت تأثير التخدير بعدها وعيت لنفسي كنت بردانة بشكل لدرجة ان جسمي كله ينفض كنت احس بألم في المبايض مثل ألم الدورة قوي طبعاً عطوني مسكن ألم مع المغذي طلبت النرس تغطيني بشرشفين زيادة من كثر ما انا بردانة شالوا عني الاكسجين و خلوني يتأكدون اذا كنت اكيد تمام او لا يوم صرت احسن رجعوني للغرفة الصغيرة ع اساس اتحسن شوي و بعدها اغير ثيابي و اطلع خلاص وقفت بمساعدة النرس لأني ابي اروح للحمام في طلعتي منه حسيت بدوخه فجأة و غثيان بس الحمدلله خف بسرعة 10:30 طلعنا من المستشفى وصف لي الدكتور تحاميل cyclogest قوتها 400 استخدمها مرتين باليوم كل 12 ساعة لمدة 20 يوم + حبوب الدوفاستون ‏+ magnacef 400 حبوب مضاد حيوي لمدة 6 ايام طبعاً عطوني ورقة تعليمات مكتوب فيها اني ممكن اشوف دم بني خفيف وهذا طبيعي بيوقف من نفسه ممكن احس بألم في اسفل البطن واقدر اخذ بندول و لازم اكثر من السوائل خاصة اللي فيها بروتين مثل الحليب لازم اكل اشياء فيها نسبة عالية من البروتين مثل اللحوم و الألبان والأجبان لازم اوقف عطور من يومها الين يوم تحليل الحمل و ثاني يوم من السحب لازم نتصل عليهم عشان نعرف نتيجة الإخصاب و متى موعد ترجيع الأجنة. **** 21-9-2020 يوم الاثنين الساعة 8:30 الصبح قعدت و دخلت اخذت لي شاور قبل لا اروح للعملية فطرنا و الساعة 10:30 مشينا للمستشفى موعدنا 11:30 عشان يقيسون الضغط و الوزن و هالكلام قبل العملية و طبعاً شربت الماي 12 دخلت غرفة العمليات بعد ما بدلت ثيابي و لبست لبس العمليات و غطيت شعري 12:20 دقيقة تقريباً وصل الدكتور بدينا على طول ، عقّم لي عنق الرحم قبل كل شي وبعدها تأكد مع الدكتورة الثانية ان صورة الرحم بالسونار واضحة و بسم الله بدينا رجع لي اجنّة 2 العملية كلها ما خذت يمكن 15 دقيقة و بعدها انسدحت مكاني 25 دقيقة تقريباً في هالوقت عطوني ابرة تثبيت و لي ابرة ثانية بعد اسبوع و التحليل اقدر اسويه بعد 12 يوم بالدم عندهم وطبعاً مستمرة على حبوب و تحاميل التثبيت نفسها

العضوة: 821343 , 5 years ago

*** 28-9-2020 يوم الاثنين ابرة التثبيت الثانية *** 3-10-2020 اليوم ال13 من ترجيع الأجنة تحليل الحمل الحمدلله على نعم ربي حامل ♥️♥️♥️

العضوة: 71362 , 5 years ago

الحمد الله ربي يفرحك بشوفتو يا رب

العضوة: 577681 , 5 years ago

@user-821343 حبيبتي جزاك الله خير والف مبروووك عقبال ما اجي افرحكم انا بعد بحملي ♥️😢

العضوة: 821343 , 5 years ago

اللهم آمين يارب 💕

العضوة: 821343 , 5 years ago

آميييين ربي يكتب لك الحمل السليم المعافى بإذن الله .. ♥️

العضوة: 577681 , 5 years ago

@user-821343 اميييييين

العضوة: 577681 , 5 years ago

@user-821343 ايش كان نظامك بالاكل وايش امتنعتي عنه انا داخل بمرحله ارجاع بعاليومين